Nou op die lug

My musieklêer

21:10-22:00

Interaktief

Potgooi Soek

SOEK

Datums
calendar calendar
Gevorderde Soek ▾ SOEK HERSTEL
  • BLINDEKOL deur Haidee Muller
    BLINDEKOL deur Haidee Muller
    Donderdag 20 Februarie 2020

    Haidee Muller het op Worcester die blinde en swaksiende krieketspan, Die Worcester Victorians, ontmoet. Die span bestaan uit vyf spelers wat blind is en 13 at swaksiende is. Om krieket te speel, was ‘n groot droom vir Gerhard Trollip, wat net tussen lig en donker kan onderskei. Hy het in 1999 mense nadergehark om krieket te demonstreer aan die blindes en swaksiendes, en so het Die Worcester Victorians ontstaan. Bradley Arendse wou nog altyd 'n blinde span afrig, en vandag doen hy dit na die beste van sy vermoë.

  • SO RY DIE TREIN deur Martelize Brink
    SO RY DIE TREIN deur Martelize Brink
    Donderdag 20 Februarie 2020

    Ná drie jaar en verskeie vertragings is die eerste deel van Kaapstad se treinroete na Eersterivier op 13 Februarie 1862 geopen. Martelize Brink kyk na die afgelope 158 jaar van treindienste in die Wes-Kaap - van die eerste klein platform wat as treinstasie gedien het, die groot opwinding van die 2010 Sokkerwęreldbeker, lojale pendelaars van die noordelike en suidelike roetes wat na die treindrywers omsien, tot die toekoms van die treindiens in onseker tye. Hoor ook die verhaal van Enjin nommer 9 wat liefdevol bekend gestaan het as Blackie, en uiteindelik sy rusplek in die voorportaal van die stasie gevind het.

  • KYALAMI - DIT DREUN WEER IN ONS HUIS deur Fritz Klaaste
    KYALAMI - DIT DREUN WEER IN ONS HUIS deur Fritz Klaaste
    Donderdag 6 Februarie 2020

    Kyalami is ‘n lewende museum wat die Suid-Afrikaanse motorsportgeskiedenis sedert 1961 uitbeeld. Die węreld se grootste name het al hier gery. In die ses dekades van sy bestaan het Kyalami geblom, gebloei, gesteier, geval en weer opgestaan. In November 2019 is die eerste internasionale wedren in 37 jaar daar aangebied, en Fritz Klaaste was daar.

  • DIE TOEBROODJIE-MENEER deur Mariska Spoormaker
    DIE TOEBROODJIE-MENEER deur Mariska Spoormaker
    Donderdag 30 Januarie 2020

    Op Uitenhage vind n mens die sonderlinge verhaal van ‘n toebroodjie-meneer, wat jare gelede ‘n arm, uitsiglose outjie só geďnspireer het, dat hy vandag skoolhoof is. Hy is Stephen de Bruin, hoof van die John Walton Sekondęre Skool op Uitenhage. Hy pas dieselfde beginsels op sy leerlinge toe as sy toebroodjiemeneer, het Mariska Spoormaker gehoor toe sy die skool besoek het.

  • LEIPOLDT SE POLFYNTJIE deur Ina Strydom
    LEIPOLDT SE POLFYNTJIE deur Ina Strydom
    Donderdag 23 Januarie 2020

    C. Louis Leipoldt was een van die veelsydigste en invloedrykste skrywers van sy tyd. Sy bekendste drama is waarskynlik Die Heks, wat steeds as ‘n klassieke drama in Afrikaans bestudeer en opgevoer word. Sy gedigte sluit in Oom Gert Vertel, Slampamperliedjie, Wys my die plek en Op my ou ramkietjie, waarvan verskeie getoonset is. As medikus het hy die skoolgesondheidstelsel in die destydse Transvaal gevestig, en as koskenner was sy etes en onthale legendaries. Ins Strydom kyk na enkele van hierdie aspekte, en sy nalatenskap vir vandag.

