Nou op die lug

Deurnag (Saterdag)

00:00-05:00

Empty

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • KULKIEKIES deur Deon Johnston
    KULKIEKIES deur Deon Johnston
    Donderdag 12 Desember 2019

    Hannes is glad nie bendruk met sy ma se alewige fotos van hom op haar Facebookbladsy nie. Om die waarheid te s, hy pes dit! Een aand is daar huismoles by die bure, en Hannes verfilm die hele petalje met sy selfoon en plaas dit op sy eie sosiale media. Waar trek mens die streep met fotos en videos van jou kinders (en jou bure) op sosiale media? Wanneer word menseregte aangetas, of jou reg op privaatheid? Dikwels kan onskuldige handelinge lei tot groot tragedies.

  • DIE TJELLO deur Michiel Potgieter
    DIE TJELLO deur Michiel Potgieter
    Donderdag 5 Desember 2019

    n Begaafde tjellis verbreek sy kontrak met die Sinfnica de Galicia in Spanje, vlug na sy ouers se plaas en kruip in sy kamer weg. Niks of niemand kan hom uit sy depressie lig nie, maar toe ontdek hy n antieke tjello op die solder van sy oupa se huis en vind sy ander helfte.

  • KORPORAAL LEMMER EN DIE ROWERS deur Bun en Heléne Booyens
    KORPORAAL LEMMER EN DIE ROWERS deur Bun en Heléne Booyens
    Donderdag 28 November 2019

    Jy ontvang jou oproepinstruksies om as voyeur saam met die rowers in te val wat aanmeld in die weermagkaserne. n Briljante teks deur die pa en dogter Booyenskombinasie wat jou met deernis, nostalgie en soms afgryse sal vervul. Die sluier op lewe in die sewentiger- en tagtigerjare van nasionale dienspligtiges word gelig op 'n manier wat weergaloos is. Elke karakter wat geskep is vir hierdie verbeelde wereld word voortreflik uitgevoer deur n stewige span akteurs soos Gerard Rudolf, Anrich Herbst, Leon Kruger, De Klerk Oelofse, Wessel Pretorius, Andr Terblanche, Conradie van Heerden en Jacques Bessinger. Regisseur Johan Rademan neem die vierde muur ast ware weg met sy styl van regie, en maak jou deel as voyeur in die intieme omgewing van die jong weermagrekrute.

  • DOLLER AS KOPAF deur William Oosthuizen
    DOLLER AS KOPAF deur William Oosthuizen
    Donderdag 21 November 2019

    Freek is verveeld in die tehuis waar hy woon, en besluit om vir hom n speelding te bestel, al twyfel sy vriende Dawid en Hardus oor di waagstuk. Dit maak veral vir die kuise Mara die josie in, en sy en die ander vroue probeer hulle bes om di stukkie tegnologie te saboteer. Terwyl hulle reken Freek is besig om kns te word, beraam hy n plan wat Mara heeltemal onkant betrap. n Vrolike, vermaaklike drama propvol kinkels.

  • KOELKOP deur Leon van Nierop
    KOELKOP deur Leon van Nierop
    Donderdag 14 November 2019

    n Gesin word gedwing om vir n naweek in n afgele plaashuis deur te bring. Daar is geen internet- of selfoonontvangs nie. En die sosiale-media-verslaafde seun, Chase, kry onttrekkingsimptome en begin ineenstort. Dit gebeur kort nadat sy beste vriend selfdood gepleeg het nadat hy te lank aan die internet verslaaf was en skielik daarsonder moes leef. Nou moet n gesin n naweek oorleef, waarin hulle liefde vir mekaar tot die uiterste getoets sal word met n seun wat paniekaanvalle begin kry. Hulle leer van voor af hoe sterk n gesin se liefde vir mekaar moet wees om hierdie eietydse uitdaging te oorleef. Met Hans Strydom, Janine Opperman en Christopher van der Westhuizen.

  • GROOTPAD NA KLEINKOP deur Lee Doubell
    GROOTPAD NA KLEINKOP deur Lee Doubell
    Donderdag 7 November 2019

    Grootpad na Kleinkop is n intieme dog onthutsende radiodrama oor n getroude paar, Gawie en Susan, wat n plaasaanval beleef. Die bejaarde paar word oorrompel en in die kattebak van hulle motor geboender. In hierdie beknopte ruimte na wie-weet-waar word hulle met hulle eie verhoudings en sterflikheid gekonfronteer. Al is dit n traumatiese belewenis, bied Doubell se verhaal ook helende salf. Beleef saam met hulle hierdie senutergende ervaring, asook die vrees, magteloosheid en geloof en hoop in n situasie wat net te dikwels in Suid-Afrika ervaar word. Dit is nie geskik vir sensitiewe luisteraars nie.

