Programme

TERUG

Spektrum

Potgooi

Chloe Collins kry regshulp in Oman
Woensdag 14 Augustus 2019

Dit is nog nie duidelik wat die aanklagte is teen die 23-jarige Chloe Collins van Kraaifontein wat in die Midde-Ooste aangehou word nie. Sy is reeds meer as drie maande lank in aanhouding in Oman. 'n Prokureur en woordvoerder van die Collins-gesin, Simone **Carolissen, sÍ dit is 'n onmoontlike situasie en dat hulle nie genoeg ondersteuning van die regering kry nie. Annelene Moses berig.

Vrou sorg vir diere in Colchester
Woensdag 14 Augustus 2019

'n Dapper vrou van die Oos-Kaapse dorp, Colchester langs die Sondagsrivier, het bewys dat een passievolle vrou 'n verskil kan maak in 'n gemeenskap. Ronel van Niekerk is bekend as die "hondevrou", maar sy gee ewe veel om vir mens en dier. Dit is haar doel om te sorg dat al die diere in die naburige informele nedersetting in gesonde toestand moet wees. Veronica Fourie doen verslag.

Dansgroep hou kinders weg van bendes
Dinsdag 13 Augustus 2019

'n Groep talentvolle tieners van Ocean View in die Kaapse Skiereiland beoefen verskillende dansvorme as 'n manier om weg te bly van maatskaplike euwels soos bendes en dwelmmisbruik. Die groep staan bekend as Limitless 360 en volgens die stigter, Maruwaan Moses, doen hulle diť naam gestand deur kreatiewe maniere te vind om bo hulle omstandighede uit te styg.

Hoofman Khoisan SA word dalk verwyder
Maandag 12 Augustus 2019

Die departement van Openbare Werke, gaan na verwagting vandag Hoofman Khoisan SA, en sy afvaardiging by die Uniegebou in Pretoria verwyder. Die groep is nou reeds sowat 8 maande lank voor die Uniegebou, met 'n lys eise wat hulle aan president Cyril Ramaphosa oorhandig het, toe hy nog destyds adjunk president was. Hoofman Khoisan SA, sÍ hulle gaan nerÍns heen, totdat hulle ordentlike antwoorde het nie.

Tannie Poppie gaan haar roosterbrood in ItaliŽ maak
Maandag 12 Augustus 2019

Die droom om eendag oorsee te kan gaan, kan binnekort bewaarheid word nadat die 63-jarige informele sakevrou, tannie Poppie van As, genooi is om roosterbrood oorsee te gaan bak. Van As wat ook bekend staan as die "Roosterbrood-konginin van die Karoo," bak en verkoop roosterbrood langs die N-1 in Laingsburg in die Wes-Kaap.

Zephany Nurse wil haar ware identiteit bekend maak.
Maandag 12 Augustus 2019

Zephany Nurse, wat in 2015 met haar biologiese familie herenig is nadat dit bekend geword het dat sy as twee-dae oue baba gesteel is, bring mŰre 'n dringende aansoek in die Hooggeregshof in Pretoria om 'n hofbevel wat haar identiteit beskerm, te lig. Sy bring diť aansoek sodat sy haar storie kan vertel in 'n boek wat eersdaags gepubliseer sal word.

Vroue se uitgawes is meer as mans s'n
Vrydag 9 Augustus 2019

Vroue tussen die ouderdom van 20 en 40 se uitgawes teenoor haar inkomste, is gewoonlik 56 persent meer as mans s'n. Vroue dink ook met hulle harte eerder as met hulle koppe. Dit is volgens 'n studie wat deur 'n skuld-adviseuringsmaatskappy, Debtsafe gedoen is onder sowat 1000 respondente. 28% van vroue in die groep sÍ hulle spandeer hulle maandelikse inkomste op hulle afhanklikes eerder as om na hulle eie finansiŽle welstand om te sien. 'n Skuldadviseur van Debtsafe, Carla Oberholzer, sÍ dit is duidelik dat vroue se prioriteite wanneer dit by finansies kom anders is as mans s'n.

