Programme

TERUG

Skrywers en Boeke

Potgooi

Skrywers en boeke 22 November 2017
Woensdag 22 November 2017

Ilse Salzwedel gesels met prof. Wannie Carstens, die mede-skrywer van ONS KOM VAN VER AF en DIE TWEE STORIES VAN AFRIKAANS. Albei boeke dokumenteer belangrike inligting oor ons taal. In sy interessante bydrae oor die internasionale boekewêreld gesels Johan Myburg onder meer oor Duitsland se hardop-voorleesdag, en hoekom dit gevier word.

Skrywers en boeke 15 November 2017
Woensdag 15 November 2017

Ilse Salzwedel gesels met die Afrikaanse wenner en naaswenner van die Sanlamjeugfiksiewedstryd wat verlede week aangekondig is. Carin Krahts gesels oor BLOU IS NIE 'N KLEUR NIE, en Jan Vermeulen praat oor SOEN. Johan Myburg gesels in sy internasionale letterkunde bydrae onder meer oor George Orwell se 1984 en 'n nuwe PADDINGTON BEAR-boek, sestig jaar na die publikasie van die eerste boek.

Skrywers en boeke 8 November 2017
Woensdag 8 November 2017

Suzette Kotze-Myburgh gesels met Adeline Radloff oor haar werk, wat twee bekroonde jeugromans, ʼn spanningsverhaal vir volwassenes en ʼn kinderboek insluit. Hulle praat ook oor die belangrikheid van lees in ʼn kind se akademiese ontwikkeling. En Lamé Ebersohn gesels oor Die Filosofiekafee, ʼn maandelikse boekegesprek by Café Riche in Pretoria.

Skrywers en boeke 1 November 2017
Woensdag 1 November 2017

Suzette Kotze-Myburgh gesels met Juanita Aggenbach oor haar roman GISTER IS VERBY, die eerste borskankerroman in Afrikaans. Johan Myburg deel interessanthede uit die internasionale letterkunde. Malene Breytenbach en Elsa Winckler gesels oor die pas afgelope konferensie van die Romance Writers of South Africa.

Skrywers en boeke 25 Oktober 2017
Woensdag 25 Oktober 2017

Ilse Salzwedel gesels met Irma Joubert oor haar jongste roman, Mentje, kind van die Pasop-kamp. Daniel Hugo vertel meer oor die Prins Albert-leesfees. Johan Myburg vertel in sy bydrae oor die internasionale letterkunde meer oor die jongste bespiegelings oor die Chileense digter Pablo Neruda se dood.

Skrywers en boeke 18 Oktober 2017
Woensdag 18 Oktober 2017

Ons bring hulde aan die skrywer Ryk Hattingh wat verlede week oorlede is. Kom vind uit wie is die vyf Afrikaanse skrywers wat pas benoem is vir SALA-toekennings. Milton Weber het die Week van die Afrikaanse Roman bygewoon en gesels met twee Nederlandse vertalers, Rob van der Veer en Dorien de Vries, asook met die skrywers Rudi van Rensburg en Ingrid Winterbach. Johan Myburg vertel meer oor die oplewing in die Britse digkuns.

Skrywers en boeke 11 Oktober 2017
Woensdag 11 Oktober 2017

Corina van der Spoel gesels met die skrywer Fanie de Villiers, beter bekend as Kleinboer, oor sy nuwe roman HIERDIE HUIS. Christelle Webb-Joubert gesels met die skrywer Dolf van Niekerk oor sy skryfwerk. (Dolf se jongste radiodrama, MYMERINGE VAN 'N OU MAN, word op 12 Oktober in Radioteater uitgesaai.) Johan Myburg gesels oor die Nobelprys wat verlede week toegeken is, en 'n nuwe bundel uit die pen van wyle Leonard Cohen.

Skrywers en boeke 4 Oktober 2017
Woensdag 4 Oktober 2017

Ilse Salzwedel gesels met Izak du Plessis oor sy boek BOEREVERNEUKERS. Darryl David vertel meer oor die Boekbedonnerd Boekefees wat van 25-28 Oktober in Richmond plaasvind. Johan Myburg gesels oor die internasionale boekbedryf en vertel onder meer meer van die Banned Books-week in die VSA.

Skrywers en boeke 27 September 2017
Woensdag 27 September 2017

Suzette Kotze-Myburgh gesels met Francois Loots oor sy nuwe roman DIE DIEPBLOU SEE. Ilse Salzwedel gesels met Karina Szcurzek, weduwee van die skrywer Andre P. Brink, oor haar biografie. Johan Myburg deel interessanthede uit die internasionale letterkunde, onder meer hoe skrywers oor sosiale media voel.

Skrywers en boeke 20 September 2017
Woensdag 20 September 2017

Die bekroonde jeugroman Vaselinetjie word hierdie Vrydag as 'n film uitgereik. Ilse Salzwedel gesels met die skrywer van Vaselinetjie, Anoeschka von Meck. Dan Sleigh gesels oor die ATKV Prosaprys wat onlangs aan hom toegeken is vir sy roman, 1795, en Christo Davids vertel meer oor sy drama MY SEUNS wat met 'n ATKV-Woordveertjie bekroon is as beste dramateks. Die Afrika-skrywer vandeesweek is Frank Chipula van Malawi. Johan Myburg gesels in sy internasionale letterkunde-insetsel onder meer oor die Manbooker-kortlys, 'n toekenning vir die skrywer A.S. Byatt en plagiaat deur die Franse digter, wyle Pierre Des-Ruisseaux.