Nou op die lug

Monitor

06:00-08:00

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Sterre en planete 29 Maart 2020
    Sterre en planete 29 Maart 2020
    Sondag 29 Maart 2020

    Hoe spoor ‘n mens ‘n asteroïede op? Asteroïedejagter, Nic Erasmus van die SAAO beantwoord vrae soos: Kan mens ‘n asteroïede met die blote oog sien? Watter rol speel die teleskope op Sutherland om asteroïedes op te spoor?.Daar tans bykans eenmiljoen asteroïedes gekatalogiseer. Nic vertel ook watter soort asteroïede die gevaarlikste is.

  • Sterre en planete 22 Maart 2020
    Sterre en planete 22 Maart 2020
    Sondag 22 Maart 2020

    Hennie Maas en sy gaste praat onder meer oor die instel van teleskope.

  • Sterre en planete 15 Maart 2020
    Sterre en planete 15 Maart 2020
    Sondag 15 Maart 2020

    Het jy al gewonder hoe ons ster, die son, klink? Hennie Maas speel die klank vir jou. ‘n Luisteraar van Tulbach het navraag gedoen oor ‘n baie helder ster wat in die weste skuins bokant die Winterhoekberge gesien is. Sy wil weet wat dit is. En dit lyk ook of een van die Voyager-satelliete, wat tans in die verre diep ruim is, uiteindelik afgeskakel sal word.

  • Sterre en planete 8 Maart 2020
    Sterre en planete 8 Maart 2020
    Sondag 8 Maart 2020

    Al gehoor van ‘n proteïen in die ruimte? Die span vertel van een wat in ‘n meteoriet gevind is. Sou dit op lewe elders kan dui? Daar is ook meer inligting oor ‘n reuse ontploffing wat miljoene ligjare gelede in die ruimte plaasgevind het. En hulle praat oor 'n nuwe projek waar ‘n satelliet opgestuur sal word om ander satelliete te gaan diens.

  • Sterre en planete 1 Maart 2020
    Sterre en planete 1 Maart 2020
    Sondag 1 Maart 2020

    Een van die sogenaamde vroulike rekenaars, Katherine Johnson, is onlangs in die ouderdom van 101 jaar oorlede. Willie Koorts vertel watter waardevolle werk hierdie vroue in die eerste jare van ruimtevaart by NASA gedoen het. Dr. Japie van Zyl praat oor die trillings wat die Insight-ruimtetuig op Mars waargeneem het. Dit laat die vermoede ontstaan dat die rooi planeet meer aktief is as wat voorheen gedink is. Sterrekundiges het ook onlangs ‘n asteroïede waargeneem wat ‘n klein maantjie het. Prof Matie Hoffman verduidelik of dit ongewoon is.

  • Sterre en planete 23 Februarie 2020
    Sterre en planete 23 Februarie 2020
    Sondag 23 Februarie 2020

    Is die helder voorwerp wat tans in die weste te sien is, die aandster? Dis natuurlik nie ‘n ster nie, maar die planeet Venus, wat omtrent so groot soos die aarde is. Die span verduidelik hoe mens weet dat jy na ‘n ster of ‘n planeet kyk. Daar is ook inligting oor die manewales van die rooi reus, Betelgeuse, wat saam met Rigel aan weerskante van die Orion-groep is, en skynbaar op die punt staan om te ontplof.

  • Sterre en planete 16 Februarie 2020
    Sterre en planete 16 Februarie 2020
    Sondag 16 Februarie 2020

    Suid-Afrika se grootste optiese teleskoop, The South African Large Telescope (SALT), moet voortdurend gediens word. Willie Koorts vertel watter herstelwerk tans gedoen word. Kobus Olckers praat oor die pole van die son en planete. En 'n luisteraar het gevra hoe ons weet wat die noord- of suidpool van die son is.

  • Sterre en planete 9 Februarie 2020
    Sterre en planete 9 Februarie 2020
    Sondag 9 Februarie 2020

    Voyager 2, wat al buite ons sonnestelsel is, het onlangs probleme ondervind. Die satelliet moes toe van die aarde af herstel word. Jy kan hoor hoe dit gedoen is, en dat dit ‘n sein 34 uur neem om heen en weer deur die ruimte trek. Daar is meer inligting oor die hardste klank wat op aarde waargeneem is, en dit nie die Saturn-vuurpyle is nie. Prof. Matie Hoffman vertel van ‘n studie wat daarop dui dat die sonminimum moontlik daartoe kan lei dat ons besig is om in ‘n mini-ystydperk in te beweeg.

  • Sterre en planete 2 Februarie 2020
    Sterre en planete 2 Februarie 2020
    Sondag 2 Februarie 2020

    Dis nou meer as vyftig jaar gelede dat die kasule van Apollo 1 tydens ‘n simulasie aan die brand geslaan het. Dr. Japie van Zyl verduidelik wat fout gegaan het, en hoe ‘n gevaarlike onderneming ruimtevaart is. ‘n Luisteraar het ‘n vraag gevra oor die doeltreffendheid van Lithiumioon-batterye. Die span gesels oor battery-ontwikkeling in die toekoms, en dat superkapasitors dié soort batterye kan vervang.

  • Sterre en planete 26 Januarie 2020
    Sterre en planete 26 Januarie 2020
    Sondag 26 Januarie 2020

    Een van die groot ruimteteleskope, die Spitzer, sal eersdaags nie meer funksioneer nie. Willie Koorts praat oor die belangrike werk wat die teleskoop gedoen het. Dit is ‘n teleskoop wat in die infrarooibandwydte werk. Daar is ook inligting oor ‘n reuse radioteleskoop wat in Sjina in bedryf gestel is. Die Fast-teleskoop is heelwat groter as sy eweknie in Arecibo, Puerto Rico. Daar word ook gepraat oor nuwe batterytegnologie.