Agterplaasbewoners word gepriotiseer vir behuising
Vrydag 9 Augustus 2019

Die Wes-Kaapse minister van menslike nedersettings, Tertius Simmers sÍ munisipaliteite moet agterplaas bewoners se behuisingsbehoeftes prioritiseer. Die Gatvol Capetonian beweging het gister in verskeie gebiede in Kaapstad betoog. Hulle beweer dat die plaaslike regering nie huise aan agterplaas bewoners toeken nie. Minister Simmers sÍ elke burger het die reg om vreedsaam te betoog.

Plaasaanvalle neem toe in die Oos-Kaap.
Vrydag 9 Augustus 2019

Plaasaanvalle in die Oos-Kaap is besig om toe te neem. Dit is luidens statistiek van die LUR vir Veiligheid en Vervoer in antwoord op 'n vraag van 'n DA-lid van die provinsiale Wetgewer, Bobby Stevenson. Die LUR, Weziwe Tikana, het bekend gemaak dat daar 48 plaasaanvalle die afgelope boekjaar was, in vergelyking met die 39 voorvalle in die vorige jaar. Stevenson sÍ drie jaar gelede het die syfer op 26 gestaan.

Mynbouproduksie het afgeneem
Donderdag 8 Augustus 2019

Mynbouproduksie het in Junie, jaar op jaar met vier komma twee persentasiepunte verminder. Seisoenaal aangepaste syfers het toegeneem met drie komma drie persent in Junie teenoor Mei die jaar. Dr Chris Harmse van Rebalance fondsbestuurders sÍ goud was die grootste bydraer tot die jaar op jaar daling.

Nama-taal moet ín keuse-vak op skool wees
Donderdag 8 Augustus 2019

Die woordkunstenaar, Danneline Ramsden, beywer haar vir Namakwalandse Afrikaans en die Nama-taal. Ramsden sÍ sy is baie spyt omdat sy nie op skool reeds die Nama-taal kon aanleer nie, en kan net van die woorde deel maak van 'n Afrikaanse sin. Hierdie vrouemaand gesels Annelene Moses met hierdie borrelende woord-vrou oor waar haar liefde vir inheemse tale gebore is.

Nasionale Gesondheidsversekering word dalk binnekort ingestel
Donderdag 8 Augustus 2019

Die minister van gesondheid, Dr Zweli Mkhize, sÍ die instelling van die Wetsontwerp op Nasionale Gesondheidsversekering sal die land 'n stap nader bring aan die implementering van die skema. Dr Mkhize het meer besonderhede oor die wetsontwerp in Pretoria bekendgemaak. Die direkteur van die Bhekisisa-sentrum vir gesondheidsjoernalistiek, Mia Malan gee haar indrukke oor diť wetsontwerp.

SA KUNSTENAAR PRAAT UIT OOR BETALING VAN SAUK
Dinsdag 6 Augustus 2019

'n Plaaslike kunstenaar, David Scott (beter bekend as "The Kiffness"), het gister opslae op sosiale media gemaak met 'n inskrywing op sy Facebook blad. In die inskrywing sÍ Scott dat indien die SAUK nie die geld wat aan hom verskuldig is betaal nie, sal hy weier dat sy musiek op enige van die uitsaaier se radio stasies gespeel word. Scott het aan Annelu le Roux vertel dat hy onlangs daarvan bewus geraak het, dat die betaling wat hy deur SAMPRA vir sy musiek ontvang het, geen bedrag vanaf die SAUK insluit nie ...

Donald Trump word gekritiseer dat hy migrantehaat aanvuur
Maandag 5 Augustus 2019

Amerikaners is in rou gedompel nadat minstens 29 mense gister doodgeskiet is in onderskeidelik Ohio en Texas. Hoewel die motief in Ohio nog onduidelik is, is die aanvaller in Texas in hegtenis geneem vir plaaslike terreur. Hy't openlik erken dat sy aanval op Spaans-Amerikaanse inwoners gemik is. President Donald Trump word intussen uit verskeie oorde gekritiseer dat hy migrantehaat aanvuur, en sodoende ook voorvalle soos diť. Dit is die derde vuurwapen-voorval in 'n week in die VSA. Sewe dae gelede het 'n tiener by 'n kosfees in Noord-KaliforniŽ 3 mense doodgeskiet, waarna hy homself om die lewe gebring het.