  • STILLE WATERS deur Anton Treurnich
    STILLE WATERS deur Anton Treurnich
    Donderdag 31 Oktober 2019

    Anna van Rooy sterf op 'n klein dorpie in die Karoo. Dit dompel nie juis die mense van die dorpie in rou nie. Sy was immers nie 'n gewilde inwoner nie, en het skynbaar oral waar sy gaan vyande gemaak. Dis wanneer die bewyse daarop dui dat sy nie dood is aan natuurlike oorsake nie, dat die inwoners van die dorpie in rep en roer is. Almal word skielik verdagtes, want elkeen het 'n verskuilde rede gehad om Anna te wou wegmaak. Frederick, die dominee, het geen geheim gemaak daarvan dat Anna hom grensloos irriteer nie. So ook nie Sun, die eienaar van die handelshuis nie. Rowena, die politieke raadslid, en Anna het ook nie om dieselfde vuur gesit nie, en Arend Onderstroom, die enigste nuwe inkommer, se motiewe kom ewe verdag voor. Niemand se verweer en verskonings hou water nie, behalwe di van sersant Ronnie Malan, wat nie verdink word van enige vuil spel nie, en dan ook as selfaangestelde speurder aan die stuur van die ondersoek staan. Dinge is nie altyd soos wat dit lyk nie...

  • DIE BLIKSLIM deur Martyn le Roux
    DIE BLIKSLIM deur Martyn le Roux
    Donderdag 24 Oktober 2019

    n Savant wat rolprente, van die draaiboeke tot die vervaardigers en akteurs, soos die palm van sy hand ken, ontmoet n aanvallige nagraadse sielkundestudent tydens n rolprentvertoning. Aanvanklik is hy vir haar n interessante gevallestudie, maar kort voor lank ontwikkel daar n hegte vriendskap tussen hulle, wat haar lewe permanent sal verander. Savantsindroom is 'n toestand waarin iemand met 'n beduidende verstandelike gestremdheid sekere vermons ver bo gemiddeld toon. Een van die bekendste rolprente oor n savant is Rain Man met Dustin Hoffman in die hoofrol. Die rolle word vertolk deur Pietie Beyers, Cindy Swanepoel, Rina Nienaber, Mari Molefe van Heerden, Johny Klein en David Louw.

  • DROSTERS deur Herschelle Benjamin
    DROSTERS deur Herschelle Benjamin
    Donderdag 17 Oktober 2019

    Michelle is alweer besig om te dros, of in haar eie woorde: ek staak skool... Haar maats Ruben, Sammy-Jo, Nicolaas en Pietie word egter vir die eerste keer, en uit die bloute na haar huis genooi vir n partytjie. Hier ontdek hulle n heel ander Michelle en n geheim wat n reuse-impak op hulle lewe het. Die spelers is Greteli Fincham as Michelle, Graeme Watson as Ruben, Adri Waterboer as Sammy-Jo, Angelo Bergh as Nicolaas en Francois van der Merwe as Pietie. Die stuk is n opdragwerk deur Herschelle Benjamin, bekend om die bekroonde verhoogstuk In Slavenhuis 39. Die drama is in samewerking met die ATKV en die Nasionale Toneelspelkompetisie geskep.

  • DIE PRYS VAN GLO-STOF deur Retief Scholtz
    DIE PRYS VAN GLO-STOF deur Retief Scholtz
    Donderdag 17 Oktober 2019

    Hierdie darma bied aan horskoolleerders die unieke geleentheid om hulle talente voor die mikrofoon te wys. RSG, ATKV en die Nasionale Toneelspelkompetisie bied met trots n tienerstorie aan waarin individualisme, koppigheid, voortvarendheid en dryfkrag lei tot n baldadige avontuur. Vier deelnemers aan die Toneelspelkompetisie speel die rolle van drie uiteenlopende kinders en n elf wat in n bos verdwaal, en dan desperaat na n slaapplek soek met die hulp van n kaart. Maar hoe gemaak as die spulletjie nie kan ophou met argumenteer nie? Meningsverskille en selfbeeldprobleme staan vierkantig in die pad om hulle doel te bereik. So beland hulle al bakleiende in die vreemde woonplek van n ou man met spesiale kragte, so wys soos die geelhoutbome van die Knysna Bos. Met die hulp van atmosferiese byklanke, en die samewerking van die bekende akteur Tobie Cronj, word nuwe jong talent opgelei in die fynere kunsies van radiodrama. Minke Marais is Lila, n beterweterige beheervraat wat dink sy is in beheer van die groepie. Sy kry stewige teenkanting van Tim, gespeel deur Matian Barnard, n rugbyspeler met n vrees vir spinnekoppe. Saam met hulle is CJ (Brandon Eloff), n perfeksionis wat altyd by die feite hou, maar wat nie noodwendig rigting kan hou nie. En dan is daar Timmy, gespeel deur Julian Robinson. Hy is n vliende elf wat die kinders omklits met sy lewensenergie. DIE PRYS VAN GLO-STOF sal jou nie net laat skater van die lag nie, maar ook in wonderwerke laat glo. Die stuk is spesiaal deur Retief Scholtz vir hierdie leerders geskryf.