Nou op die lug

Deurnag (Maandag)

00:00-04:30

Empty

Interaktief

Programme

TERUG

Musiekbonbons

Soek

Datums
calendar calendar

Volgende Programme

Donderdag 23 Januarie 2020
21:10-22:00

Jy kan luister na ’n  deel uit een van Mozart se Horingkonserte. Dis interessant dat Mozart 'n groot liefde vir die instrument gehad het. Hy het nie minder nie as 4 Horingkonserte nagelaat. Dis slegs die klavier en die viool wat meer konserte het. Mozart het die 4 concerti vir sy vriend en voorste horingspeler, Joseph Leutgeb gekomponeer. Gabriel Faure het sy DOLLY SUITE gekomponeer vir sy vriendin se dogter, Emma Bardac. Dit is ‘n versameling van 6 danse vir 4 hande. Henri Rabaud het dit in 1906 vir orkes verwerk. Sedertdien het heelwat verwerkings van die danse gevolg, waaronder die een vir tromboon met klavierbegeleiding. 

 

Donderdag 30 Januarie 2020
21:10-22:00

Jy kan luister na ’n lied van Wilhelm Stenhammer. Hy was ‘n Sweedse komponis wat geleef het van 1871 tot 1927. Hy het sy musiekopleiding in Duitsland ontvang en was baie beïndruk met komponiste soos Wagner en Bruchner. Maar terug in Swede het hy met belangstelling na die werk van Nielsen en Sibelius gekyk. Hy het self na van sy werke verwys as “werk met ’n Nordiese klankkleur”. Hy het 2 simfonieë , 2 klavierkonserte en ‘n magdom liedere nagelaat.

Jy kan ook luister na ’n deel uit ’n Konsert vir Klarinet, Hobo en Orkes van Danzi. Franz Ignaz Danzi het 4 sulke concerti vir veelvuldige solo-instrumente en orkes nagelaat. Hy was eintlik 'n tjellis van beroep voordat hy voltyds sy aandag aan komposisie bestee het. Carl Maria Von Weber het ruiterlik erken dat Danzi hom baie beïnvloed het.