Programme

TERUG

Skrywers en Boeke

Potgooi

Skrywers en boeke 14 Februarie 2018
Woensdag 14 Februarie 2018

Ilse Salzwedel gesels met Machiel Viljoen van Afrifiksie.com, 'n Afrikaanse webwerf wat fokus op wetenskapfiksie. Hoor hoekom hardop lees so belangrik is vir jou kind se ontwikkeling, en vind uit wie het LAPA se jeugromankompetisie gewen. In sy weeklikse bydrae oor die internasionale letterkunde vertel Johan Myburgh meer oor onder andere 'n nuwe boek van Barbara Kingsolver.

Skrywers en boeke 7 Februarie 2018
Woensdag 7 Februarie 2018

Steve Hofmeyr vertel vir Ilse Salzwedel van sy nuwe spanningsverhaal, DIE ONAANTASBARES. Kerneels Breytenbach gesels oor die moets en moenies van boekresensies, en Johan Myburg deel oudergewoonte interessanthede uit die internasionale letterkunde.

Skrywers en boeke 31 Januarie 2018
Woensdag 31 Januarie 2018

Afrikaans se topverkoperskrywer, Deon Meyer, gesels met Suzette Kotze-Myburgh oor sy jongste boek, DIE VROU IN DIE BLOU MANTEL. Hy deel ook skryfraad met aspirantskrywers. As jy bekommerd is oor jou kind se leesvaardighede, luister na Jose Palmer en Reinette Lombaard wat gesels oor hulle oulike progressiewe leesreeks vir kinders in die grondslagfase. En Johan Myburg deel oudergewoonte interessanthede uit die internasionale letterkunde.

Skrywers en boeke 24 Januarie 2018
Woensdag 24 Januarie 2018

Die Woordfees vind vanjaar van 2 tot 11 Maart plaas. Ilse Salzwedel gesels met Elmari Rautenbach oor wat boekliefhebbers alles by die fees se Skrywersfees kan verwag. Suzette Kotze-Myburgh, een van die drie samestellers van die Woordfeesbundel, gesels oor die inskrywings wat vir vanjaar se kortverhaalbundel ontvang is. Sy gee ook skryfwenke vir voornemende kortverhaalskrywers. Johan Myburg gesels oor die internasionale letterkunde, en gee onder meer 'n blits-voorskou van internasionale boeke wat vanjaar verskyn.

Skrywers en boeke 17 Januarie 2018
Woensdag 17 Januarie 2018

JRR Tolkien se THE HOBBIT is al in dosyne tale vertaal, en het onlangs vir die eerste keer in Afrikaans verskyn. Ilse Salzwedel gesels met die vertaler, Janie Oosthuyzen, oor hierdie reuse taak. Leonie van Rensburg gesels oor die Graffiti Boeke/Lekkerlees Boekrak-prys vir Wilna Adriaanse se EINDSPEL. En in sy internasionale letterkunde-bydrae gesels Johan Myburg onder meer oor die langlys vir die Nobelprys vir Letterkunde van 1967. Die langlys van finaliste vir daardie jaar is pas bekend gemaak n 'n moratorium van 50 jaar.

Skrywers en boeke 10 Januarie 2018
Woensdag 10 Januarie 2018

Die kinder- en jeugboekskrywer Marga Jonker gesels met Ilse Salzwedel oor haar reeks perdeboeke. Leonie van Rensburg gesels oor die topverkopers van 2017, en Johan Myburg deel wetenswaardighede uit die internasionale letterkunde.

Skrywers en boeke 3 Januarie 2018
Woensdag 3 Januarie 2018

Ilse Salzwedel gesels met William Rowland, voorsitter van die SA Biblioteek vir Blindes in Grahamstad, oor gratis boeke vir blindes en siggestremdes. Derick van der Walt gesels oor sy nuwe volwasse roman, TUSSEN VRIENDE, en Cliffordene Norton van LAPA vertel hoekom liefdesverhale 'n topverkopergenre is.

Skrywers en boeke 27 Desember 2017
Woensdag 27 Desember 2017

Ilse Salzwedel gesels met Phyllis Green, SARIE se boekeredakteur, oor haar gunstelingboeke van 2017.

Skrywers en boeke 20 Desember 2017
Woensdag 20 Desember 2017

Ilse Salzwedel gesels met James Styan oor HARTEBREKER, sy biografie oor die hartchirurg Chris Barnard. Nelia Engelbrecht gesels oor haar POORT-reeks vir tieners, en Johan Myburg gesels oor die internasionale letterkunde.

Skrywers en boeke 13 Desember 2017
Woensdag 13 Desember 2017

Die skrywer Elsa Joubert het onlangs haar 95e verjaarsdag gevier met die publikasie van SPERTYD, die derde deel van haar outobiografie. Suzette Kotze-Myburgh het met haar gesels oor haar lewe en skryfwerk.