Nou op die lug

Finansiële Fokus

20:40-21:00

Interaktief

Programme

TERUG

Oppiradio

Potgooi

Anton Goosen, Liedjieboer
Vrydag 10 Julie 2020

Anton Goosen, Liedjieboer, sy lewensverhaal soos vertel aan Hanlie Retief, word deur Johan Rademan onder die loep geneem in ‘n gesprek met die legendariese baanbreker musikant, Anton Goosen, en bekroonde skrywer Hanlie Retief. Dié boek is rock-’n-roll in die binnewêreld van die legendariese liedjieboer. Hanlie Retief vertel Goosen se buitengewone lewensverhaal, van sy grootwordjare in die Vrystaat, die Musiek-en-Liriek-era, sensuur, hoogtepunte en teleurstellings, tot waar die vader van Afrikaanse Rock 'n terugblik gee op sy merkwaardige lewe.

Dean Balie
Vrydag 14 Februarie 2020

Haidee Muller gesels met bekroonde teaterakteur en sanger Dean Balie oor die musiek in sy are, David Kramer, en die toonsetting van Adam Smal se gedigte.

Hilandi du Toit
Vrydag 10 Januarie 2020

Haidee Muller kuier in die sangeres Hilandi du Toit se tuisateljee. Sy speel vir haar 'n paar liedjies op verskillende kitare, en gesels met Haidee oor haar indrukwekkende kitaarversameling.

Refentse
Vrydag 27 Desember 2019

In 2016 het Refentse vir die eerste keer by die OPPIRADIO-ateljee kom kuier. Hy was net uit die skool, en sy loopbaan het nog nie begin nie. Daar was ‘n video van hom op Facebook wat die land aan die gons gehad het, maar niemand het geweet hoe vinnig sy loopbaan en lewe sou verander nie. Drie jaar later spog hy met drie albums. Wat lê voor vir hierdie jong musikant? Christelle van Tonder gesels met hom oor sy planne vir 2020.

Karen Zoid
Vrydag 20 Desember 2019

Karen Zoid het in 2000 Suid-Afrikaners regop laat sit en luister na haar lied, Afrikaners is plesierig. Sy vier volgende jaar 20 jaar in die musiekbedryf. Haar jongste album, Op die oomblik Deel 2, weerspieël waar Karen haar in hierdie stadium in haar lewe en loopbaan bevind. Christelle van Tonder het met haar gesels voor haar laaste vertoning in Johannesburg in 2019 by die Teatro in Montecasino.

Tasché Burger
Vrydag 13 Desember 2019

Sy droom al jare lank daarvan om in te skryf vir die realitetisreeks, The Voice. Toe sy uiteindelik 18 jaar oud geword het, neem sy die besluit om die stap te doen. Al vier beoordeelaars het hulle stoele vir haar omgedraai. Sy gekies om saam met Francois van Coke te werk. Tasché Burger het daardie reeks gewen, en skuur nou skouers met die toprockers in die plaaslike musiekbedryf. Sy skryf musiek saam met Hunter Kennedy, neem duette op saam met Francois van Coke, en word bestuur deur Wynand Myburg. Christelle van Tonder het met hierdie jong musikant oor haar sukses gepraat.

The Color Blew
Vrydag 6 Desember 2019

The Color Blew glo musiek moet gevoel, en nie net gehoor kan word nie. Liaan Horton, Marius Cronjé, Armando Santos en Timothy James is passievol, en lewe in die nou. Dié vier musikante stoei teen kommersiële musiek. Hulle het ‘n lied, African Sky, geskryf, wat gekskeer met hierdie soort musiek. Die lied het egter vinnig ‘n kommersiële sukses geword! Christelle van Tonder gesels met Liaan Horton en Marius Cronjé oor hulle jongste album, Light Switch, en hoe dit so kort op die hakke van hulle debuutalbum vrygestel is.

Demi Lee Moore
Vrydag 29 November 2019

Sy het sewe keer vir Idols ingeskryf, en toe sewende geëindig. En toe wen sy die eerste reeks van Die Kontrak. Demi Lee Moore spog nou met 'n nuwe Country-album. Christelle van Tonder het met haar gesels oor haar goeie jaar.

Roan Ash
Vrydag 22 November 2019

Hy maak al baie lank musiek, maar die afgelope drie jaar is sy naam op almal se lippe.. selfs buite Suid-Afrika. Roan Ash het ‘n rekord laat spat op Appel Music, en is toe deur die maatskappy genooi om oorsee op te tree. Hy vertel vir Christelle van Tonder van die oomblik in Tennessee in die V.S.A. toe daar ‘n Suid-Afrikaanse vlag in die gehoor gewaai is tydens sy vertoning.

Neil Nachtrein
Vrydag 15 November 2019

Neil Nachtrein was eers deel van die duo, Blomtrein, saam met Jan Blohm. Sy tweede solo-album, Op Plekke Waar Ons Eens Was, is nou beskikbaar.