Programme

TERUG

RSG Landbou

Soek

Datums
calendar calendar

Volgende Programme

Vrydag 19 Julie 2019
04:45-05:00

Dr. Annelie Cloete is ‘n staatsveearts by Elsenburg. Sy het al die inligting wat ons nodig het oor Afrika-perdesiekte. Die redakteur van landbou.com, Alani Janeke, sluit ook by ons aan om ons op hoogte te bring van alles waarna ons op die landboukalender kan uitsien in die volgende paar weke.

Saterdag 20 Julie 2019
11:45-12:00

Eloise Pretorius gesels met prof. Lizette Joubert, die hoofnavorser by die Landbou Navorsingsraad, en ‘n buitengewone professor by die Voedselwetenskappe Departement aan die Universiteit Stellenbosch. Sy vertel van haar 30-jaar lange reis met Rooibostee. Prof. Nina Muller werk ook by die departement Voedselwetenskappe aan die Universiteit Stellenbosch. Sy bespreek die onlangse navorsing op Rooibostee.

Vrydag 26 Julie 2019
04:45-05:00

Eloise Pretorius gesels met die redakteur van Landbouweekblad, Chris Burgess. Hy vertel wat die toekoms inhou vir ultrahoëdruk-beweiding. Ons vind ook uit watter stappe vorentoe gedoen sal word in die avokadobedryf.

Saterdag 27 Julie 2019
11:45-12:00

Eloise Pretorius kyk na die pluk van veldblomme in Suid-Afrika. Ons hoor by Kirsten Retief en Lesley Richardson van die Flower Valley Trust hoe dit volhoubaar gedoen word.

Vrydag 2 Augustus 2019
04:45-05:00

Plantwetenskaplike by die Wes-Kaapse Departement van Landbou, Lizette Nowers, verduidelik wat jou te doen staan wanneer jy die voorkoms van Sclerotinia, ‘n swamsiekte van kanola, opmerk. Ons hoor ook by die adsistentdirekteur vir innovasie, tegnologie-ontwerp en oordrag by die Wes-Kaapse Departement van Landbou, Arie van Ravenswaay, van ‘n nuwe modegier waar skoene gemaak word van mango’s.

Saterdag 3 Augustus 2019
11:45-12:00

Eloise Pretorius gesels aan die begin van Vrouemaand met Lesley Richardson en Kirsten Retief van die Flower Valley Conservation Trust oor vroue in natuurbewaring.

Vrydag 9 Augustus 2019
04:45-05:00

Stewart Reed is hoof van datawetenskap by ‘n maatskappy wat spesialiseer in agri-tegnologie, wat van hommeltuie gebruik maak om boere by te staan met nuttige inligting en om meer te wete te kom oor hulle gewasse. Ons hoor van die hedendaagse gebruik van satelliet-data in landbou, asook ‘n onlangse vennootskap met AGRI SA.

Saterdag 10 Augustus 2019
11:45-12:00

Liesel Kasselman is mede-eienaar van die Kasselshoop-kaasfabriek naby Stilbaai in die Suid-Kaap. Sy vertel van die innoverende maniere waarmee sy die lede van haar span se lewens probeer verbeter. Sy’s een van vele merkwaardige Suid-Afrikaanse vroue met wie Eloise Pretorius in Vrouemaand gesels. Helene Pfeiffer is bestuurder van die Melkprodusente-organisasie se Suiwelinstituut. Sy het raad vir produsente oor hoe om hulle besighede suksesvol te bedryf.

Vrydag 16 Augustus 2019
04:45-05:00

Inge Kuschke en Lindiwe van Staden is verbonde aan die sektorontwikkelingsagentskap, Green Cape. Hulle het onlangs hulle landboumark-intelligensieverslag bekend gemaak. Hulle het ondersoek ingestel na onder meer volhoubaarheid en hernubare energie.

Saterdag 17 Augustus 2019
11:45-12:00

Eloise Pretorius praat met ‘n vrou wat duisende kilometers stap om geld in te samel vir droogtehulp. Estelle van Dyk is ‘n ouma van Napier, wat op haar manier besig is om ‘n groot bydrae te maak tot die lewens van mense en diere.

Vrydag 23 Augustus 2019
04:45-05:00

Eloise Pretorius gesels met ‘n vrou wat dwars oor die wêreld gewerk het aan projekte, wat wissel van die ontwerp van hawe-infrastruktuur tot kusbeskerming. Maria le Roux is aangestel as Kaapstad se kusingenieur. Hulle bespreek kwessies soos akwakultuur, besoedelingsbeheer en biodiversiteit.

Saterdag 24 Augustus 2019
11:45-12:00

Prof. Karin Jacobs van die Departement Mikrobiologie aan die Universiteit Stellenbosch is al jare lank besig om te wikkel met betekenisvolle eksperimente in die laboratorium van die lewe.

Vrydag 30 Augustus 2019
04:45-05:00

Eloise Pretorius gesels met doktor Rene Prins, die hoof van ‘n plantgenetika-laboratorium wat molekulêre werk doen vir die graan- en-vrugtebedryf. Ons hoor hoe jy kan baat by haar navorsing, en hoor die storie van ‘n gedugte span vroue.

Saterdag 31 Augustus 2019
11:45-12:00

Ons kuier ons by die sensoriese paneel by die Voedselwetenskappe Departement aan die Universiteit Stellenbosch. Ons vind uit wat gebeur agter die skerms wanneer gehalte-evaluerings gedoen word op produkte voor dit jou inkopiemandjie beland.

Vrydag 6 September 2019
04:45-05:00

Ons loer in by die Koejawilinligtingsdag wat onlangs gehou is, en vind meer uit van die vele gebruike van hierdie vitamienryke vrug. Het jy geweet die blare van die koejawelboom word deesdae ingespan tydens die vervaardiging van sjampoe?

Saterdag 7 September 2019
11:45-12:00

Doret Smith van Laingsburg het van kleins af geweet sy sou eendag boer. Sy vertel waaroor sy passievol is, en deel haar suksesresep oor hoe om groentesaad te verbou. Sy deel ook haar liefde vir wingerdstokke.

Vrydag 13 September 2019
04:45-05:00

Die SmartArgi-plan het onlangs twee groot toekennings ontvang. Dr. Ilse Trautmann, die hoofdirekteur van navorsing en tegnologie-ontwikkeling by die Wes-Kaapse Departement van Landbou, verduidelik hoe die plan ontwikkel is om die landbousektor in die provinsie klimaatsbestand te maak. Ons vind ook meer uit van SIZA se rol in die landbousektor.

Saterdag 14 September 2019
11:45-12:00

Kruieboer Elmarie de Bruyn praat oor die geskiedenis van vlugtige olies, en gee wenke oor hoe om die bedryf te betree.

Vrydag 20 September 2019
04:45-05:00

September is Boomplant-maand in Suid-Afrika. Ons kyk na ‘n nuwe stelsel van vrugteboomproduksie, die sogenaamde sakkieboom. En ons kyk wat op die olyfbedryf se kalender is.

Saterdag 21 September 2019
11:45-12:00

Volgens kruieboer Elmarie de Bruyn is dit belangrik om posititief oor die sektor in Suid-Afrika te wees. Sy vertel hoe sy ‘n suksesvolle besigheid in vlugtige olies op die been gebring het.