Interaktief

Programme

TERUG

RSG Landbou

Soek

Datums
calendar calendar

Volgende Programme

Saterdag 18 Januarie 2020
11:45-12:00

Dr. Albert Strever van die Universteit Stellenbosch sê sentrums van innovasie waar koppe bymekaar gesit word om met planne vir moderne wynverbouing vorendag te kom, kan vir opwindende geleenthede sorg.

Vrydag 24 Januarie 2020
04:45-05:00

Omgewingskonsultant Anel Blignaut verduidelik die waarde van ‘n koolstofvoetspoor-rekenaar en vertel meer van die Confronting Climate Change-projek. Die hoofdirekteur: navorsing en tegnologie-ontwikkeling by die Wes-Kaapse Departement van Landbou, dr. Ilse Trautmann, praat oor die Smart Agri Plan.

Saterdag 25 Januarie 2020
11:45-12:00

Dr. Albert Strever van die Universiteit Stellenbosch, wynboukundige Rosa Kruger, en wyninnoveerder Jan Thomas praat oor gehalte wyne en eg Suid-Afrikaanse innoverings.

Vrydag 31 Januarie 2020
04:45-05:00

Slanghanteerder Marcel Witberg vertel wat om te doen wanneer die ongenooide reptiele hulle verskyning maak op jou plaas of in jou voortuin. Dr. Elleunorah Allsopp van die LNR verduidelik hoe om die verskyning van blaaspootjies in wingerde en op steenvrugte te bekamp.

Saterdag 1 Februarie 2020
11:45-12:00

Juanita Loubser van die VLV op Wellington gesels oor die Boks vir ‘n Boervrou-projek, wat die land onlangs aan die gons gehad het. Ons hoor ook watter inisiatiewe dit in 2020 tot gevolg gaan hê. 

Vrydag 7 Februarie 2020
04:45-05:00

Eloise Pretorius gesels met Landbouskrywer SA se Landboukundige van 2019, Buks Nel. Hy is ook 'n nuwekultivarspesialis by Tru-Cape in die Wes-Kaap. Grant Jephtas is Distriksbestuurder van Landcare in Bredasdorp. Hy verduidelik die funksie van die Flood Protection Works.

Saterdag 8 Februarie 2020
11:45-12:00

Dr. Johann Strauss en Lizette Nowers van die Wes-Kaapse Departement van Landbou vertel van die navorsing wat hulle onlangs gedoen het tydens ‘n besoek aan Australië. Hulle verduidelik ook die vennootskappe wat tussen die twee lande bestaan, wat landbou in die toekoms sal bevoordeel.

Vrydag 14 Februarie 2020
04:45-05:00

Dr. Odette Curtis-Scott van die Overberg Renosterveld Bewaringstrust verduidelik die organisasie se prioriteitr vir 2020. Die adjunkdirekteur van makrohulpbron-ekonomie by die Wes-Kaapse Departement van Landbou, Louw Pienaar, praat oor ‘n nuwe Afrika-handelooreenkoms, en die geleenthede wat dit aan plaaslike produsente bied.

Saterdag 15 Februarie 2020
11:45-12:00

Bertus van Oord van Hermanus, een van die grootste perlemoenboere in Suid-Afrika, deel die storie van sy 23 jaar in die bedryf, en verduidelik waaraan hy sy sukses toeskryf.

Vrydag 21 Februarie 2020
04:45-05:00

‘n Grondbewarings-tegnikus by die Wes-Kaapse Departement van Landbou, Stefan Theron, verduidelik hoe boere in Beaufort-Wes innoverend boer in die droogte. En Marisah Niewoudt van Vinpro gesels oor die organisasie se onlangse wyntoerisme-werkswinkels.

Saterdag 22 Februarie 2020
11:45-12:00

Drie landboukundiges bespreek die toekoms van hommeltuie in die landbou.

Vrydag 28 Februarie 2020
04:45-05:00

Eloise Pretorius gesels met Wes-Kus Landcare se distriksbestuurder Jan Smit oor hoe boere gehelp word met die sink van boorgate, en ons vind uit of die beskikbaarheid van lusernsaad deur die droogte geaffekteer is. 

Saterdag 29 Februarie 2020
11:45-12:00

Die president van Agri Noord-Kaap, Nicol Jansen, verduidelik die omvang van die ergste droogte die afgelope 50 jaar in die provinsie. Hoewel van die boere al 30% van hulle kudde verloor het, bly hulle positief en hoopvol.