Programme

TERUG

RSG Landbou

Potgooi

RSG Landbou 11 Desember 2018
Dinsdag 11 Desember 2018

'n Luisteraar het gevra waarom botter deesdae so duur is. Dr. Koos Coetzee van die Melkprodusente-organisasie het die antwoord. Daar is ook ‘n bydrae oor vergelingsiekte by makadamias. Nico Claassens van Laeveld Agrochem gee raad oor dié plaag. Omri van Zyl van Agri SA gee perspektief op die beoogde grondwetwysiging oor grondhervorming. En Yolandé Roodt is op haar pos met die laaste wolmarkverslag van die jaar.

RSG Landbou 10 Desember 2018
Maandag 10 Desember 2018

Is daar ‘n korrelasie tussen die weer ‘n week voor en ‘n week ná volmaan? Dit is ‘n vraag van ‘n luisteraar wat ons aan Johan van den Berg van Santam Landbou stel. Ons praat ook met Francois Fivaz, ‘n boer van die Vrystaat, oor sy planne met vervangingsverse. En dr. Gerhard Verdoorn van Croplife SA vertel meer van die organisasie se nuwe webwerffunksionaliteit.

RSG Landbou 8 Desember 2018
Saterdag 8 Desember 2018

Eloise Pretorius praat met Johan Ehlers en Breyton Milford van Agri-Expo oor die Statebond Landboukongres wat elke twee jaar aangebied word. Hulle vertel meer oor die kongres wat in Kanada aangebied is, en verduidelik wat hulle daar geleer het. Hulle praat ook oor die projekte wat Agri-Expo vanjaar aangepak het.

RSG Landbou 7 Desember 2018
Vrydag 7 Desember 2018

Eloise Pretorius praat met een van die provinsiale koördineerders van die Nasionale Landcare-program, Francis Steyn, oor die onlangse kongres wat in Bloemfontein gehou is, en oor ‘n nuwe boek wat eersdaags bekendgestel word. Hy vertel ook hoe kinders van dwarsoor Suid-Afrika aan die program deelgeneem het.

RSG Landbou 6 Desember 2018
Donderdag 6 Desember 2018

Die Rooivleisprodusente-organisasie het ‘n kode vir beste praktyk beskikbaar gestel aan vleisprodusente. HG Human en sy seun, Johannes, vertel waarom die kode vir hulle van waarde is. Daar is nuus oor die volhoubaarheid van varsproduktemarkte. En Lise Roberts gesels met Dylan Weyer oor die Harry Gwala Agri-projek wat in KwaZulu-Natal begin is om kleinboere te help.

RSG Landbou 5 Desember 2018
Woensdag 5 Desember 2018

Lukas Eksteen vertel hoe ‘n mens ‘n relatiewe klein voerkraal winsgewend kan bestuur, veral as ekonomie van skaal ter sprake kom. Daar is ‘n gesprek met Deidré Fourie van die Instituut vir Graangewasse oor die keuse van ’n droëboonkultivar. Die bekende veearts, dok Faffa Malan, verduidelik hoe siekterapportering werk. En voedingkundige Claire Julsing-Strydom praat oor die voedingswaarde van aartappels.

RSG Landbou 4 Desember 2018
Dinsdag 4 Desember 2018

Dr. Ben Greyling van die Landbounavorsingsraad vertel van die toekennings wat hulle elke jaar maak om prestasietoetsing by veeprodusente aan te moedig. Daar is ook ‘n gesprek met Barbara Bieldt van die Melkprodusente-organisasie oor die heilsaamheid van melk. En dr. Johan van Rensburg van die dieregesondheidsmaatskappy, Afrivet, gesels oor die verskillende soorte brommers wat daar is, en hoe dié plaag bestry kan word.

RSG Landbou 3 Desember 2018
Maandag 3 Desember 2018

Dr. Christo Joubert van die Nasionale Landboubemarkingsraad verduidelik wat agro-prosessering behels. Dr. Danie Odendaal van Veearts Netwerk vertel hoe insekoorgedraagde virussiektes versprei word, en hoe dit voorkom kan word. En Hennie Maas gesels met Theo Boshoff van Agbiz oor die sake wat tydens die onlnagse werksberaad bespreek is.

RSG Landbou 1 Desember 2018
Saterdag 1 Desember 2018

Eloise Pretorius hoor by prof. Pieter Gouws van die nuwe Sentrum vir Voedselveiligheid by Stellenbosch Universiteit, en met prof. Gunnar Sigge van die Department van Voedselwetenskap by US, waarom die sentrum onlangs tot stand gebring is.

RSG Landbou 30 November 2018
Vrydag 30 November 2018

Eloise Pretorius praat met prof. Danie Brink, dekaan van die Fakulteit Agriwetenskappe by Stellenbosch Universiteit, oor die hoogtepunte en uitdagings van die afgelope jaar by die fakulteit, en die belangrikheid van menslike hulpbronne.