Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Toerismebestuur
    Toerismebestuur
    Saterdag 23 Februarie 2019

    Toerisme strek veel verder terug in die geskiedenis as wat ons dink, en is ook meer omvattend as op die oog af. Teorie en praktyk is ewe belangrik. Johan Rademan gesels hieroor met Gwen Haremsen, hoof van die Departement Toerisme en Gasvryheidsdienste by die Tygerbergkampus van North Link Kollege.

  • Toerismeopleiding
    Toerismeopleiding
    Saterdag 23 Februarie 2019

    Johan Rademan gesels met André Kilian oor die werk van die SA Kollege vir Toerisme op Graaff-Reinet. Een uit 20 elke werksgeleenthede in Suid-Afrika hou direk verband met toerisme, en een werker in die veld sorg vir vyf ander om hulle. Gasvryheid, Spoorsnyopleiding en Veewagtery word aangebied by die Kollege. As gevolg van die inheemse kennis hier, het Australië hulle genader om opleidingsmateriaal en programme te bekom wat gebaseer is op Suid-Afrikaanse ondervindings.

  • Woodstock
    Woodstock
    Saterdag 16 Februarie 2019

    Woodstock is slegs 1 km van die stadsentrum in Kaapstad af. Die gebied is besig om in ‘n dinamiese toerismebestemming te ontwikkel. Woodstock was tot ongeveer 1950 ‘n gewilde “strandgebied” met strandhuise. Ná die drooglegging van Tafelbaai het die kuslyn teruggeskuif, en is dit amper ondenkbaar dat die see geklots het aan die Kasteel van Goeie Hoop. Johan Rademan het met van die nuwe toetreders tot hierdie toerismegebied gesels.

  • Toerisme-opleiding
    Toerisme-opleiding
    Saterdag 9 Februarie 2019

    Johan Rademan gesels met Sibelle Fourie oor loopbane in toerisme. Ekotoerisme, volhoubare toerisme, groentoerisme en avontuurtoerisme kry sterk voorrang in kursusse wat van ‘n paar weke tot drie jaar kan duur. Maak egter seker jy studeer toerisme by ‘n geakkrediteerde instansie.

  • Die reuse rob en die marinetoergids
    Die reuse rob en die marinetoergids
    Saterdag 9 Februarie 2019

    Johan Rademan gesels met Dirk Coetzee oor ervarings ter see as ‘n marinetoergids. Hy vertel van Buffel, die reuse rob wat sosiale media oorheers het, en wat by geleentheid met ‘n kreef in die bek langs sy kajak opgeduik het. Buffel wat langer as vier meter is, sowat vyf ton weeg, en tot ‘n diepte van 1,000 meter duik kom groet nie sommer enige iemand nie.

  • Wêreld Vleilanddag
    Wêreld Vleilanddag
    Saterdag 2 Februarie 2019

    Johan Rademan gesels met dr. Pierre Brink, ‘n afgetrede medikus, oor die Vriende van Verlorenvlei se pogings om die Verlorenvlei RAMSAR Vleilandgebied te red. Die vleiland is onder geweldige druk weens uitgebreide boerdery en swak bestuur van die vleilandgebied deur die owerhede. Die oerbron van vars water sal die ontspanningsterrein vir toeriste, wat fotograwe en fauna- en floraliefhebbers insluit, ontneem van die ryk biodiversiteit in die toekoms.

  • Nuwe boek oor Kgalagadi Oorgrenspark
    Nuwe boek oor Kgalagadi Oorgrenspark
    Saterdag 5 Januarie 2019

    Johan Rademan gesels met Jaco Powell en Ingrid van den Berg, medeskrywers van die boek KGALAGADI SELFDRIVE, ROUTES & RATINGS. Jaco is die eienaar van Cape Fox Tours en het B.Sc Dierkunde en Entomologie aan Kovsies studeer. Hy fokus as toergids vir meer as twee dekades spesifiek op die Kgalagadi, waar hy as kind reeds noukeurig begin aantekeninge maak het oor verskynsels in die oorgrenspark.

  • Jou vakansie en versekering
    Jou vakansie en versekering
    Saterdag 22 Desember 2018

    Nico Esterhuizen van die Suid-Afrikaanse Versekeringsvereniging (SAIA) vertel vir Haidee Muller van die voorsorgmaatreëls wat jy moet tref voor jy die pad vat vir jou langverwagte vakansie.

  • Ry met 'n trekker bergop
    Ry met 'n trekker bergop
    Saterdag 15 Desember 2018

    Beleef ‘n trekkerrit teen die Langeberge op op die plaas Protea buite Montagu.

  • Motorfietsagterpaaie
    Motorfietsagterpaaie
    Saterdag 1 Desember 2018

    Johan Rademan het Johann Brits gepols oor motorfietsagterpaaie, en hoe ‘n toeroperateur kop skoonmaak tydens vakansies.