Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Jeremy Loops
    Jeremy Loops
    Vrydag 16 Augustus 2019

    Tydens Ed Sheeran se besoek aan Suid-Afrika het Jeremy Loops n oproep van die internasionale superster se agente af ontvang. "Hallo Jeremy. Ed Sheeran volg jou musiek al n geruime tyd, en hy wil jou graag ontmoet. Ons gaan jou kom oplaai." En so begin 'n nuwe verhouding wat binnekort dalk nuwe musiek oplewer. Jeremy Loops se grootwordjare was stormagtig, en sy ouers het selfs gewonder of hy skool sal klaarmaak. Na n tyd oorsee het hy teruggekeer huistoe waar hy finansies studeer het, maar ook vroeg besef het dat dit nie sy passie is nie. Nadat hy sy graad voltooi het, het hy voltyds musiek begin maak, en nou, na twee albums, het hy die aandag van Ed Sheeran.

  • John Rock Prophet
    John Rock Prophet
    Vrydag 9 Augustus 2019

    John Rock Prophet het op 12-jarige ouderdom sy eerste lied op 'n vriend se kitaar gespeel. Sy pa het vir hom ges hy kan eers sy eie kitaar kry indien hy iets leer speel. Hy speel toe sy unieke weergawe van Suikerbossie vir sy pa, en net daar is pa en seun in n rooi Cortina na die winkel om vir hom sy eie kitaar te hoop. Nadat hy sukses in sy tuisdrop Windhoek gehad het, kom hy Suid Afrika toe en steel die harte van die mense hier. Hy reis nou gereeld tussen Pretoria en Windhoek. Windhoek is waar hy stilte kry, en in Pretoria is dit besigheid. Christelle van Tonder gesels met hom oor musiekskryf, die Suid-Afrikaanse musiekbedryf en sy eerste kitaar.

  • Jason Bradley
    Jason Bradley
    Vrydag 2 Augustus 2019

    Jason Bradley is n gesoute countrymusikant wat al groot naam vir homself gemaak het. Hy is tans besig met n nuwe album. Hy vertel vir Christelle van Tonder hoe hy besluit het om countrymusiek te maak, terwyl hy eintlik n voorliefde vir rock het. Hy praat ook oor sy samewerking met Lance James.

  • Serenade
    Serenade
    Vrydag 26 Julie 2019

    Die nuwe mansgroep, Serenade, word beskou as die nuwe Romanz. Die groep bestaan uit vier lede, wat n n landswye kompetisie, saamgestel is om n unieke klank te vorm. Hulle debuutalbum is onlangs uitgereik, en nou het hulle die uitdaging om hulle werke, repetisies, studies en sangverpligtinge te balanseer. Christelle van Tonder gesels met Mynhardt Kruger van Kaapstad, Juandre van den Berg van Boksburg, Dawie de Wet van Vanderbijlpark en Fredric Dacomb van Pretoria oor hulle nuwe sanggroep.

  • Gian Groen
    Gian Groen
    Vrydag 19 Julie 2019

    Daar was al hordes treffers uit sy pen wat hyvvir ander musikante geskryf. Hy is bekend vir die sielvolle Vier Seisoene Kind wat vir Laurika Rauch baie sukses gebring het. Maar wat van die musiek wat hy vir homself skryf? Christelle van Tonder gesels met Gian Groen oor hoe sy musiek verander het vandat hy pa geword het, en die musiek wat hy vir die Amerikaner, Camille van Niekerk, skryf.

  • Kyle du Preez
    Kyle du Preez
    Vrydag 12 Julie 2019

    Jazzmusikant en tromboonspeler Kyle du Preez is al 15 jaar lank betrokke by die Nasionale Kunstefees se Jazzfees. Die fees gee elke jaar aan jong opkomende jazzmuzikante die geleentheid om saam met die topmusikante in die land op te tree. Kyle vertel vir Christelle van Tonder van vanjaar se fees wat aan die einde van Junie plaasgevind het. Ht praat ook oor sy loopbaan.

  • Oppiradio 5 Julie 2019
    Oppiradio 5 Julie 2019
    Vrydag 5 Julie 2019

    Op 74 tree Glenys Lynne en 4 Jacks and a Jill nog op en gee die ou bekende treffers nuwe lewe, saam met die gospelmusiek in hulle repertoire. Glenys Lynne het by die OPPIRADIO ateljee kom kuier om te praat oor haar loopbaan, kinders grootmaak op die pad, en haar oorgang na gospelmusiek. Christelle van Tonder maak kennis met die legende.

  • Lance James
    Lance James
    Vrydag 28 Junie 2019

    Lance James vier op 18 Julie 2019 sy 81ste verjaarsdag. Hy spog met n nuwe album getiteld Swan Song maar Lance belowe dit is nie sy laaste album nie. In n loopbaan wat strek oor meer as 60 jaar het Lance James country-treffer na -treffer bekendgestel en die harte van die Suid-Afrikaners gesteel veral met sy Afrikaanse liedjies soos Dankie. Lance beskou ook die lied as die belangrikste lied in sy loopbaan. Hy praat oor sy lang loopbaan by die SAUK, sy nuwe album, toer en hoe hy van kleins af geweet het hy moet deel wees van die musiekwreld.

  • Oppiradio 21 Junie 2019
    Oppiradio 21 Junie 2019
    Vrydag 21 Junie 2019

    Hanco is n jong opkomende musikant wat oorspronklik van Tzaneen af kom maar nou in Pretoria woon waar hy voltyds musiek maak en skryf. Sy debuutalbum Hou Vas is in Maart bekendgestel en die titelsnit kan ook nou op RSG gehoor word. Christelle van Tonder gesels met die jong musikant oor sy opleiding, liedjieskryf en sy debuutalbum Hou Vas.

  • Jesse Jordon
    Jesse Jordon
    Vrydag 14 Junie 2019

    Jesse Jordon vertel meer oor sy loopbaan.