Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • RSG Landbou 25 Mei 2019
    RSG Landbou 25 Mei 2019
    Saterdag 25 Mei 2019

    Akwakultuur word beskou as die boerdery van die toekoms. Ferdie Endeman is n spesialisvoorligter in hierdie veld, en is werksaam by die Wes-Kaapse Departement van Landbou. Hy het goeie raad vir voornemende boere wat hierdie vorm van verbouing wil aanpak.

  • RSG Landbou 24 Mei 2019
    RSG Landbou 24 Mei 2019
    Vrydag 24 Mei 2019

    Sunet Vermeulen van die Nasionale Luserntrust op Oudsthoorn praat oor infrarooi-spektrofotometerkalibrasie. Sy vertel van die voordele wat die ontwikkeling van hierdie tegnologie inhou vir landbou.

  • RSG Landbou 23 Mei 2019
    RSG Landbou 23 Mei 2019
    Donderdag 23 Mei 2019

    Hoe moet n Afrikanerbees lyk? Dit is die vraag wat Hennie Maas aan Pieter van der Walt van Limpopo vra. Daar is n gesprek met David Human van Zoetis oor n kompetisie vir boere wat intensief met skape boer. Lise Roberts gesels met Andries Potgieter oor die bewaring van die enigste oorblywende noordelike witrenosters, en daar is meer inligting oor die byprodukte van die Alpaca-bedryf.

  • RSG Landbou 22 Mei 2019
    RSG Landbou 22 Mei 2019
    Woensdag 22 Mei 2019

    Die katoenbedryf het n hupstoot gekry met die daarstelling van n moderne katoenpluismeule in die Loskop-omgewing. Hennie Maas praat met Joseph Kempen van Loskop Katoen oor di nuweling in die katoenstal, en waar Suid-Afrika staan met die produksie van katoen. Daar is ook inligting oor hoe landboumiddels se etikette genterpreteer moet word, en wat die wetlike vereistes is.

  • RSG Landbou 21 Mei 2019
    RSG Landbou 21 Mei 2019
    Dinsdag 21 Mei 2019

    Kuilvoermaak is n belangrike aspek van enige beesboer se voermaak-aktiwiteite. Hennie Maas praat met Richardt Venter van AgSci oor patogenisiteit in kuilvoer. Dit is gifstowwe waarvan mens bewus moet wees. Daar is ook n uiteensetting deur Johan Taljaardt oor hoe boere grafte op hulle plase moet hanteer. Dr. Laetitia Fly van Zoetis gesels oor die maatskappy se ALPHA-projek waardeur landbouers in sekere Afrikalande hulp kry met die bestryding van veesiektes. En soos gewoonlik is Yoland Roodt op haar pos met die wolmarkverslag.

  • RSG Landbou 20 Mei 2019
    RSG Landbou 20 Mei 2019
    Maandag 20 Mei 2019

    Dit is belangrik dat boere n billike verblyfooreenkoms vir plaasarbeiders in plek moet h. Clarissa Pienaar gesels oor die fynere detail van so n ooreenkoms. Daar is nuus oor n paar veilings wat in die volgende dae en weke plaasvind. En Lise Roberts met dr. Hennie Groenewald oor n biotegnologie-simposium wat in Maart plaasgevind het.

  • RSG Landbou 18 Mei 2019
    RSG Landbou 18 Mei 2019
    Saterdag 18 Mei 2019

    Lehman Lindeque is 'n bestuurder by 'n VN-ontwikkelingsprojek oor volhoubare grondbestuur. En Francois Koegelenberg werk by die Geografiese Inligtingstelsel-afdeling by die Wes-Kaapse Departement van Landbou. Hulle was in 2018 deel van n span wat gaan kyk het na grondagteruitgang in Madagaskar, en hoe om mense in die land te help met oplossings om woestynvorming teen te werk.

  • RSG Landbou 17 Mei 2019
    RSG Landbou 17 Mei 2019
    Vrydag 17 Mei 2019

    Ons kuier by kundiges en kleinboere in Oudtshoorn en maak n draai by n navorsingsplaas, waar ons hoor hoe daar koppe bymekaar gesit word om vooruit te boer met volstruise.

  • RSG Landbou 16 Mei 2019
    RSG Landbou 16 Mei 2019
    Donderdag 16 Mei 2019

    Lise Roberts gesels met dr. Hannes Viljoen van ANH oor die spysverteringstelsel van pluimvee en die rol van antibiotika, en hoe probiotika hier kan bydra. Hennie Maas gesels met Johan Mouton oor winterlekke vir vee, en hy gee n paar wenke oor die bestuur en toediening van hierdie aanvullings op die plaas.

  • RSG Landbou 15 Mei 2019
    RSG Landbou 15 Mei 2019
    Woensdag 15 Mei 2019

    Die Melkprodusente-organisasie het n nuwe ekonoom aangestel. Bertus van Heerden vertel hoe die ekonomiese afdeling van die MPO funksioneer, en hoe belangrik die beskikbaarheid van markinligting is. Hy gesels ook oor melkprystendense, veral in die lig van die feit dat die melkprys in Maart effe kop opgetel het. Dissiplinre verhore is n belangrike aspek van die verhouding tussen werkgewer en werknemer. Christo Bester van die LWO Werkgewersorganisasie verduidelik aan Lise Roberts wat so n verhoor behels. En Ben Churr van Goscor brei uit oor hanteringstoerusting, en hoe dit in die landbou aangewend kan word.