Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Benjamin Jephta
    Benjamin Jephta
    Vrydag 13 Oktober 2017

    Op 25 spog hy met die 2017 Standard Bank Jong Kunstenaarstoekenning vir Jazz, hordes vertonings oor die wêreld heen, en hy word beskou as ‘n musikale wonderkind. Christelle van Tonder gesels met Benjamin Jephta oor sy loopbaan en die Standard Bank Joy of Jazz fees, waar hy opgetree het.

  • Riaan Nieuwenhuis
    Riaan Nieuwenhuis
    Vrydag 6 Oktober 2017

    Riaan Nieuwenhuis het die wêreld al plat getoer, en met verskeie professionele en amateurmusikante musiek gemaak. Hy was deel van 'n hordes verskillende musiekprojekte. Sy jongste instrumenetele rock-album is vandeesweek bekendgestel.

  • Hennie de Bruyn
    Hennie de Bruyn
    Vrydag 22 September 2017

    Hennie de Bruyn en die Kitaarkêrels is vir ‘n Suid Afrikaanse Tradisionele Musiektoekening, of SATMA, benoem in die kategorie Beste Boeremusiekalbum. ‘n Paar weke voor die spoggeleentheid het Hennie de Bruyn en die Kitaarkêrels hulle 25e album opgeneem. Christelle van Tonder gesels met Hennie oor die nominasie en sy liefde vir Boeremusiek.

  • Liela Groenewald
    Liela Groenewald
    Vrydag 22 September 2017

    Dr. Liela Groenewald, ‘n voormalige lektor by die Universiteit van Johannesburg se Sosiologie departement, het baie meer as net akademie aan haar kant. Sy spog ook met ongelooflike sangtalent en skryfvermoë, en het die verhoog al gedeel met die meeste groot en legendariese musikante in Suid-Afrika. Liela vertel vir Christelle van Tonder van haar nuwe album, sosiologie en musiek, en hoekom musikante nie meer oor politiek sing nie.

  • Die Ventertjies
    Die Ventertjies
    Vrydag 15 September 2017

    Nicola (18) en Lindie-Lee (15) Venter kan 13 intrumente bespeel, sonder ‘n enkele dag se opleiding! Die Ventertjies, soos hulle bekendstaan, is vir ‘n Suid Afrikaanse Tradisionele Musiektoekennings benoem in die kategorie Beste Boeremusiekalbum. Hulle gesels met Christelle van Tonder oor hulle liefde vir Boeremusiek.

  • Hartklopduette
    Hartklopduette
    Vrydag 15 September 2017

    Dirk Jansen van Vuuren en Cinda de Klerk van die groep, Hartklopduette, is vir ‘n Suid Afrikaanse Tradisionele Musiektoekenning benoem in die kategorie Beste Boeremusiekalbum. Hulle passie en doel is om by al die ouetehuise in Suid-Afrika op te tree. Hulle gesels met Christelle van Tonder oor hulle musiek, en Cinda se sewe snitte wat in Nashville opgeneem is en op 200 radiostasies gespeel word.

  • Rubber Duc
    Rubber Duc
    Vrydag 8 September 2017

    Ná Rubber Duc se ‘oornagsukses’ het die groep nog nie een oomblik stil gesit nie. Die groep spog met hulle eie selfoontoepassing - ‘n eerste vir Suid-Afrika. Christelle van Tonder gesels met die groep se kitaarspeler, Brendon Campbell, en toerbestuurder Ryan Poerner oor hulle kits-sukses.

  • Peach van Pletzen
    Peach van Pletzen
    Vrydag 1 September 2017

    Peach van Pletzen het onlangs ‘n nuwe projek aangepak wat grootliks gefokus is op komedie. Die projek se naam is Van Pletzen, en wanneer jy na die musiekvideo’s kyk en selfs net na die snitte luister, verstaan jy dat hulle hulleself nie te ernstig opneem nie. Peach gesels met Christelle van Tonder oor die projek en oor sy opleiding in elektroniese musiek.

  • Grethe van der Merwe
    Grethe van der Merwe
    Vrydag 18 Augustus 2017

    Grethe van der Merwe is van Ladysmith, maar woon ddesdae op Stellenbosch. Sy was lank ‘n dosent by die Universiteit Stellenbosch se dramafakulteit, maar fokus nou op haar tweede album JY WEET. Sy gesels met Christelle van Tonder oor haar kopskuif van kabaretmusiek na 'n meer kommersiële klank.

  • Willem Botha
    Willem Botha
    Vrydag 28 Julie 2017

    Willlem Botha se nuwe album SIEN EN VERGEET is op die rakke. Ná 11 jaar se ervaring is hy wyser, en kyk anders na sy loopbaan en die musiekbedryf.