Nou op die lug

18:00 Nuus & Weer

18:00-18:10

Empty

Interaktief

Programme

TERUG

RSG Landbou

Soek

Datums
calendar calendar

Volgende Programme

Maandag 23 September 2019
04:30-05:00

Die Droëboonprodusente-organisasie het vroeg in September hulle jaarkongres aangebied. RSG Landbou se medewerker in die Oos-Kaap, Carin Venter, het dit bygewoon. Sy gesels met die hoofbestuurder van die organisasie, Chris Kleingeld, en met die politieke ontleder en spreker, Theo Venter. Dr. Johan Cloete van MSD Animal Health praat oor die oorsake van knopvelsiekte, en hoe die oordrag daarvan verhoed kan word. En Breyton Milford vertel wat besoekers vanjaar by Agri-Expo Livestock op Sandringham kan verwag.

Dinsdag 24 September 2019
04:30-05:00

Volgens dr. Phillip Strydom van die Landbounavorsingraad op Irene, is dit belangrik dat veeprodusente vandag meer produksiedoeltreffend as ooit moet wees om in die wêreldvraag na diereproteïen te voorsien. Lise Roberts gesels met Frans van Eden van Prioritise oor resessie, en hoe dit die landbou raak. Mossie Mostert van die Droëboonprodusente-organisasie praat oor die stand van die bedryf, en twee droëboonprodusente van Koekenaap, JP en Annaléne de Villiers, gesels oor hulle boerdery.

Woensdag 25 September 2019
04:30-05:00

Hennie Maas praat met die wildboer, Ellalien Davey. Sy boer op Romaco Ranch naby Naboomspruit, en vertel hoe hulle sukses toegeskryf kan word aan ‘n familie wat goed saam boer. Die Suid-Afrikaanse Makadamiabedryf se grootste uitdaging is diefstal, maar dit bly ‘n bedryf waarop die plaaslike landbou trots kan wees. So vertel die bestuushoof van SAMAC, Lizel Pretorius. en prof. Robin Barnard, ‘n raadgewer vir Fertasa, die Misstofvereniging van Suid-Afrika, verduidelik wat die verskil tussen organiese en anorganiese kunsmis is.

Vrydag 27 September 2019
04:45-05:00

Die Derde Landbou Jeugforum is onlangs in Suid-Afrika gehou. Eloise Pretorius gesels met lede van die Afrika Ontwikkelingsbank en die Wes-Kaapse Departement van Landbou wat die geleentheid aangebied het. Ons hoor hoe lande in Afrika saam werk en van die vele suksesstories.

Saterdag 28 September 2019
11:45-12:00

Eloise Pretorius gesels met 'n boervrou van die Overberg, Pippa Philip, wat die afgelope 30 jaar ‘n spesiale pad met Suid-Afrikaanse skaaphonde stap. Sy vertel staaltjies van dié slim brakke.

Vrydag 4 Oktober 2019
04:45-05:00

Staatsveearts dr. Annelie Cloete praat oor die voorkomende behandelingsprotokolle en siektebeheer met betrekking tot hondsdolheid. Eloise Pretorius praat ook met plantpatologie-navorser dr. Gert van Coller oor die voorkoms van aarskroei by koring.

Saterdag 5 Oktober 2019
11:45-12:00

Ontmoet ‘n ongewone entrepeneur - ‘n vroue wat sowel in die akademie as die sakewêreld volpunte behaal. Volgens haar is dit in landbou waar sy op haar gelukigste is, en dit is haar passie vir grondgesondheid wat gelei het tot vele ander onverwagte avonture. Prof. Karin Jacobs werk al vir die afgelope 16 jaar by die Departement Mikrobiologie aan die Universiteit Stellenbosch. Sy is ook een van die stigters van ‘n maatskappy met die naam Sporatec. Hoe die grond lyk waarin gesonde plante groei, is waarmee hulle te doen het. Hoe om produsente se grond gesond te kry, is ook waarmee hulle goed is.

Vrydag 11 Oktober 2019
04:45-05:00

Dr. Johann Strauss, 'n senior navorser in die Direktoraat Plantwetenskappe en kenner op die gebied van volhoubare produksie-stelsels, vertel wat die onlangse Wes-Kaap Bewaringslandboukongres opgelewer het. En voormalige koerantredakteur Bun Booyens praat oor wat hy glo mens moet doen om suksesvol te boer.

Saterdag 12 Oktober 2019
11:45-12:00

Omri van Zyl, die uitvoerende direkteur van AgriSA, verduidelik waarom hy positief is oor die landbousektor, veral in Suid-Afrika. Hy deel ook interessante feite oor die land se handelsgenote, wat Amerika en Nederland insluit.

Vrydag 18 Oktober 2019
04:45-05:00

Dr. Naude Malan van die Universiteit van Johannesburg praat oor die onlangse bevindings van die General Household Survey, wat deur Statistieke SA uitgereik is. En prof. Francois Lategan, medeprofessor in landbouvoorligting en landelike ontwikkeling aan die Kaapse Skiereiland Universiteit vir Tegnologie, het raad vir jongmense wat volgende jaar landboukursusse wil gaan studeer. 

Saterdag 19 Oktober 2019
11:45-12:00

Eloise Pretorius gesels met twee susters wat in beheer is van die eerste mikrobrouery in die Sederberg, Nieubrew. Melanie en Tania Nieuwoudt verduidelik hoe hierdie familiebesigheid van krag tot krag gaan.

Vrydag 25 Oktober 2019
04:45-05:00

Lorraine Geldenhuys, 'n wynmaker en dosent by die Wes-Kaapse Departement van Landbou se Elsenburg College, gesels oor Suid-Afrikaanse brandewyn en waarom dit so hoog aangeskryf word. Gary Patience is ‘n jong boer van Saron. Hy vertel waarom hy passievol oor landbou is, en het goeie raad vir ander opkomende boere.

Saterdag 26 Oktober 2019
11:45-12:00

Ons kuier in die Sederberg by twee mikro-brouers. Hulle praat oor hulle passies. Dit sluit vol glase en gelukkige besoekers in. Tania en Melanie Nieuwoudt is die meesterbrouers by Nieubrew, ‘n familiebesigheid met ‘n lang en interessante geskiedenis.