Programme

TERUG

Vrouesupersterre

Soek

Datums
calendar calendar

Volgende Programme

Donderdag 20 September 2018
20:30-21:00

Nana Mouskouri is grootgemaak deur twee sensitiewe ouers, want toe sy op ses al buitengewone sangtalent openbaar, laat haar ouers haar van twaalfjarige ouderdom af sangles neem by die Atheense Konservatorium. Waarskynlik is haar ouers se positiewe invloed ook ‘n groot bydraende faktor vir die sjarmante selfvertroue waarmee Nana haar sang- en lewensreis aanpak en bedryf. Sy word uiteindelik wêreldbekend en geliefd, maar sy bly lojaal aan haar Griekse nasionale identiteit. In 1959 met die eerste Griekse Sangfees, sing sy Word wakker my lief, deur die Griekse komponis, Manos Hadjidakis en die lied wen eerste prys. In 1961 sing sy dit weer op die Mediterreënse Sangfees in Barcelona. Die lied wen weer, en Nana teken 'n kontrak met Philips-Fontana wat in Parys gebaseer is.

Musieksnitte
Weisse Rosen aus Athen
Love me tender
Spuren im Sand
Sag’ mir wo die Blumen sind
Over and Over
Cu-cu-ru Paloma

Donderdag 27 September 2018
20:30-21:00

Nana Mouskouri neem van kleins af sanglesse – eers met die doel om ‘n operasanger te word, maar toe sy deur haar professor belet word om haar laaste eksamen in klassieke musiek af te lê omdat sy by jazz betrokke raak, begin sy amper uitsluitlik ligte musiek sing. Wat dit so verkwiklik maak om na haar te luister is die inspanningloosheid van haar sang en ek skat haar operaopleiding het dalk baie daarmee te doen. Nana Mouskouri kan seker beskryf word as die veeltaligste Griekse vrouesanger in die wêreld – sy sing in 12 tale, onder andere Mandaryns en Wallies. Daarbenewens is sy waarskynlik ook die standhoudendste sangkunstenaar op die planeet. Vir 2018, het sy ‘n toer van vyf maande beplan deur Europa en dele van Amerika – op drie en tagtig!

Musieksnitte
La Andaluza
Try to Remember
Bridge Over Troubled Water
Never On Sunday
Little Drummer Boy
Plaisir d’Amour
Song for Liberty