Nou op die lug

RSG Sport

15:00-18:00

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • Skrumtyd 4 November 2019
    Skrumtyd 4 November 2019
    Maandag 4 November 2019

    Emosionele tonele het in Japan afgespeel ná die eindfluitjie geblaas het in die Internasionale Stadion in Jokohama in Japan toe die lede van die Springbokspan mekaar omhels en hulle afrigter, Rassie Erasmus, op die veld gedra het. Erasmus het gesę die Springbokke se oorwinning oor Engeland was die gevolg van 19 weke se harde voorbereidingswerk, asook die Bokke se geloof in hulle eie vermoë. Suid-Afrika is die eerste span in die geskiedenis van die Węreldbeker wat 'n groepwedstryd verloor het, maar steeds die toernooi gewen het. Suid-Afrika het ook in geen van die drie wedstryde waarin hulle die beker in 1995, 2007 en vanjaar verower het, 'n drie afgestaan nie.

  • Skrumtyd 28 Oktober 2019
    Skrumtyd 28 Oktober 2019
    Maandag 28 Oktober 2019

    Die Springbokke sal Saterdag in die eindstryd van die Rugbywęreldbeker in Japan teen Engeland te staan kom. Die Suid-Afrikaners het Wallis in die halfeindstryd naelskraap met 19-16 geklop, nadat hulle teen rustyd met 9-6 voorgeloop het. Die senter, Damien de Allende, het die Springbokke se enigste drie gedruk. Die losskakel, Handré Pollard, het die res van die span se punte met 'n doelskop en vier strafskoppe aangeteken. Jody Hendricks en sy paneel bespreek die Bokke se kanse in die eindstryd.

  • Skrumtyd 21 Oktober 2019
    Skrumtyd 21 Oktober 2019
    Maandag 21 Oktober 2019

    Die Springbokke het hulle kwarteindrondewedstryd teen Japan met 26 punte teenoor drie gewen, en sodoende 'n plek verseker in die halfeindstryd. Twee drieë deur die vleuel, Makazole Mapimpi, en een deur skrumskakel Faf de Klerk, het bygedra tot die sege oor Japan. Die Bokke se kaptein, Syia Kolisi, sę hulle het 'n taai stryd verwag. Die Bokke speel nou Sondag in Jokohama teen Wallis. Nieu-Seeland sal Saterdag in die eerste halfeindstryd teen Engeland te staan kom. Jody hendricks bespreek die naweek se uitslae, en die wedstryde wat nog voorlę.

  • Skrumtyd 14 Oktober 2019
    Skrumtyd 14 Oktober 2019
    Maandag 14 Oktober 2019

    Die All Blacks se afrigter, Steve Hansen, het Japan geloof ná hulle oorwinning van 28-21 oor Skotland. Hy sę die span verdien sy plek in die topgroep-rugbylande. Hansen sę die All Blacks is deeglik daarvan bewus dat die Iere 'n gedugte span is, en sal Saterdag alles gee in hulle kwarteindwedstryd teen die span. Nieu-Seeland het twee van die laaste drie kragmetings teen die Iere verloor. In die ander kwarteindwedstryd Saterdag kom Engeland teen Australië te staan. Sondagoggend meet Wallis en Frankryk kragte, en later kom Japan en die Springbokke teen mekaar te staan. Jody Hendricks en sy paneel bespreek die groepfase van die Rugbywęreldbeker wat gister tot 'n einde gekom het, en die kwartieindwedstryde wat voorlę.

  • Skrumtyd 7 Oktober 2019
    Skrumtyd 7 Oktober 2019
    Maandag 7 Oktober 2019

    Springbokkaptein Siya Kolisi sę hy is fiks en gereed om die span op die veld te lei vir die tweede keer in vyf dae. Die Springbokke speel op 8 Oktober in Kobe in Japan in hulle laaste Groep B-wedstryd teen Kanada. Dertien veranderinge is aan die begin vyftiental aangebring. Buiten Kolisi, sal dit ook die tweede toets in vyf dae wees vir Damian de Allende. Kolisi sę hy sien uit na die kragmeting. Jody Hendricks en sy gaste bespreek die Bokke se wedstryd teen Kanada, en vra ook of die Haka die All Blacks ‘n sielkundige voorspring gegee.

  • Skrumtyd 30 September 2019
    Skrumtyd 30 September 2019
    Maandag 30 September 2019

    Jody Hendricks en sy paneel doen 'n voorskou van die Bokke se volgende Wëreldbekerwedstryd teen Italië.

  • Skrumtyd 23 September 2019
    Skrumtyd 23 September 2019
    Maandag 23 September 2019

    Die Springbokafrigter, Rassie Erasmus, sal homself lastige vrae moet vra oor sy span se strategie en spankeuses nŕ hulle 23-13 nederlaag teen Nieu-Seeland in hulle eerste wedstryd in die Węreldbekertoernooi in Japan. Die rustydtelling was 17-3 in die All Blacks se guns. Handré Pollard het die Springbokke se eerste punte met 'n strafdoel aangeteken. Twee vinnige drieë deur die All Black-vleuel George Bridge en slot Scott Barrett het egter die bordjies verhang. In die tweede helfde het 'n drie deur Pieter-Steph du Toit die punteverskil laat krimp tot sewe7, gevolg deur 'n skepdoel van Pollard. Nieu-Seeland het egter hulle oorwinning beklink met twee strafskoppe in die laaste minute. Die Bokke speel Saterdag teen Namibië, en Nieu-Seeland op 2 Oktober teen Kanada. Johan Rademan en André Watson ontleed die wedstryd saam met Jody Hendricks.

  • Skrumtyd 16 September 2019
    Skrumtyd 16 September 2019
    Maandag 16 September 2019

    Die Springbokke speel Saterdag in hulle eerste wedstryd by die 2019 Rugbywęreldbeker. Jody Hendricks en sy paneel bespreek die faktore wat 'n rol speel in die eerste wedstryd by die toernooi. Hy praat ook met Os Du Randt, wat op 3 November in Węreldrugby se heldesaal ingehuldig word.

  • Skrumtyd 9 September 2019
    Skrumtyd 9 September 2019
    Maandag 9 September 2019

    Hemelbesem en Ashwin Willemse doen 'n huldeblyk aan Chester Williams. Jody Hendricks en sy gaste ontleed die Curriebekereindwedstryd tussen die Cheetahs en die Leeus, en ons hoor van die Springbokke ná hulle sege oor Japan.

  • Skrumtyd 2 September 2019
    Skrumtyd 2 September 2019
    Maandag 2 September 2019

    Die Cheetahs en die Goue Leeus pak mekaar op 7 September in Bloemfontein in die Curriebeker-eindstryd, nadat die Cheetahs die Haaie met 51 - 30 afgeransel het. Die Leeus het vroeër die Griekwas met 34 - 19 geklop. Oudspringbok Ruan Pienaar praat met Jody Hendricks.