Nou op die lug

Deurnag (Donderdag)

00:00-04:30

Empty

Interaktief

Programme

TERUG

Dis Klassiek

Soek

Datums
calendar calendar

Volgende Programme

Woensdag 4 Maart 2020
21:10-22:00

Luister na twee werke uit die Laat-Klassieke periode. Ignaz Pleyel, ‘n Oostenrykse komponis wat later ook ‘n bekende klavierbouer sou word, het geleef van 1757 tot 1831. Sy enigste vioolkonsert is in twee uitgawes beskikbaar. Die enigste verskil is die finale beweging waaraan hy sewe jaar later gewerk het.

Carl Maria von Weber het die voorreg gehad om met ‘n orkes te werk waar hy sy werke getoets en geskaaf het. Hy het veral solowerke vir houtblaasinstrumente gekomponeer. In sy Simfonie no. 2 kan groot dele gehoor word waar solohoutblaasinstrumente begelei word deur die res van die orkes. Hy was self ‘n briljante hobospeler. Von Weber was ook ’n kritikus, en het sterk te velde getrek teen die werk van Beethoven. Hy het voorkeur gehad vir die simfonieë van komponiste soos Haydn en Mozart. Hy het gevoel dat Beethoven se styl te “vaag” is.

Woensdag 11 Maart 2020
21:10-22:00

Luister na Brahms se Simfonie no. 4 in E mineur, opus 98. Dié Duitse komponis het ‘n uitgebreide repertorium van werke nagelaat – van liedere tot groot orkeswerke. Hy het sy laaste simfonie ‘n jaar na die derde simfonie gelewer, maar Brahms was skrikkerig vir die werk en het dit eers as ‘n werk vir twee klaviere gekomponeer. Dit moes ‘n omvattende werk gewees het aangesien die Simfoinie no. 4 byna 50 minute in totaal is. Brahms het eers na vele aanmoedigings en komplimente dit vir volle orkes verwerk.  Dit bly een van sy suksesvolste werke vir groot orkes.