Nou op die lug

Ikra

05:55-06:00

Empty

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • RSG Landbou 2 April 2020
    RSG Landbou 2 April 2020
    Donderdag 2 April 2020

    Die tweede oesskatting vir somergraangewasse is op 25 Maart vrygestel. Corné Louw, seniorekonoom by Graan Suid-Afrika, praat hieroor en oor die impak wat die Covid-19 maatreëls op die stroopproses mag hê. Chanelle Retief van NutriFundi gee raad oor die aankoop, stoor en verbruik van voedsel tydens die 21 dae van inperking. En Johan van den Berg van Santam Landbou is soos altyd op sy pos met nuus oor die weer.

  • RSG Landbou 1 April 2020
    RSG Landbou 1 April 2020
    Woensdag 1 April 2020

    ‘n Totaal van 975 plaaslike suiwelprodukte is vanjaar beoordeel om te bepaal wie die 2020 Suid-Afrikaanse Suiwelproduk van die Jaar kroon moet dra. Die wenner is op 26 Maart tydens ‘n virtuele Qualité-toekenningsgeleentheid aangewys. Watter impak het Covid-19 op die suiwelbedryf? Dr. Chris van Dijk, bestuurshoof van die Melkprodusente-organisasie, gee meer duidelikheid oor die virus en of diere daarvoor vatbaar is.

  • RSG Landbou 31 Maart 2020
    RSG Landbou 31 Maart 2020
    Dinsdag 31 Maart 2020

    Wat word in 2020 van ‘n melkprodusent verwag om volhoubaar te produseer? En hoe lyk plaaslike melkprysvooruitsigte? Bertus van Heerden, 'n ekonoom by die Melkprodusente-organisasie, beantwoord hierdie en ander vrae oor die plaaslike suiwelbedryf. Hennie Maas en Stan Jerling gesels verder oor die Ferguson-trekker. Talle Suid-Afrikaners is bekommerd oor die by-populasie. Dr. Gerhard Verdoorn van Croplife SA praat oor die effek van plaagdoders op bye. En dr. John Purchase, bestuurshoof van Agbiz, praat oor die landbouwaardeketting tydens die staat van inperking.

  • RSG Landbou 30 Maart 2020
    RSG Landbou 30 Maart 2020
    Maandag 30 Maart 2020

    Verbruikers het die afgelope week winkels toe gestroom om te verseker dan hulle vir die volgende 21 dae genoeg kos op die tafel het. RSG Landbou gesels met Omri van Zyl, uitvoerende direkteur van Agri SA, oor die impak wat die pandemie op die plaaslike landbouwaardeketting het. Gawie Naudé van Rhodes in die Oos-Kaap vertel van sy Braunvieh-beesboerdery, en dr. Gerhard Verdoorn van Croplife SA verduidelik watter invloed veranderende weerpatrone op die voorkoms van plae het.

  • RSG Landbou 28 Maart 2020
    RSG Landbou 28 Maart 2020
    Saterdag 28 Maart 2020

    Omri van Zyl, uitvoerende direkteur van AgriSA, is hy aangewys as deel van ’n spesiale taakspan wat deur die departement van landbou, grondhervorming en landelike ontwikkeling aangestel is om kwessies wat met Covid-19 verband hou, aan te pak. Hy gesels oor die uitdaging en die oplossings wat hiermee te doen het in landbou.

  • RSG Landbou 27 Maart 2020
    RSG Landbou 27 Maart 2020
    Vrydag 27 Maart 2020

    Ons gesels oor die toekoms van hommeltuie in die landbou met Arie van Raavenswaay, die Assistentdirekteur Innovasie, Tegnologie Ontwerp en Oordrag by die Wes-Kaapse Departement van Landbou. Volgens hom kan gewone tegnolgie, soos bestaande kameras, ook suksesvol ingespan word om vele landbou-funksies te verrig. Spesialis-voorligter in akwakultuur by dieselfde departement, Ferdie Endemann, verduidelik waarom nuwe toetreders nie onverstaanbare wetgewing hoef te vrees nie, en dat ondersteuning maklik bekombaar is vir plaaslike akwaboere.

  • RSG Landbou 26 Maart 2020
    RSG Landbou 26 Maart 2020
    Donderdag 26 Maart 2020

    Johan van den Berg van Santam Landbou gesels oor die verwagte weerpatrone in die winterreënvalgebiede. Veekundige André Fourie van Anker Agri gee raad oor die voorbereiding van ooie vir die paarseisoen. Die voor- en nadele van intensiewe landbouproduksie is ook onder bespreking. Ursula Human, ‘n joernalis by Plaas Media, het in die Maart-uitgawe van die Farmbiz-tydskrif ‘n artikel hieroor geskryf. Landbou in die Wes-Kaap het onlangs ‘n ekstra R25-miljoen rand vir droogtehulp ontvang. Jannie Strydom, bestuurshoof van Agri Wes-Kaap, praat hieroor, en oor hulle ondersteuning vir die minister van landbou in die Wes-Kaap, dr. Ivan Meyer, se hoofinisiatiewe wat hy tydens sy begrotingsrede bekendgemaak het.

  • RSG Landbou 25 Maart 2020
    RSG Landbou 25 Maart 2020
    Woensdag 25 Maart 2020

    Daar word gesê dat droogtes in die toekoms as normaal beskou sal word. Dit beteken dat produsente nodig het om die verskeie opsies wat vir watervoorsiening beskikbaar is, noukeurig te ondersoek en dit deel van hulle normale boerderybeplanning te maak. Dr. Bobbie van der Westhuizen van SA Stamboek verduidelik watter rol teelwaardes speel wanneer ingeligte besluite oor seleksie en teling by vleisbeeste geneem moet word. En Yolandé Roodt is op haar pos met die jongste wolpryse wat by veilings op Port Elizabeth behaal is.

  • RSG Landbou 24 Maart 2020
    RSG Landbou 24 Maart 2020
    Dinsdag 24 Maart 2020

    Carin Venter gesels met Archie Sonwabo van die plaas Suntsani naby Queenstown. Hy was 23 jaar laas by ‘n dokter, en volgens hom is dit te danke aan wat die natuur ons bied. Sy praat ook met Simon Sutton van die plaas Avondale oor hulle Beefmasterstoet, en sy betrokkenheid by georganiseerde landbou as voorsitter van die Queenstown Landbouvereniging. Stan Jerling gesels verder oor die Ford- en Ferguson-trekker, en MJ Ernst van Bona Bona Game Breeders vertel van hulle stoetery. Ons het ook by Agri SA gaan kers opsteek oor die coronavirus en wat van werkgewers en werknemers op plase verwag word.

  • RSG Landbou 23 Maart 2020
    RSG Landbou 23 Maart 2020
    Maandag 23 Maart 2020

    Ons praat gereeld op RSG Landbou oor biosekuriteit op die plaas, maar hoe verskil dié soort biosekuriteit met dit wat belangrik is by die mens. Is daar enige vergelyking? Hennie Maas praat hieroor met dr. Danie Odendaal van die Veearts Netwerk. Daar is nuus oor veilings wat wel nog plaasvind, en dan gesels Frans de Klerk, 'n tegniese ontleder, oor die rand. Dr. Barend Wentzel, ‘n navorser by die LNR-Kleingraan op Bethlehem, vertel hoe die Graan-chemielaboratorium by plaaslike en internasionale instellings inskakel.