Programme

TERUG

Radioteater

Vorige Programme

Vrydag 4 Januarie 2019
met
13:00-14:00

DIE REINE WAARHEID deur Eleanor Lombard
Regie: Joanie Combrink

Wanneer ‘n poskantoorwerker in ‘n klein dorpie ‘n storie oor een van die inwoners oorvertel, kry die storie stertjies by en word dit al hoe meer sensasioneel soos dit versprei. In ‘n verrassende wending sorg die slagoffer later vir komiese gevolge.

Die spelers is Lindie Stander, Esther von Waltsleben, Elanza Swart, Susanne Beyers, Lida Botha, Johan Botha, Johann Nel en Johan Stassen.

Donderdag 3 Januarie 2019
met
13:00-14:00

HITTEGOLF deur Martyn le Roux

Regie: Anrich Herbst

Fanus en Linda Vermaak woon in Belville saam met Fanus se ma en hulle twee “amper groot” kinders. Die “koors” van aardverwarming slaan toe wanneer die noodlot dit so wil hê dat klomp dinge op een baie warm dag skeefloop. Die gevolg is ‘n absurde kruis met realisme in ‘n sitkom-styl tragiekomedie wat kontemporêre temas soos dwelms, drank en dobbel aanraak. ‘n Lag met ‘n traan daarby.

Die spelers is James Borthwick, Franci Swanepoel, Elize Cawood, Mandi Baard, Kaz McFadden en Anrich Herbst as die Nuusleser.

Woensdag 2 Januarie 2019
13:00-14:00

KOLSKOOT VISAGIE deur Christopher Joynt
Regie: Renske Jacobs

Hierdie drama vertel die tragiese verhaal van Barend Visagie en sy seun, Willie. Dit speel in 1948 in die Swinburne-distrik af. Hoewel dit n fiktiewe storie is, is die drama is geskoei op die Suid-Afrikaanse volkslegende waarop C.M.van den Heever sy gedig, Waar ruwe rotse, gebasseer het.

Met Paul Lückhoff, Luan Jacobs, Ria Smit, Jacques Bosch en Lochner de Kock.

Waar Ruwe Rotse (C.M. van den Heever)
Waar ruwe rotse teen die hemel klim,
waar môrerooi se eerste traanglans glim

waar aasvoëls hoog in sirkelbane sweef,
hul rou gekras in afgronde laat leef;

waar grou-wit kranse na die klowe val,
gekeep-hou tot spelonke bo n dal;

waar oopgeskeurde klippekake wag
met draketande wat daar grynsend lag

daar knal opeens geweerskot bo die kruin
en eggos antwoord hard met skelbasuin.

Die dassies wip verskrik oor gladde krans,
patryse saai vlerktrillend uit hul skans.

Skuins glip n voet en drillend val n roer
n skerp geskuur n pad wat afwaarts voer.

Twee hande gryp n bos, die angs oorstelp,
benoud klink uit die diepte: Here, help!

Twee vader-oë kyk verward sy seun,
die afgrond lag oor wilde skuurgedreun.

Die kruit en stof vlek oor die lug se blou,
die vader bly sy hand oor sy oë hou.

En dan gewaar hy in die skemering
sy kind, deur rotseskouers vasgedring.

n Riem rol na die seun daaronder neer,
Bind vas, my kind en Pa die sal probeer.

Maar dis vergeefs die kransedraak hou vas,
die riem bly stukkend breek, kry las op las.

En hulp snel by die rotsetande gryns,
hier moet die mensverstand terug voor deins.

Dan klaag daar uit die diepte, sag en flou:
Ek smeek dat Pa my skiet en nou …”

n Roer die bewe in die growwe hand,
sag sif in skemerafgrond korrels sand.

Vas lê die kolf teen vaderskouer aan,
en langs die sneller glans n afloop-traan.

Vergeef my, God! n skoot gedemp en dof
en bo die bergegraf styg kruit en stof.

