Nou op die lug

Deurnag (Sondag)

00:00-05:00

Empty

Interaktief

Resepte

Soek Vir Resepte

Soek

Jy hoef nie al die velde hieronder te gebruik om 'n resep te soek nie. Hoe minder velde jy gebruik, hoe beter sal die soekresultate wees. As jy byvoorbeeld 'n resep soek wat op Tjailatyd uitgesaai is, kies slegs TJAILATYD in die aftuimelkieslys en klik op SOEK. Al die resepte wat op daardie program uitgesaai is, sal dan verskyn. As jy lus vir iets wat byvoorbeeld hoender in het, kies slegs HOENDER in die Bestandele aftuimelkieslys en niks anders nie. As jy alles probeer het en jy kry steeds die resep waarna jy soek nie, probeer dan 'n sleutelwoord.

Datums
calendar calendar

Keurresep

  • Waterblommetjiepotjie uit die Boland
    Waterblommetjiepotjie uit die Boland
    Saterdag 26 September 2020

    Deur: Hetta van Deventer

    Program: Reis sonder grense

    Porsies: 4 - 6

    Gradering uit 10:
     
    (3 stemme)
    Twitter Facebook
  • Jy moenie haastig wees as jy die potjie maak nie. Die geure moet stadig in die pot prut om hande te vat.

  • Bestanddele

    1kg skaap/lam stowevleis (skenkel en ribbetjie verkieslik, waterblomme hou van ‘n stukkie vet)
    olie
    2 uie, grof gekap
    sout en peper
    fyn naeltjies
    1 koppie witwyn
    1 koppie vleis/hoenderaftreksel
    1 kg skoongemaakte waterblomme (was die waterblomme net in bietjie skoon soutwater af, en breek die blomme in helfte indien dit groterige blomme is)
    4 groot aartappels, geskil en in groterige blokkies gesny
    vars suurlemoen

    Metode

    Geur vleis met sout en peper.
    Braai die stowevleis in sarsies tot verbruin met olie in potjie.
    Verwyder uit die pot en hou eenkant.
    Braai uie tot verbruin in potjie.
    Skep die vleis terug, geur met ‘n knippie naeltjies en voeg nog sout en peper by indien nodig.
    Voeg wyn en aftreksel by en laat prut vir 1½ uur tot die vleis begin sag word.
    Sit die waterblomme en aartappels bo-op (moenie die pot roer nie).
    Laat prut nog so 45 minute.
    Hou die vloeistof dop, die potjie moenie te veel vloeistof bevat nie, maar ook nie droog kook nie. Voeg nog by indien nodig, of haal die deksel af en kook stadig, sodat vloeistof verdamp indien daar te veel vloeistof is.
    Druk ‘n lekker vars suurlemoen oor die waterblommetjies uit voor opdiening en bedien met wit rys. Die surigheid gee balans aan die vetterige smaak van die gereg.

    Wenke
    Sommige mense verkies om ‘n knoffelhuisie by die uie te braai, en voeg koljander by die vleis.
    Indien jy toegang tot ‘n vars bossie surings het, kan dit saam met die waterblomme in die pot gevoeg word. Dit kan ‘n groot bos wees, so 2 koppies, indien die stingeltjies grof gekap is.
    Indien jy verkies om sonder wyn te kook, voeg meer vleisaftreksel by en die sap van 1 suurlemoen in plaas van die wyn.
    Ek het al ‘n vetterige stukkie beesvleis gebruik, maar skaap en lam bly die lekkerste.

Hoeveel sterre gee jy hierdie resep?
* Verpligte velde

Stuur die resep aan n vriend


STUUR