Programme

TERUG

Skrywers en Boeke

Potgooi

Skrywers en boeke 20 September 2017
Woensdag 20 September 2017

Die bekroonde jeugroman Vaselinetjie word hierdie Vrydag as 'n film uitgereik. Ilse Salzwedel gesels met die skrywer van Vaselinetjie, Anoeschka von Meck. Dan Sleigh gesels oor die ATKV Prosaprys wat onlangs aan hom toegeken is vir sy roman, 1795, en Christo Davids vertel meer oor sy drama MY SEUNS wat met 'n ATKV-Woordveertjie bekroon is as beste dramateks. Die Afrika-skrywer vandeesweek is Frank Chipula van Malawi. Johan Myburg gesels in sy internasionale letterkunde-insetsel onder meer oor die Manbooker-kortlys, 'n toekenning vir die skrywer A.S. Byatt en plagiaat deur die Franse digter, wyle Pierre Des-Ruisseaux.

Skrywers en boeke 13 September 2017
Woensdag 13 September 2017

Ilse Salzwedel was by die ATKV Woordveertjies in Stellenbosch, en gesels met van die bekroondes. Bruce Koopman van Uitenhage vertel watter verskil sy huisbiblioteek maak in die lewe van die kinders van die Jazztown-woongebied by Uitenhage. September is internasionale geletterdheidsmaand, en Lizelle Langford van die READ Opvoedkundige Trust vertel van hulle Red Reading Boxes. Johan Myburg vertel meer oor die internasionale letterkunde, en gesels onder meer oor nuwe boeke uit die pen van Salman Rushdie en John le Carre.

Skrywers en boeke 6 September 2017
Woensdag 6 September 2017

Ilse Salzwedel gesels met prof. Charles van Onselen oor sy interessante geskiedkundige boeke. Francois Lötter van die Breytenbachsentrum in Wellington vertel meer die Tuin van Digters wat op 15 en 16 September daar gehou word. Johan Myburg gesels oor die internasionale boekewêreld, en jy kan onder meer luister na die digter John Ashbury wat een van sy gedigte voorlees. Die Afrika-skrywer van die week is Christopher Okigbo.

Skrywers en boeke 30 Augustus 2017
Woensdag 30 Augustus 2017

Ilse Salzwedel gesels met Gerda Taljaard oor haar nuwe roman DIE LAKSMAN SE DOGTER. Piet Matipa, skrywer van DWARSKLAP, vertel meer oor sy bundle rubrieke en vertellings. Die Afrika-skrywer van die week is Dambudzo Marechera van Zimbabwe.

Skrywers en boeke 23 Augustus 2017
Woensdag 23 Augustus 2017

Ilse Salzwedel gesels met Eben Venter, wat in Suid-Afrika is om sy nuwe roman GROEN SOOS DIE HEMEL DAARBO, te bemark. Suzette Kotze-Myburg gesels met Nicole Jaekel-Strauss oor haar nuwe bundel kortverhale AS IN DIE MOND. In sy insetsel oor die internasionale letterkunde gesels Johan Myburg onder meer oor 'n nuwe internasionale neiging in kinderboeke, en vertel ook meer van Isabelle Allende, wat pas 75 jaar oud geword het, se jongste roman.

Skrywers en boeke 16 Augustus 2017
Woensdag 16 Augustus 2017

Ilse Salzwedel gesels met Schalk Schoombie oor sy nuwe roman ROOI HARING. Die finaliste van die ATKVWoordveertjies is pas aangekondig. Johan Myburg gesels oor interessante verwikkelinge in die internasionale letterkunde. Word daar meer kru taal gebruik in hedendaagse letterkunde, of is dit net lesers se persepsie? En sal jy gewillig wees om deel te neem aan die oorspronklike manier wat ʼn Nederlandse digter gevind het om ʼn spesiale gedig te bemark? Die Afrika-skrywer van die week is Cyprian Ekwensi van Nigerië.

Skrywers en boeke 9 Augustus 2017
Woensdag 9 Augustus 2017

Mark Behr se bekroonde roman DIE REUK VAN APPELS is onlangs verwerk in 'n toneelstuk. Ilse Salzwedel gesels met Johann van der Merwe en Rudi Sadler van RocketTheatre hieroor. Maandag 14 Augustus vier ons die Vriende Van Afrikaans (VVA) se Koop-'n-Afrikaanse-boek-dag. Kom vind uit waar kan jy tot 50% afslag kry op nuwe Afrikaanse boeke op daardie dag. Johan Myburg gesels oor internasionale letterkunde, en bespreek ook 'n plaaslike kunsateljee-eienaar se memoirs oor sy loopbaan. Mariana Rabie vertel wat gebeur alles by die McGregor Gedigtenaweek van 25 tot 27 Augustus in McGregor.

Skrywers en boeke 2 Augustus 2017
Woensdag 2 Augustus 2017

Corina van der Spoel gesels met S.J. Naude oor sy roman DIE DERDE SPOEL. Corlia Fourie gesels oor die kortverhaalbundel KLEURE VAN DIE LIEFDE, en deel ook sommer ʼn paar wenke oor die skryf van kortverhale. Dia van Staden gesels oor die Pretoria Boekejol en Filmrolfees wat van 16 tot 20 Augustus plaasvind, en Johan Myburg deel interessanthede uit die internasionale letterkunde.

Skrywers en boeke 26 Julie 2017
Woensdag 26 Julie 2017

Suzette Kotze-Myburgh gesels met Joyce Kotze oor WINTERSRUST, ʼn roman wat albei kante van die Anglo Boereoorlog belig. Johan Myburg gesels in sy internasionale letterkunde bydrae oor ʼn prys vir Graham Swift se Mothering Sunday, die Caine-prys vir letterkunde en ander interessanthede. Wou jy nog altyd ʼn kinder- of jeugboek skryf, of ʼn liefdesverhaal? Ons het nuus oor LAPA se jeugromankompetisie, die ATKV-skryfskool vir romantiese fiksie, PEN Afrikaans se vertaalfonds en ander wetenswaardighede uit die boekewêreld.

Skrywers en boeke 19 Julie 2017
Woensdag 19 Julie 2017

Ilse Salzwedel gesels met Lloyd Zandberg oor sy bundel komiese rubrieke PER ONGELUK. Sy was ook by die Innibos Kinderboekekrôl, en gesels met die kinders oor hierdie unieke ervaring. Luister ook na wat alles die res van die week by die Vrystaat Literatuurfees aangebied word. Johan Myburg gesels in sy internasionale boeke-insetsel onder meer oor Maurice Sendak. Hierdie week se Afrika-skrywer is Helon Habila.