Nog skuur iets roglend in die diepte daar,
dis stil die aasvoëls kras n vader staar.

Donderdag 27 Desember 2018
met
20:00-21:00

MIKE EN MAVIS deur Wessel Pretorius
Vir die radio verwerk deur Gerrit Schoonhoven
Regie: Gerrit Schoonhoven

Mavis Kellerman, ʼn weduwee wat haarself afgesluit het van die wêreld, behalwe vir haar e-posse met haar dogter, en haar weeklikse kerkdiens, ontvang 'n uitnodiging vir die opening van 'n nuwe bioskoop wat spesialiseer in klassieke rolprente. Die eienaar, Mike Lewis, is 'n eksentrieke jongkêrel met ʼn ewige romantiese siel. Mavis besef gou dat Mike daarop uit is om haar hart te wen, en bevind haarself aan die ontvangkant van ʼn vryery in haar herfsjare, wat afspeel oor ʼn reeks romantiese afsprake. Wat sy egter nie weet nie, is dat sy en Mike 'n geskiedenis deel wat lank voor die uitnodiging al begin het. ʼn Romantiese en ouwêreldse komedie wat die hartsnare sal roer.

Die akteurspaar Elize Cawood (as Mavis) en Wilson Dunster (as Mike) lewer kragtoer-vertolkings. Jenna Dunster kan as Mavis se dogter gehoor word.

Potgooi
MIKE EN MAVIS deur Wessel Pretorius

Mavis Kellerman, ʼn weduwee wat haarself afgesluit het van die węreld, behalwe vir haar e-posse met haar dogter, en haar weeklikse kerkdiens, ontvang 'n uitnodiging vir die opening van 'n nuwe bioskoop wat spesialiseer in klassieke rolprente. Die eienaar, Mike Lewis, is 'n eksentrieke jongkęrel met ʼn ewige romantiese siel. Mavis besef gou dat Mike daarop uit is om haar hart te wen, en bevind haarself aan die ontvangkant van ʼn vryery in haar herfsjare, wat afspeel oor ʼn reeks romantiese afsprake. Wat sy egter nie weet nie, is dat sy en Mike 'n geskiedenis deel wat lank voor die uitnodiging al begin het. ʼn Romantiese en ouwęreldse komedie wat die hartsnare sal roer.

Laai die mp3 af (37 542KB)

Donderdag 27 Desember 2018
13:00-14:00

‘N VOORLOPIGE BEGRAFNIS deur Albert Short
Regie: Christelle Webb-Joubert

‘n Man skryf ‘n brief aan sy naasbestaandes om te vra dat hulle hom hierdie keer met die nodige respek sal begrawe. Waarom word hierdie man twee keer begrawe, en wat het fout gegaan tydens die eerste begrafnis?

Die drama is die medewenner van die RSG/Sanlam Radiodramaskryfkompetisie vir 2017.

Die spelers is Robbie Wessels, Janine Opperman, Karen Wessels, Rian Terblanche en Eswé Bruwer. Die violis is Carla Redelinghuys.

Potgooi
MIKE EN MAVIS deur Wessel Pretorius

Mavis Kellerman, ʼn weduwee wat haarself afgesluit het van die węreld, behalwe vir haar e-posse met haar dogter, en haar weeklikse kerkdiens, ontvang 'n uitnodiging vir die opening van 'n nuwe bioskoop wat spesialiseer in klassieke rolprente. Die eienaar, Mike Lewis, is 'n eksentrieke jongkęrel met ʼn ewige romantiese siel. Mavis besef gou dat Mike daarop uit is om haar hart te wen, en bevind haarself aan die ontvangkant van ʼn vryery in haar herfsjare, wat afspeel oor ʼn reeks romantiese afsprake. Wat sy egter nie weet nie, is dat sy en Mike 'n geskiedenis deel wat lank voor die uitnodiging al begin het. ʼn Romantiese en ouwęreldse komedie wat die hartsnare sal roer.

