Nou op die lug

Deurnag (Maandag)

00:00-04:30

Empty

Interaktief

Programme

TERUG

Regsake

Potgooi

Regsake 13 Januarie 2020
Maandag 13 Januarie 2020

Wat het die onlangse Applhofsaak verander aan die definisie van haatspraak? Is dit skending van kopiereg as jy net 'n paar sekondes van iemand anders se liedjie gebruik? Wanneer sal jy aanspreeklik wees as jou werker in die uitvoering van sy pligte deur weerlig getref word? Igna Klynsmith bespreek ook die straf van iemand wat 'n rob geslaan het, en wat oorlas in die burgerreg behels.

Regsake 6 Januarie 2020
Maandag 6 Januarie 2020

Wanneer haar man onverwags te sterwe kom, word die weduwee dikwels uitgebuit in die emosionele tydperk van rou wat daarop volg. Igna Klynsmith gee praktiese wenke waarvoor om op die uitkyk te wees. Hy verduidelik ook wat die verweer van ontoerekeningsvatbaarheid beteken, en bespreek 'n paar regsaspekte ten opsigte van die afdanking van huiswerkers.

Regsake 30 Desember 2019
Maandag 30 Desember 2019

Ouer mense skei soms om met 'n veel jonger bokkie te trou - dikwels in gemeenskap van goeder - maar meestal staan hulle gou weer in die skeihof. Kry die jong bokkie noodwendig die helfte van die gemeenskaplike boedel? Igna Klynsmith bespreek ook die probleemareas ten opsigte van kwotasies, en die aanspreeklikheid van kinders vir hulle bejaarde ouers se mediese koste.

Regsake 23 Desember 2019
Maandag 23 Desember 2019

Is daar 'n wedersydse onderhoudsplig tussen 'n paartjie wat saamwoon? Wat mag jy aftrek van jou huiswerker se vergoeding? Wat is nodig om laster te bewys, en wat is die verwere daarteen? Daar bestaan geen formaliteite om Krugerrande te koop nie. Kan 'n mens dus die waarde van jou boedel verklein en boedelbelasting spaar deur Krugerrande te koop?

Regsake 16 Desember 2019
Maandag 16 Desember 2019

Kan ouers wat op grond van hulle geloof lyfstraf op hul kinders by die huis toepas, vervolg word? Wat gebeur as iemand wat onderhoud betaal, sterf en 'n trust erf sy hele boedel? Watter opsies het 'n ongetroude swanger vrou ten opsigte van die koste van haar swangerskap as die pa weier om iets by te dra totdat vaderskaptoetse gedoen is?

Regsake 9 Desember 2019
Maandag 9 Desember 2019

As jy geld van 'n ryloper aanvaar, kom dit nie daarop neer dat jy 'n ongelisensieerde taxi teen vergoeding bedryf nie? Wie erf as iemand wat in gemeenskap van goed getroud is, sonder 'n testament sterf? Is vakbondleiers aanspreeklik vir skade wat hulle lede tydens betogings aanrig? En het jy geweet die bose Ma Baker het regtig geleef?

Regsake 2 Desember 2019
Maandag 2 Desember 2019

Igna Klynsmith bespreek die volgende regsvrae met Ian Wessels: Moet iemand wat aan strafbare manslag skuldig bevind is, swaarder gestraf word as drie mense in 'n ongeluk gesterf het teenoor net een? Wie is aanspreeklik as iemand in 'n winkelsentrum beseer word weens die nalatigheid van veiligheid- of skoonmaakpersoneel? Is werknemers geregtig op bonusse en verhogings, en is 'n stapelaar 'n motorvoertuig?

Regsake 25 November 2019
Maandag 25 November 2019

Wat gebeur met jou aandele in 'n privaatmaatskappy wanneer jy te sterwe kom? Wat is die invloed van sakeredding op regsaksies en borge? Wie is aanspreeklik vir skade of beserings wat op skoolgronde opgedoen word? En watter wetgewing is van toepassing op vonnisse, wat vir verkragting opgel word?

Regsake 18 November 2019
Maandag 18 November 2019

Trou jy binnekort? Igna Klynsmith verduidelik die aanwasbedeling en watter bates daarvan uitgesluit sal wees. Hy werp ook lig op aktuarile berekeninge oor die verlies aan inkomste, en bespreek twee hofsake teen makelaars oor beleggings in Sharemax.

Regsake 11 November 2019
Maandag 11 November 2019

Igna Klynsmith praat met Ian Wessels oor die erf van vuurwapens; die implikasies daarvan om as getuie te teken; die gevolge van insolvensie van 'n langtermynhuurder vir die verhuurder; en wat om te doen as jou kontrak nie 'n kansellasieklousule bevat nie. Hy bespreek ook 'n hofsaak oor die hersiening van staatstenders.