Nou op die lug

My musieklêer

21:10-22:00

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • DIE DAG TOE MEV. PAASHAAS KERSFEES GERED HET deur Fourie Rossouw
    DIE DAG TOE MEV. PAASHAAS KERSFEES GERED HET deur Fourie Rossouw
    Woensdag 25 Desember 2019

    Eendag, lank, lank gelede het Kersvader ‘n lelike griep opgedoen nadat hy ‘n pap wiel in die sneeu gekry het. Dit was twee weke voor Kersfees, en iemand anders moes die groot werk oorneem en Kersfees red. Dié groot taak word toe aan die meneer Paashaas gegee. Sal hy die mas opkom, of sal iemand anders moet help om Kersfees te red?

  • 'n Toeka-tot-nou-Kersfees
    'n Toeka-tot-nou-Kersfees
    Woensdag 25 Desember 2019

    Die manier hoe Kersfees gevier word, het met die tyd verander, maar die geboorte van Christus bly steeds die middelpunt. Arehan Brand gesels met die jong akteur Mateo Olivier en sy gesin oor hulle Kersfeestradisies, en wat hulle op dié spesiale dag doen. En Percy Mogale vind by ‘n paar jongmense uit of hulle op Kersvader se soet- of stout-lysie is, en wat hulle ideale vir hierdie dag is.

  • Die ster-lig brand!
    Die ster-lig brand!
    Dinsdag 25 Desember 2018

    ‘n Moderne Kersprogram geskryf deur Flip Loots: Dit is ‘n winderige, donker Oukersaand. ‘n Paar haweloses skuil teen die koue om ‘n vuurtjie voor ‘n toe kettingwinkel. Dan gebeur die onverwagte. Die winkel se elektroniese ster-lig bo-op die dak begin skielik vanself brand…

  • Die geskiedenis voor Jesus se geboorte
    Die geskiedenis voor Jesus se geboorte
    Dinsdag 25 Desember 2018

    Lizelle de Bruin gesels met dr. Stephan Joubert oor die geskiedenis wat Jesus se geboorte vooraf gegaan het. In dié tyd was die Romeine die wêreldheersers. Daar was ‘n berekeningsfout in die jaarkalender, en die Sterrekykers van die Ooste se beroep is op ‘n interessante wyse gebruik om hulle in die regte rigting te stuur.

  • Kersfees saam met die jeug
    Kersfees saam met die jeug
    Dinsdag 25 Desember 2018

    Arehan Brand vind meer uit van die Oakhill Kerk in Durbanville se jaarlikse Kersproduksie, en hoe die jeug daarby betrokke is. Percy Mogale gesels met ‘n paar jong mense van Macassar oor hulle Kersfeestradisies en wat hulle op hierdie spesiale dag doen.

  • Krismis om die ghêlieblik
    Krismis om die ghêlieblik
    Dinsdag 25 Desember 2018

    Haidee Muller gaan kyk hoe die plakker-inwoners van Freedom Farm in die Wes-Kaap Kersfees vier. Sy gesels met hulle oor hulle onthougoed en vreugdes om 'n vuurtjie wat in 'n groot blik, 'n ghêlieblik, gemaak word. Die mense hier het min, maar hulle koester dié spesiale dag so op hulle eie manier.

  • Lampie se heldedaad
    Lampie se heldedaad
    Dinsdag 25 Desember 2018

    Chrisman het ‘n probleem. Hy wil baie graag al sy speelgoed saam see toe neem, maar hy kan ongelukkig net vyf kies, anders is daar nie plek in die kar vir al die ander belangrike bagasie nie. Lampie die Skapie is Chrisman se geliefde speelding, en het van sy geboorte af nog elke jaar saam see toe gegaan. ‘n Groot misverstand tussen Chrisman se ouers veroorsaak dat Lampie ‘n baie moeilike besluit moet neem. Gaan hy saam see toe, of gee hy sy plek in die kar vir Chrisman se blink nuwe kersgeskenk?

  • Krismiskinners
    Krismiskinners
    Maandag 25 Desember 2017

    Haidee Muller hoor hoe die jongspan Kersfees ervaar en vier. Hulle sing ook vir haar Kersliedjies.

  • Vier meer as Kersfees
    Vier meer as Kersfees
    Maandag 25 Desember 2017

    Lizelle de Bruin gesels met dr. Stephan Joubert oor Jesus se kinderdae, Jesus se ewige identiteit en hoekom net twee evangelies oor Jesus se kinderdae handel.

  • Die lang wag was die moeite werd
    Die lang wag was die moeite werd
    Maandag 25 Desember 2017

    Wat is die oorsprong van Christene se Kersfees-vierings? Flip Loots kyk na Bybelse profesieë wat die koms van die geboorte van Jesus Christus aankondig. Hy gesels met dr. Isak Burger, voormalige president van die AGS van Suid-Afrika, oor Joodse gebruike destyds, en aktuele vrae in vandag se tyd oor Kerstyd.