Programme

TERUG

Skrywers en Boeke

Potgooi

Skrywers en boeke 18 April 2018
Woensdag 18 April 2018

Veelbekroonde digter Bibi Slippers gesels oor die digkuns, die rigting wat Afrikaanse poŽsie ingeslaan het, en hoe 'n mens 'n gepubliseerde digter word. Johan Myburg deel interessanthede uit die internasionale letterkunde, onder meer die kortlys van die Man Bookerprys.

Skrywers en boeke 11 April 2018
Woensdag 11 April 2018

Ilse Salzwedel gesels met Annelize Slabbert oor haar lekkerlees Kalahari-biografie 'N LUIPERD IN MY BED. Theo Kemp van die Jakes Gerwel-stigting gesels oor wat die stigting alles doen om die letterkunde te bevorder, ook op skoolvlak. In Johan Myburg se insetsel oor internasionale letterkunde kan jy luister na 'n opname uit die 1940's waarin T.S. Elliot een van sy gedigte voorlees.

Skrywers en boeke 4 April 2018
Woensdag 4 April 2018

Suzette Kotze-Myburgh gesels met Petrovna Metelerkamp oor haar nuwe INGRID JONKER-biografie waarin heelwat nuwe inligting oor die bekende digter vervat is. Hpor meer oor die wenners van NB Uitgewers se Groot Afrikaanse Romanwedstryd en die wenners van die UJ-pryse. Johan Myburg gesels oor interessanthede uit die internasionale boekewÍreld, en gesels ook oor die kortlys vir die Sunday Times/Barry Ronge-fiksieprys vir Engelstalige Suid-Afrikaanse fiksie.

Skrywers en boeke 28 Maart 2018
Woensdag 28 Maart 2018

Corina van der Spoel gesels met prof. Willie Burger oor sy nuwe boek DIE W RELD VAN DIE STORIE. Ilse Salzwedel gesels met dr. Karen de Wet oor die kortlyste van die UJ-pryse wat pas bekendgemaak is. Johan Myburg deel interessanthede uit die internasionale boekewÍreld, onder meer 'n gesprek deur die Skotse skrywer Phillip Kerr, wat verlede week oorlede is.

Skrywers en boeke 21 Maart 2018
Woensdag 21 Maart 2018

Ilse Salzwedel gesels met Cas Wepener oor sy roman JOHANNA. DaniŽl Hugo, samesteller van die KKNK se boekeprogram, vertel waarna feesgangers kan uitsien. En Johan Myburg gesels in sy internasionale insetsel oor onder andere die langlys van die Man Booker-prys.

Skrywers en boeke 14 Maart 2018
Woensdag 14 Maart 2018

Jan Vermeulen, bekroonde jeugromanskrywer, se eerste spanningsroman vir volwassenes het pas verskyn. Ilse Salzwedel gesels met hom oor DIE VYFDE ASPOESTER. In 'n kykie na interessante Suid-Afrikaanse nie-fiksie, gesels Ilse met Pieter-Louis Myburgh oor THE REPUBLIC OF GUPTA, sy boek wat staatskaping blootgelÍ het. Hulle gesels onder meer oor die navorsing wat so 'n boek vereis. In sy bydrae oor die internasionale letterkunde, gesels Johan Myburg onder meer oor PEN Amerika se letterkundepryse.

Skrywers en boeke 7 Maart 2018
Woensdag 7 Maart 2018

Regstreeks vanaf die Woordfees: Antoinette Pienaar, Schalk Schoombie, Julian Jansen, Irna van Zyl en Leon van Nierop gesels oor hulle reis met hulle boeke wat handel oor alles van regte moorde tot die helende krag van die natuur en ingewikkelde liefdesverhoudings.

Skrywers en boeke 28 Februarie 2018
Woensdag 28 Februarie 2018

Suzette Kotze-Myburg gesels met rolprentmaker Franz Marx oor sy spannende debuutroman, SpieŽlbeeld. Prof. Chris van der Merwe gesels met Ilse Salzwedel oor die briewe van pres. M.T. Steyn, wat hy uit Nederlands vertaal het vir 'n boek van die Van Riebeeckstigting. En Johan Myburg deel oudergewoonte internasionale boekenuus.

Skrywers en boeke 21 Februarie 2018
Woensdag 21 Februarie 2018

In 'n spesiale uitsending kan jy luister na die Karoo Suite, 'n woord-en-musiekskepping deur Coenie de Villiers en die skrywer Deon Meyer. Ons gee ook meer besonderhede oor die ATKV Winterskryfskool. Johan Myburg deel oudergewoonte interessanthede uit die internasionale letterkunde.

Skrywers en boeke 14 Februarie 2018
Woensdag 14 Februarie 2018

Ilse Salzwedel gesels met Machiel Viljoen van Afrifiksie.com, 'n Afrikaanse webwerf wat fokus op wetenskapfiksie. Hoor hoekom hardop lees so belangrik is vir jou kind se ontwikkeling, en vind uit wie het LAPA se jeugromankompetisie gewen. In sy weeklikse bydrae oor die internasionale letterkunde vertel Johan Myburgh meer oor onder andere 'n nuwe boek van Barbara Kingsolver.