Programme

TERUG

Praat Saam

Potgooi

Praat saam 19 Augustus 2019
Maandag 19 Augustus 2019

Die spanning en verdeeldheid in die ANC het verdiep nadat Julius Malema beweer het dat Derek Hanekom, 'n lid van die ANC se uitvoerende komitee, met hulle saamgesweer het om van die voormalige president, Jacob Zuma, ontslae te raak. Wat is president Ramaphosa se politike strategie vir die ANC en die land, en het sy diplomatiese benadering tot dusver vrugte afwerp?

Praat saam 16 Augustus 2019
Vrydag 16 Augustus 2019

Nuwe veiligheidsmaatreëls is by die Hongkong-lughawe ingestel nadat pro-demokrasie betogings daartoe gelei het dat honderde vlugte gekanselleer is. Vlugte is wel hervat maar met die voorvereiste dat passasiers wat HongkKong verlaat, hulle paspoorte en reisplanne in die vertreksaal moet toon. Hoe lyk die Suid-Afrikaanse protesoptoge vergeleke met internasionale onrus en uitdagings?

Praat saam 15 Augustus 2019
Donderdag 15 Augustus 2019

Die Parlement se portefeuljekomitee oor gesondheid sal die openbare raadplegingsprogram vir die konsepwetsontwerp vir die Nasionale Gesondheidsversekering binnekort bespreek. Die wetsontwerp is aan die Parlement voorgelę. Die departement wil daarmee 'n omvattende reeks gesondheidsdienste gratis aan pasiënte in sowel die staat- as private hospitale verskaf, maar wat gaan die ekonomiese impak op jou sak wees?

Praat saam 14 Augustus 2019
Woensdag 14 Augustus 2019

Die aanbevelings in die Openbare Beskermer se verslag oor skenkings aan president Cyril Ramaphosa se ANC-verkiesingsveldtog in 2017, is tydelik opgeskort. Die Pretoriase Hooggeregshof het Maandag die president se aansoek om 'n interdik teen Busisiwe Mkhwebane se aanbevelings, toegestaan. Die tussentydse bevel beteken dat die president tydelik gevrywaar is van enige optrede teen hom, totdat die geregtelike hersiening na die verslag afgehandel is. Hoe beďnvloed die regsbank se uitsprake die politieke diskoers in die land?

Praat saam 13 Augustus 2019
Dinsdag 13 Augustus 2019

Die waarnemende premier van Gauteng, Panyaza Lesufi, het 'n beroep op Suid-Afrikaners gedoen om toe te sien dat diskriminasie teen vroue gestop word. Tydens Vrouemaand maak baie politici polities-korrekte uitsprake en beloftes, maar die werklikheid is dat dit min doen om vroue se posisie te versterk. Ons staan stil by vroue en die uitlewing van hulle geloof, en watter uitdagings hulle moet trotseer.

Praat saam 12 Augustus 2019
Maandag 12 Augustus 2019

Die inwoners van Ivory Park in Midrand, Gauteng, dreig om 'n optog na Eskom se hoofkantoor te hou indien hulle kragtoevoer nie spoedig herstel word nie. Die kragvoorsiener het glo toevoer afgesny weens die hoë voorkoms van onwettige aansluitings. Intussen het die Tshwane Metro bevestig hulle het verliese van sowat R500-miljoen gely weens die onbeskermde staking deur werknemers van die stad. Ons ontleed die twee strome van protes wat ons die laaste tyd sien – die van dienslewering en arbeidskwessies – hoe moet dit effektief bestuur word?

Praat saam 9 Augustus 2019
Vrydag 9 Augustus 2019

Meer as 500 vroue van verskillende sektore het vroeër vanjaar die vierdie Forbes-beraad in Durban bygewoon. Van Afrika se invloedrykste vroue in die sakesektor, sport, wetenskap, vermaak en leierskap het dit bygewoon. Die tema was die nuwe skeppers van welvaart. Maar as dit so is, waarom is daar so min welvaartskeppers by jou werksplek?

Praat saam 8 Augustus 2019
Donderdag 8 Augustus 2019

‘n Bankgroep het ‘n beroep op die regering gedoen om dringend stappe te doen om Suid-Afrika se sukkelende ekonomie reg te ruk. Al hoe meer van die bank se korporatiewe- en kleinhandelkliënte sukkel om hulle skuld te delg. Intussen dreig die graderingsagentskap, Moodys, dat indien die regering nie Eskom se skuldvlakke en besigheidsmodel hersien nie, dit tot ‘n afgradering kan lei. Wat is die gevolge vir die land en die ekonomie as die politieke onsekerheid in die aanhou?

Praat saam 7 Augustus 2019
Woensdag 7 Augustus 2019

Volgens ‘n berig in die Mail & Guardian vroeër vanjaar blyk dit of die evolusie op ‘n meer formele manier in staat- en privaatskole in Suid-Afrika aangebied gaan word. Volgens sommige onderwyskenners sal dit graad 10 en 12 leerders help om meer krities en analities te dink. Wat moet die benadering wees om hierdie vak in skole aan te bied?

Praat saam 6 Augustus 2019
Dinsdag 6 Augustus 2019

News24 het verskeie uitgelekte e-posse gepubliseer en ook die name van mense bekendgemaak wat deur president Cyrl Ramaphosa se veldtogbestuurders genader is om by te dra tot sy ANC-presidensiële veldtog in 2017. Die inhoud van die e-posse dui daarop dat Ramaphosa kennis gedra het van die bedrywighede van sy befondsingsveldtog. Hoe posisioneer lede van die ANC hulle tans?