IndiŽ neem beslissende stap om greep op Kashmir te versterk
Maandag 5 Augustus 2019

IndiŽ het vandag 'n beslissende stap geneem, om sy greep op die Kashmir-streek te versterk. Die land het vandag aangekondig dat hy Artikel 370 - wat 'n mate van onafhanklikheid aan Jammu en Kashmir verseker - terugtrek. Tien-duisende weermaglede is na die gebiedontplooi, en toegang tot die internet is beperk. Marlinťe Fouchť het meer

Duisende mense sterf in geweld op Kaapse Vlakte
Donderdag 1 Augustus 2019

Nagenoeg 2000 mense het op 'n gewelddadige wyse oor die afgelope ses maande op die Kaapse Vlakte gesterf. Die weermag is verlede maand ontplooi om die polisie te ondersteun. Bykans elke naweek begrawe 'n ma haar kind, en die geweld ken geen einde nie. Annelene Moses berig.

Ma's hou 'n optog na die Parlement
Donderdag 1 Augustus 2019

Die organisasie Moms Move for Justice hou 'n optog na die Parlement. Een van die moeders van Hanover Park op die Kaapse Vlakte, Avril Andrews, sÍ ma's kan nie afsluiting kry nie omdat hofsake jare lank sloer. Andrews se seun, Alcardo is in 2015 vermoor en die saak word vandeesmaand weer aangehoor. Sy het aan Annelene Moses gesÍ sy is nie alleen in haar stryd om geregtigheid nie.

Oranje profielfotos in solidariteit met Kaapse Vlakte
Woensdag 31 Julie 2019

As jy gewonder het hoekom sommige sosiale media-gebruikers hulle profielfoto's na oranje verander het, hier is jou antwoord. Dit het alles begin by 'n jong sosiale media-aktivis, Sherazaad Liesering van Boksburg aan die Gautengse Oos-Rand. Liesering sÍ die oranje kleur en die hutsmerk Justice For The Cape Flats, is in solidariteit met die gemeenskappe van die geweldgeteisterde Kaapse Vlakte.

Meer as 50 veldwagters wat die jaar gesterf het se lewens word herdenk op WÍreld Veldwagter- dag
Woensdag 31 Julie 2019

54 Veldwagters is die afgelope jaar in Afrika dood terwyl hulle gewerk het. Vandag is WÍreld Veldwagter -dag en op die dag word daar hulde gebring aan die mense wat daagliks deel is van die stryd om die natuur te beskerm. Afgetrede Generaal- Majoor, Johan Jooste hoof van spesiale projekte by SANPARKE sÍ om 'n veldwagter te wees is nie maklik nie.

Werkers kan nie meer afgedank word weens afgeleide- wangedrag nie.
Woensdag 31 Julie 2019

In 'n hofsaak tussen Dunlop en die vakbond Numsa na 'n staking wat geweldadig geword het, het die hof bevind dat die werkgewer moet verseker dat werknemers wat wel oor inligting beskik wat wandade aan die lig kan bring, die werker se veiligheid moet verseker. Praktyksleier by die arbeidswetdepartement van Webber Wentzel, Jan Olivier sÍ dat die hele konsep van afgeleide wangedrag 'n baie moeilike gedeelte in die arbeidswet is.

Tweede sterkste vrou op die konitent is 'n Suid Afrikaner.
Woensdag 31 Julie 2019

'n Biokinetikus van Stellenbosch, Johanni Taljaard is pas aangewys as die tweede sterkste vrou op die kontinent. Sy het Suid-Afrika by die Statebond-gewigoptel kompetisie in Samoa verteenwoordig, waar sy 'n gewig van honderd-drie-en-tagtig kilogram opgetel het.

Steenkoolmyn kry teenstand van gemeenskap
Dinsdag 30 Julie 2019

Die burgerregte organisasie Afriforum en die Marloth -Park Belastingbetalers- Vereniging sÍ hulle gaan die beplande oprigting van 'n steenkoolmyn op die grens van die Nasionale Kruger Wildtuin teenstaan. Die Singo Consulting beperk en Manzolwandle steenkoolmyn sal sowat 18 000 hektaar groot wees. Die Afriforum Omgewingsbewaring hoof, Lambert de Klerk sÍ die regte konsultasie proses is nie deur die maatskappy gevolg nie