Programme

TERUG

Gesondheid

Potgooi

Gesondheid 21 Augustus 2019
Woensdag 21 Augustus 2019

Wat is retinale loslating, en hoe word dit behandel? En hoe werk diabetiese retinopatie? ’n Mens word ook gewaarsku oor die komplikasies van diabetes wat nie goed beheer word nie. Een van dié komplikasies is diabetiese retinopatie, wat beteken dat die retina aangetas word. Maar hoe gebeur dit? Marí Hudson gesels met ’n oogpesialis oor dié twee oogprobleme.

Gesondheid 14 Augustus 2019
Woensdag 14 Augustus 2019

Blaaslek is baie meer algemeen as wat ’n mens dink. Baie vroue se blaas- of anale knypers of albei, werk nie meer so goed soos voorheen nie. Dit lei tot groot verleentheid vir dié vroue, en hulle is dikwels te skaam om hulp te soek. Maar daar is hulp wat dié vroue se lewens weer ten goede kan verander. Een van die behandelingsopsies is die plaas van ‘n klein ‘pasaangeër' in die boud. Ander behandelingsopsies sluit selfs botoksinspuitings in die blaas in.

Gesondheid 7 AUgustus 2019
Woensdag 7 Augustus 2019

Candida auris word beskou as een van die gevaarlike nuwe superkieme wat die potensiaal het om glad nie op medikasie te reageer nie. Dit is ’n swamsiekte wat die afgelope 10 jaar dramaties in Suid-Afrika toegeneem het, en nou veral in private hospitale in Gauteng gevind word. Marí Hudson gesels met ’n mediese kundige oor dié en ander swamsiektes.

Gesondheid 31 Julie 2019
Woensdag 31 Julie 2019

Die TV-minireeks, Chernobyl, het ’n mens laat skrik vir die gevolge van ’n kernkrag-ongeluk. In die tweede deel van dié kort reeks oor radio-aktiewe bestraling, kyk ons na die behandeling van ’n mens wat met hoë doserings radio-aktiwiteit bestraal is, en wat die grootste risiko vir ’n bestralingsinsident inhou... en dis nie ’n kernkragontploffing by Koeberg nie!

Gesondheid 24 Julie 2019
Woensdag 24 Julie 2019

In die onlangse TVminireeks, Chernobyl, het die groot kernkragongeluk tot ernstige bestralingskade aan die omgewing en ook akute bestralingsiekte gelei. Wat gebeur in die liggaam met hoë doserings radio-aktiewe bestraling? Watter bestralingsdosis is hoog genoeg vir bestralingsiekte? Wat gebeur wanneer jou eie liggaam radio-aktief word? En is ons liggame nie in elk geval effe radio-aktief nie? Marí Hudson gesels met ’n beroepsgeneeskundige oor akute bestralingsiekte.

Gesondheid 17 Julie 2019
Woensdag 17 Julie 2019

‘Ons gaan voluit voort met Nasionale Gesondheidsversekering’ het die nuwe Minister van Gesondheid, dr. Zweli Mkhize, tydens sy begrotingsrede gesê. Wat beteken sy jongste aankondigings oor R30-miljard en die vul van kliniese poste, en ander inligting vir jou en my?

Gesondheid 10 Julie 2019
Woensdag 10 Julie 2019

Heupvervangings kan nou met ’n bikini-snit van voor op die heup gedoen word, pleks van deur die boud. Die pasiënt het minder pyn omdat daar aan minder spiere gekarring word, en is binne ‘n dag weer op die been, en binne 2 tot 3 dae weer tuis. Marí Hudson gesels met ’n ortopediese chirurg oor dié aangepaste metode vir heupvervangings.

Gesondheid 3 Julie 2019
Woensdag 3 Julie 2019

Mari Hudson praat met prof. Jan van Zyl van die Universiteit van die Vrystaat oor pankreatitis, oftewel infeksie van die pankreas.

Gesondheid 26 Junie 2019
Woensdag 26 Junie 2019

Marí Hudson praat met ’n sportsielkundige oor die beginsels van sportsielkunde en wenners.

Gesondheid 19 Junie 2019
Woensdag 19 Junie 2019

Mari Hudson praat met 'n dokter oor vanjaar se griep. Is dit ernstiger as vorige jare? Help die griepinspuiting werklik?