Nou op die lug

Spitstyd

15:00-18:00

Interaktief

Programme

TERUG

Tranetrekkers

Vorige Programme

Sondag 29 September 2019
10:00-11:00

In die dertiende en laasde episode speel Johan van Lill Suid-Afrikaanse liedjies wat al vir jare ons laat nadink oor die lewe en al die dinge wat met ons gebeur.

Sondag 22 September 2019
10:00-11:00

In die twaalfde en voorlaaste episode speel Johan van Lill musiek wat in animasierolprente gebruik is, want van die mooiste tranetrekkermusiek is al vir animasieflieks geskryf. Selfs grootmense moes al trane van hulle wange afvee wanneer ‘n animasiekaraktertjie in ‘n storie ‘n groot hartseer, trauma of soms selfs ‘n blye oomblik beleef.

Sondag 15 September 2019
10:00-11:00

In die elfde episode speel Johan van Lill musiek wat oor die verhouding van pa’s met hulle kinders gaan. Luister na musiek wat spesiaal deur pa’s vir hulle kinders geskryf is om die onvoorwaardelike liefde van ‘n pa vir ‘n kind te besing.

Sondag 8 September 2019
10:00-11:00

In die tiende episode speel Johan van Lill musiek wat te doen het met gebeurtenisse wat die wêreld tot stilstand geruk het. Wanneer skokkende nuus breek, weet mense gewoonlik presies waar hulle was of wat hulle gedoen het toe hulle daarvan gehoor het. Baie keer is hierdie gebeurtenisse ook die inspirasie vir musiek.

Sondag 1 September 2019
10:00-11:00

In die negende episode speel Johan van Lill musiek wat nie noodwendig hartseer is nie, maar ook as tranetrekkers gesien word omdat dit mens se hartsnare roer by besondere geleenthede waar dit gespeel word. In hierdie episode fokus hy op die oomblik wat ‘n nuwe egpaar die dansbaan open.

Sondag 25 Augustus 2019
10:00-11:00

In die agste episode speel Johan van Lill musiek wat te doen het met ma’s en moederliefde. Oor die jare is musiek geskryf om ma’s te huldig, te bedank, te waardeer en ook te onthou as hulle nie meer met ons is nie.

Sondag 18 Augustus 2019
10:00-11:00

In die sewende episode speel Johan van Lill musiek wat handel oor oorlog deur Vera Lynn, Barry Sadler en Marlene Dietrich. En Rina Hugo en Leon Schuster vertel meer van die liedjie, Troepie Doepie.

Sondag 11 Augustus 2019
10:00-11:00

In die sesde episode van Tranetrekkers speel Johan van Lill musiek wat pas by die temas van verlies, hartseer, die trauma wanneer iemand na aan jou besig is om te sterf, en die verlange na geliefdes wat nie meer met ons is nie.

Sondag 4 Augustus 2019
10:00-11:00

In die vyfde episode speel Johan van Lill musiek uit flieks, want die mooiste tranetrekkers kom van klankbane. Luister na liedjies wat deur flieks bekendheid verwerf het, maar nog lank na die fliek in reflektiewe oomblikke geluister word.

Sondag 28 Julie 2019
10:00-11:00

In die derde episode van Tranetrekkers speel Johan van Lill musiek wat uit musiekteaterstukke kom. Musiekteater of musicals het van die mooiste tranetrekkers opgelewer soos Don’t cry for me Argentinia, I dreamed a dream en Close every door to me.