Laai die mp3 af (37 542KB)

Dinsdag 25 Desember 2018
12:00-13:00

'N WONDERWERK VIR KERSFEES deur Riana Scheepers
Regie: Johan Rademan

Die “wonderwerk” in hierdie drama is gebasseer op ‘n werklike gebeurtenis, wat die inspirasie vir die verhaal is. Dit het regtig so gebeur dat tannie Bettie Nysschen, ‘n bekende en geliefde figuur van buite Wildernis, haar huisdeur se sleutel gebruik het om haar bakkie oop te sluit en weg te ry nadat haar huis aan die brand geslaan het. (Egter nie tydens Kersfees nie.) Die res van die gebeure en karakters is fiktief.

Met Joanie Combrink, Mariechen Vosloo, Dean Balie, Anrich Herbst en Rolanda Marais.

Potgooi
'N WONDERWERK VIR KERSFEES deur Riana Scheepers

Die “wonderwerk” in hierdie drama is gebasseer op ‘n werklike gebeurtenis, wat die inspirasie vir die verhaal is. Dit het regtig so gebeur dat tannie Bettie Nysschen, ‘n bekende en geliefde figuur van buite Wildernis, haar huisdeur se sleutel gebruik het om haar bakkie oop te sluit en weg te ry nadat haar huis aan die brand geslaan het. (Egter nie tydens Kersfees nie.) Die res van die gebeure en karakters is fiktief.

Laai die mp3 af (50 046KB)

Donderdag 20 Desember 2018
met
20:00-21:00

ELKE POT deur Perdita van Dijk du Bois
Regie: Ronèl Geldenhuys

Martie, ‘n kunssinnige en verfynde vrou in haar vyftigs, is verbaas en effe onthuts dat haar jonger laatlam-suster vir haar probeer man soek. Wanneer sy uitvind dat haar sus kanker het, verander dit die prentjie. Tydens die dinamika wat volg, word universele menslike gedrag uitgebeeld in ‘n teer verhaal van liefde en menslikheid in die aangesig van die dood.

Die spelers is Rolanda Marais, Daneel van der Walt, Johann Nel en Susanne Beyers.

Die drama was ‘n finalis in die RSG/Sanlam Radiodramaskryfkompetisie van 2017.

Potgooi
ELKE POT deur Perdita van Dijk du Bois

Martie, ‘n kunssinnige en verfynde vrou in haar vyftigs, is verbaas en effe onthuts dat haar jonger laatlam-suster vir haar probeer man soek. Wanneer sy uitvind dat haar sus kanker het, verander dit die prentjie. Tydens die dinamika wat volg, word universele menslike gedrag uitgebeeld in ‘n teer verhaal van liefde en menslikheid in die aangesig van die dood.

Laai die mp3 af (58 014KB)

Donderdag 13 Desember 2018
20:00-21:00

GEBLIK deur Esther von Waltsleben
Regie: Johan Rademan

Die grootbaas van De-Lish besluit om sy  franchise se sakebelange te beskerm, en stuur sy seun en jong ambisieuese werksvriend na Blikfontein om op die De-Lishrestaurant daar te spioeneer. Slim vang sy baas wanneer die twee jong jukkerige mannetjies met hulle eie agendas hulle vasloop teen die restauranteienaar en sy oorlede vrou se twee dogters. Dié twee jaag die hormone behoorlik op, en Abel se tweede vrou laat ook nie op haar wag om dalk in die guns van die jong mans te beland nie.

Met Deon Lotz, Wilhelm van der Walt, De Klerk Oelofse, Andre Samuels, Mariechen Vosloo, Karli Heine, June van Merch en Juanita Swanepoel.