  • DIE SILWER SNAAR deur Hennie Maas
    DIE SILWER SNAAR deur Hennie Maas
    Donderdag 16 Januarie 2020

    DIE SILWER SNAAR deur Hennie Maas Jan van Rooyen is ‘n voormalige regsakademikus wat van jongs af die klank van die viool bestudeer en daarmee gewerk het. Hy vertel hoe hy die eerste keer vir Jascha Heifetz oor ‘n krappige radio op Lindley in die Vrystaat gehoor het, en hoe hy sy hart verloor het. Vir hom is die klank van die viool die belangrikste – nie noodwendig die ouderom of afkoms van die instrument nie. Daarom het hy ‘n studie gemaak van vioolklanke en hoe om ‘n bepaalde klank uit ‘n viool te kry. Jan gesels ook oor hoe belangrik die hout is waaruit ‘n viool gemaak word – liefs van hout wat in wind en weer in die Karpatiese Berge gevind word. Sy veredelde viole het ‘n goeie vastrap plek in Amerika gekry – in so ‘n mate dat die bekende violis, Joshua Bell, daarop aangedring het dat hy een van Jan se viole wil koop, want die instrument klink na ‘n Italiaanse viool wat 300 jaar oud is!

  • MAJESTEIT DIE KAT deur Johan Rademan
    MAJESTEIT DIE KAT deur Johan Rademan
    Donderdag 9 Januarie 2020

    Johan Rademan gesels met die digter Lina Spies oor haar liefde vir katte. Die akteur en voorleser Nic de Jager sit saam om met voorlesings om die tafel haar werke in te kleur. Lina Spies is op 6 Maart 1939 - die jaar waarin die Tweede Węreldoorlog begin het, gebore. Haar liefde vir katte is alombekend, maar ‘n sekere siklus en sluiting oor die naamgewing van haar katte is nou voltooi. Die naam slaan reguit terug uit haar eerste digbundel, Digby Vergenoeg, wat in 1971 verskyn het uit die vers Vir Anne Frank van de Achterhuis in die strofe, “weer moes Peter maar vir Mouschi streel.” Lina Spies het in 2019 haar 80ste verjaardag gevier.

  • STUKKIES IN DIE LEGKAART VAN DIE LEWE deur Ina Strydom
    STUKKIES IN DIE LEGKAART VAN DIE LEWE deur Ina Strydom
    Donderdag 2 Januarie 2020

    Die veelsydige en veelbekroonde Dolf van Niekerk het in 2019 90 jaar oud geword. Die stukke van die legkaart van sy lewe sluit onder meer sy loopbaan as omroeper en radiodramaturg in; sy loopbaan in die Departement van Landbou; sy doktorsgraad in die filosofie, en as voorloper en vernuwer in die letterkunde, is hy deel van die Sestigers. Uit sy pen verskyn poësie, prosa en drama. Onlangs is sy jeugherinneringe in ‘n bundel vervat met die titel Legkaart van ‘n jong lewe wat dié kort huldigingsprogram geďnspireer het. Kom “luisterkuier” na voorlesings en vertellings oor van die invloede en indrukke wat die legkaart van sy lewe vorm.

  • ABDOEL SE AMG-PERDE deur Haidee Muller
    ABDOEL SE AMG-PERDE deur Haidee Muller
    Donderdag 26 September 2019

    Hy het talle pryse by landbouskoue gekry, vertel Abdoel Absolom van Kalksteenfontien. Haidee Muller het meer gaan uitvind van Abdoel se skouperde, wat hy in die perdestalle huisves by Freedom Farm in Belhar. Abdoel verwys na hulle as AMG-Mercedes perde. Drie seuns vertel ook hoe die węreld van perde vir hulle nuwe betekenis aan die lewe gee. Al woon hulle in plakkerskampe en het hulle min, is hierdie ponies hulle trots. Sielkundige Quinton Adams praat ook oor perde en hulle terapeutiese waarde.

  • OUMA LEER SKRYF deur Mariska Spoormaker
    OUMA LEER SKRYF deur Mariska Spoormaker
    Donderdag 19 September 2019

    Op 64-jarige ouderdom sit ouma Johanna Wewers van Despatch vir die eerste keer in haar lewe in die klas, en dít omdat sy, nes haar kleinkinders, wil kan skryf. Mariska Spoormaker het by die klas, waar ander vroue ook leer lees en skryf, gaan inloer.