Programme

TERUG

Ratels

Soek

Datums
calendar calendar

Volgende Programme

Maandag 26 Junie 2017
19:30-20:00

Episode 424: Vincent kom met blink nuwe planne vorendag om borgskappe vir die skool en sy produksie te kry, maar besef dis nie so maklik om mense te oortuig om geldelik by ʼn skool betrokke te raak nie. Felicity dring daarop aan om weer te oudisie, en die teks word weer deur tieneroë bekyk.

Maandag 3 Julie 2017
19:30-20:00

Episode 425: Vincent word gedwing om die teks vir die skoolproduksie oor te skryf om dit meer verantwoordelik te maak en meer tienervriendelik in te klee. Die skoolkoerant, Bekgeveg, kom hiervan te hore en ondersoek wat met “tienervriendelik” bedoel word en van watter stories tieners deesdae hou.

Maandag 10 Julie 2017
19:30-20:00

Episode 426: Die skool maak gereed om te begin repeteer aan die nuwe skoolproduksie, maar dan kom die leerders agter dat jaloesie en afguns oor wie watter rolle gekry het die produksie kan kortwiek.

Maandag 17 Julie 2017
19:30-20:00

Episode 427: Ruan en Soois is lankal lus vir baklei, en toe Ruan hoor dat Soois se rol in die skoolproduksie groter gemaak is, en syne kleiner, breek daar ʼn dramatiese geveg uit.

Maandag 24 Julie 2017
19:30-20:00

Episode 428: Ratels se skaakkampioenskap kom nader. Klaas Vakie kom agter dat die leerders nie eintlik in skaak as ʼn sport belangstel nie, en hy wil die belangstelling weer aanwakker. Dan onthou hy dat Soois hom destyds in skaak geklop het...

Maandag 31 Julie 2017
19:30-20:00

Episode 429: Ruan, die hoofseun, begin in ʼn toenemende mate besef dat die plaasseun Soois al hoe gewilder raak. Dit stel sy aansien, ook as rugbykaptein, in gevaar. Hy besluit om iets aan die saak te doen, en ʼn stryd om gewildheid vind plaas.

Maandag 7 Augustus 2017
19:30-20:00

Episode 430: Die leerders help om die skoolproduksie se stel op die skoolverhoog te bou, en leer meer van teateretiket. Die sokkie word ook gehou, en Andries se hart is gebroke omdat Charmaine hom vir Soois gelos het.