Potgooi
GEBLIK deur Esther von Waltsleben

Die grootbaas van De-Lish besluit om sy franchise se sakebelange te beskerm, en stuur sy seun en jong ambisieuese werksvriend na Blikfontein om op die De-Lishrestaurant daar te spioeneer. Slim vang sy baas wanneer die twee jong jukkerige mannetjies met hulle eie agendas hulle vasloop teen die restauranteienaar en sy oorlede vrou se twee dogters. Dié twee jaag die hormone behoorlik op, en Abel se tweede vrou laat ook nie op haar wag om dalk in die guns van die jong mans te beland nie.

Laai die mp3 af (44 386KB)

Donderdag 6 Desember 2018
20:00-21:00

ROAD TRIP deur Corné Joubert
Regie: Frieda van den Heever

‘n Finalis in die RSG/Sanlam Radiodrama Skryfkompetisie 2017.

Twee vroue wat ry agter vryheid aan. Een pad wat lelik skeefloop.Jana en Stephanie, stadsmeisies en  beste vriendinne, vat die pad die Karoolandskap in om hulle koppe skoon te kry en nuwe avonture te beleef. Die avontuur wat hulle inwag, is nie heeltemal die soort wat hulle in gedagte gehad het nie. Daar skuil meer om die volgende draai as net rustige plase met hubare boere.

Charlton George, Roeline Daneel, Cintaine Schutte, Geon Nel en Chris Majiedt speel die karakters wat mekaar op interessante wyses teëkom.

Potgooi
ROAD TRIP deur Corné Joubert

Twee vroue wat ry agter vryheid aan. Een pad wat lelik skeefloop.Jana en Stephanie, stadsmeisies en beste vriendinne, vat die pad die Karoolandskap in om hulle koppe skoon te kry en nuwe avonture te beleef. Die avontuur wat hulle inwag, is nie heeltemal die soort wat hulle in gedagte gehad het nie. Daar skuil meer om die volgende draai as net rustige plase met hubare boere.

Laai die mp3 af (54 975KB)

Donderdag 29 November 2018
20:00-21:10

LIGTER AS DIE WIND deur André Kotzé
Regie: Christelle Webb-Joubert

Dirk Ligter was ‘n berugte skaapsteler uit die Hantam se wyk. Hy het van plaas tot plaas beweeg, soms fluks gewerk, al wat vroumens is, beïndruk, dikwels skaap gesteel, geslag en gebraai, maar nooit sommer homself laat vang deur die polisie nie… ten minste nie as hulle hom te perd probeer jaag het nie. Daarvoor het hy te vinnig gehardloop. Maar soms, net as hy wou, het hy hom laat vang, en self aangemeld vir sy straf vir die jongste skaapstelery. Mettertyd het skaapsteler skaapwagter geword, filosoof, spekskieter en vrye bandiet. Boerneef het vir Dirk leer ken, en sy jakkalsstreke en ramkieversies opgeteken.

Met Johny Klein, Luan Jacobs, André Stolz, Rika Sennet, David Louw, Charlie Bougenon, Bertha le Roux, Dirk Stolz, Jacques Bosch en Gerrit Schoonhoven.

Potgooi
LIGTER AS DIE WIND deur André Kotzé

Dirk Ligter was ‘n berugte skaapsteler uit die Hantam se wyk. Hy het van plaas tot plaas beweeg, soms fluks gewerk, al wat vroumens is, beďndruk, dikwels skaap gesteel, geslag en gebraai, maar nooit sommer homself laat vang deur die polisie nie… ten minste nie as hulle hom te perd probeer jaag het nie. Daarvoor het hy te vinnig gehardloop. Maar soms, net as hy wou, het hy hom laat vang, en self aangemeld vir sy straf vir die jongste skaapstelery. Mettertyd het skaapsteler skaapwagter geword, filosoof, spekskieter en vrye bandiet. Boerneef het vir Dirk leer ken, en sy jakkalsstreke en ramkieversies opgeteken.

Laai die mp3 af (64 008KB)