Nou op die lug

Monitor

06:00-08:00

Interaktief

Programme

TERUG

Regsake

Potgooi

Regsake 30 Maart 2020
Maandag 30 Maart 2020

Rina Gunter kuier saam met Ian Wessels en Igna Klynsmith. Sy spesialiseer in immateriŽle goederereg. Dit sluit onder andere in die beskerming van patente en die skeppings van skrywers, asook modelle en handelsmerke. Wat is die vereistes vir registrasie van 'n patent? Rina gesels ook oor wie aanspraak kan maak op 'n nuwe uitvindsel wat jy by jou werk gedoen het.

Regsake 23 Maart 2020
Maandag 23 Maart 2020

Hugo Pienaar, 'n arbeidsregspesialis, sluit aan by Ian Wessels en Igna Klynsmith vir 'n regstreekse uitsending van Regsake.

Regsake 16 Maart 2020
Maandag 16 Maart 2020

Igna Klynsmith verduidelik die regsreŽls oor verhuring en deposito's, en wat jou te doen staan as iemand wat jou geld geskuld het, oorlede is, maar jy versuim het om dit van sy boedel te eis. Kan jy dit van 'n erfgenaam verhaal? Igna beantwoord ook 'n ongewone vraag van 'n luisteraar wat beweer hy het sy vriendin se huis aan die brand gesteek omdat iemand hom met die hulp van die duiwel getoor het.

Regsake 9 Maart 2020
Maandag 9 Maart 2020

Igna Klynsmith gesels verder oor skuldhersiening vir individue. Ander onderwerpe wat bespreek word, sluit in die besoekregte van pa's van buite-egtelike kinders; die regsposisie van vrouens in poligame gewoontereghuwelike; en wanneer die howe sal afwyk van die gebruiklike reŽl dat die verloorder in 'n hofsaak die wenner se regskoste moet betaal.

Regsake 2 Maart 2020
Maandag 2 Maart 2020

Soms verskil naasbestaandes oor die oorledene se begrafnisreŽlings, of wie die draers moet wees, maar wie se besluit is dit? Wat behels sakeredding vir besighede, en watter magte en bevoegdhede het die persoon wat as sakeredder aangestel word? Hoe verskil dit van skuldhersiening vir individue?

Regsake 24 Februarie 2020
Maandag 24 Februarie 2020

Is 'n man gebonde aan sy belofte om vir sy vrou 'n motorfiets te koop? Is kredietwetgewing van toepassing op skikkingsooreenkomste? Wanneer moet albei gades getroud in gemeenskap van goed, kontrakte onderteken? Igna Klynsmith bespreek ook hofsake oor gewapende betogers, en dispute tussen deeltiteleienaars en hulle beheerliggame.

Regsake 17 Februarie 2020
Maandag 17 Februarie 2020

Igna Kynsmith bespreek die volgende regskwessies met Ian Wessels: Die gebruik van vuurwapens op kleinhoewes; vervolgsieke mense wat oor alles wil "prosedeer"; 'n munisipaliteit se plig om skade deur vloedwater te verhoed; veranderings in die hantering van eise teen die staat se pensioenfonds, en wanneer kan 'n ma haar kind se van verander sonder die biologiese pa se toetstemming?

Regsake 10 Februarie 2020
Maandag 10 Februarie 2020

Rina Gunter sluit aan by Ian Wessels en Igna Klynsmith om te gesels oor onregmatige mededinging, handelsmerke en patente.

Regsake 3 Februarie 2020
Maandag 3 Februarie 2020

Wanneer is 'n mens verplig om 'n misdaad te rapporteer? Hoe kan jy jou kriminele rekord weer skoon kry? Wanneer moet die minister toestemming gee vir prospektering en mynbou-aktiwiteite? Igna Klynsmith bespreek ook sterftevoordele uit pensioenfondse.

Regsake 27 Januarie 2020
Maandag 27 Januarie 2020

Igna Klynsmith bespreek 'n dominee se kwelling oor 'n drankwinkel wat langs sy kerk wil open. Wat behels die wetgewing oor die verkoop van tweedehandse goedere, en is dit effektief om bedrog te bekamp? Igna verduidelik ook die belang daarvan om kinders se menings te hoor in hofgedinge tussen hulle ouers oor hulle toesig.