Nou op die lug

Spitstyd

15:00-18:00

Interaktief

Programme

TERUG

RSG Landbou

Potgooi

RSG Landbou 6 Augustus 2020
Donderdag 6 Augustus 2020

Opleiding en werksgeleenthede in die landbousektor is uiteenlopend. Dr. Frikkie Mar van die Universiteit van die Vrystaat gesels oor tendense en werksgeleenthede in die landbou. Dr. Solomon Newete van die Landbounavorsingsraad vertel van vernietigende uitwerking van die Tamariskplant op landbouhulpbronne. Ons hoor by Johan van den Berg of die winterrenseisoen verby is, en Chris Derksen gesels oor die jongste bees-, skaap- en bokvleispryse.

RSG Landbou 5 Augustus 2020
Woensdag 5 Augustus 2020

Is daar vroe tekens van ekonomiese herstel, en watter rol speel die landbou hierin? Ekonoom dr. Roelof Botha beantwoord hierdie en ander vrae. Ben Viljoen van Lindsay Afrika praat oor die aankoop van n nuwe spilpunt, en Fred Camphor van die SA Jagters- en Wildbewaringsvereniging brei uit oor die impak van die jongste Covid-regulasies op jagbedrywighede.

RSG Landbou 4 Augustus 2020
Dinsdag 4 Augustus 2020

Wol- en sybokhaarprodusente het die afgelope twee jaar swaar getrek, maar volgens Isak Staats van BKB bly hierdie Suid-Afrikaanse produkte gesog. Dr. Morn de la Rey praat oor embrio-oorplasings wat op ander diere buiten renosters en verskeie beesrasse, gedoen word. En Stan Jerling is terug met sy bydrae oor ou trekkers.

RSG Landbou 3 Augustus 2020
Maandag 3 Augustus 2020

Volgens dr. Danie Visser speel die syfer drie n interessante rol by varkproduksie. Hy vertel wat die verband is. Daar n hele paar veilings wat die komende week plaasvind, en Hennie Maas vertel meer daarvan. En Bertus van Heerden van die Melkprodusente-organisasie gesels oor melkvloeisyfers, en watter uitwerking vanjaar se koue op di getalle gehad het.

RSG Landbou 1 Augustus 2020
Saterdag 1 Augustus 2020

Bekende kosskrywer Maritte Crafford deel haar wedervaringe as kind op n plaas in Kakamas. Sy neem ons op n biografiese reis deur haar lewe, en vertel hoe dit juis landbouers is wat haar passie vir kos bly aanvuur. Skakel in vir hierdie inspirerende program oor iemand wat n deurgronde begrip het van Suid-Afrikaanse boere en die allerbelangrike bydraes wat hulle maak tot ons kosmandjie.

RSG Landbou 31 Julie 2020
Vrydag 31 Julie 2020

Dr. Stephano Haarhoff het pas sy doktorsgraad van die Universiteit Stellenbosch ontvang in agronomie. Mielieboere wat geenbewerking of bewaringslandbou op hulle plase wil toepas, sal kan baat uit heelwat beter opbrengste tydens dror seisoene, omdat hierdie boerderymetodes hulle toelaat om aanplantings heelwat digter te doen, volgens Haarhoff. Hy het in sy navorsing gekyk na die invloed wat plantdigtheid het op droland-mielieproduksie in geenbewerking- en bewaringslandboustelsels in Noordwes en Oos-Vrystaat. Hy reken dat besproeiingsboere van die beginsels wat uitgelig is, sal kan oorweeg. Daar is heelwat maniere waarop olyfboere kan keer dat stamsiektes hulle boorde besmet. Dit help onder meer om bome te snoei wanneer daar min vog in die lug is, om snoeiwond-beskermingsmiddels binne n week na n snoeisessie aan te wend, en om snoeirommel uit boorde te verwyder. Hierdie raad kom uit die doktorale navorsing van dr. Meagan van Dyk, wat haar doktorsgraad in plantpatologie aan die Universiteit Stellenbosch verwerf het.

RSG Landbou 30 Julie 2020
Donderdag 30 Julie 2020

In die huidige ekonomiese klimaat moet produsente twee keer dink voor hulle n nuwe spilpunt aankoop. Ben Viljoen van LindsayAfrica het raad hieroor. Ons gesels met Allan Sinclair, wat al 25 jaar deel is van die afslaersbedryf, oor die kenmerke van n goeie afslaer. En die minister van landbou in die Wes-Kaap, dr. Ivan Meyer, praat oor die aangepaste landboubegroting wat Donderdag ter tafel gel word.

RSG Landbou 29 Julie 2020
Woensdag 29 Julie 2020

Volgens dr. Danie Visser speel die syfer drie n interessante rol by varkboerdery. Roan van Tonder, n voormalige jongboerwenner van Noordwes, vertel van sy lesse en suksesse. Inge Lotter het n passie vir die byebedryf, en gesels oor die rol van boere in die voortbestaan van ons byespesies.

RSG Landbou 28 Julie 2020
Dinsdag 28 Julie 2020

Dr. Munro Marx van Unistel praat oor die rol wat genomika speel in veeprodusente se seleksiebesluite. Hy vertel ook van die jongste tegnologie wat honde- en perdetelers ook kan gebruik. Dr. Suzette Bezuidenhout van Cedara gee raad oor dekgewaskeuses, en Stan Jerling se gewilde gesprek oor ou trekkers kom ook weer aan die beurt.

RSG Landbou 27 Julie 2020
Maandag 27 Julie 2020

Limpopo is een van die provinsies met die meeste uitbrekings van bek-en-klouseer. Willem van Jaarsveld vertel van n biosekuriteitsprotokol wat opgestel is om di probleem aan te pak. Pieter Malan van Senwes Grainlink vertel van hulle bydrae om hongersnood onder landelike gemeenskappe te verlig. En Hennie Maas is soos gewoonlik op sy pos met nuus oor veilings wat eersdaags plaasvind.