Programme

TERUG

Regsake

Potgooi

Regsake 22 Mei 2017
Maandag 22 Mei 2017

Igna Kynsmith bespreek die Romeins-Hollandse regsbeginsel dat die bloedige hand nie mag erf nie, buite-egtelike pa's se toegangsregte om hulle kinders te besoek, en absurde wetgewing regoor die wÍreld.

Regsake 15 Mei 2017
Maandag 15 Mei 2017

Igna Klynsmith gesels oor die oorskryding van spoedgrense wat deur die beheerliggame van meenthuiskomplekse vasgestel word; eise vir beserings opgedoen in 'n ongeluk as passasier in 'n gholfkarretjie; en 'n hofsaak oor billike vergoeding vir 'n deel van 'n plaas, wat aan plaaswerkers toegeken is vir bewoning en weiding van hulle vee.

Regsake 8 Mei 2017
Maandag 8 Mei 2017

Die regskwessies wat Ian Wessels en Igna Klynsmith bespreek, sluit in die beskerming wat jy geniet wanneer jy 'n tweedehandse motor koop; of familietrusts vandag nog 'n plek het; en die geldigheid van voorwaardelike bemakings in testamente.

Regsake 1 Mei 2017
Maandag 1 Mei 2017

Igna Klynsmith vertel vir Ian Wessels van 'n omstrede nuwe wetsontwerp oor die regulering van die besit van landbougrond, en nuwe wetgewing oor Deelititelskemas wat op 1 Januarie in werking getree het.

Regsake 24 April 2017
Maandag 24 April 2017

Ian Wessels en Igna Klynsmith gesels oor die regsposisie wanneer een ouer nŠ egskeiding saam met die minderjarige kinders oorsee wil verhuis. Ander regskwessies wat bespreek word, is wanneer 'n oupa en ouma aanspreeklik is vir die onderhoud van 'n kleinkind; skenkingskontrakte; en 'n nuwe wet oor eienaarskap van wild wat uit 'n kamp ontsnap.

Regsake 17 April 2017
Maandag 17 April 2017

Op Paasmaandag wyk ons af van die gewone prosedure. Igna Klynsmith bespreek die regsgeldigheid van Jesus se verhoor. Het Hy 'n regverdige verhoor gehad volgens die regsbeginsels van die tyd?

Regsake 10 April 2017
Maandag 10 April 2017

Soos gewoonlik is Igna Klynsmith Ian Wessels se gas om luisteraars se regsvrae te beantwoord. Hy gesels onder andere oor wetgewing wat swaarder vonnisse vir sekere kategorieŽ van verkragting verpligtend maak; wysings in die wetgewing oor werkloosheidsversekering; betwiste vaderskap; belastering tydens 'n dissiplinÍre verhoor, en rehabilitasie na insolvensie.

Regsake 3 April 2017
Maandag 3 April 2017

Na aanleiding van talle navrae wat Ian Wessels ontvang het, word die kontakbesonderhede weer gegee vir mense met klagtes oor vakansieklubs. Igna Klynsmith gee terugvoer oor die uitvinder van "please call me", wat sy saak teen Vodacom gewen het, asook 'n regsmening oor geldige vuurwapenlisensies. Hy verduidelik ook hoe die aanwas bereken word nŠ egskeiding.

Regsake 27 Maart 2017
Maandag 27 Maart 2017

Igna Klynsmith verduidelik aan die hand van 'n hofsaak, wat onparlementÍre gedrag behels, asook die doel en werking van die nuwe Kommissie vir BreŽ Basis Swart Ekonomiese Bemagtiging. Hy beantwoord ook luisteraars se vrae oor kinders wat reeds nege jaar dieselfde bedrag huurgeld betaal om in hulle ma se huis te woon; of rente betaal moet word saam met die terugbetaling van 'n huurder se deposito; en die nakoming van 'n werker se kennismaand na sy bedanking.

Regsake 20 Maart 2017
Maandag 20 Maart 2017

Sakkie Smit en Charl Ackerman kuier vir oulaas saam met Ian Wessels en Igna Klynsmith om te gesels oor regsaspekte wat motoriste raak. Wanneer aanvaar die hof dit as vanselfsprekend dat jy nalatig was, en hoe werk die verdeling van skadevergoeding as beide bestuurders deels verantwoordelik was vir 'n botsing?