Programme

TERUG

RSG Dokumentêr

Potgooi

GEPLAK EN GESTEMPEL deur Chris Swanepoel
Donderdag 29 Maart 2018

Seëlversamelaars vertel waar die gogga hulle gebyt het, watter tipe seëls hulle versamel, wat ‘n seël waardevol maak, en hoe seëls georden en geberg moet word.

DIE BLOM VAN HANOVER PARK deur Martelize Brink
Donderdag 22 Maart 2018

Bendeaktiwiteite het leerders en personeel in die verlede genoop om plat te val sodat hulle nie slagoffers van geweld in die gemeenskap word nie. Blomvlei Laerskool in Hanover Park is ‘n bioom van koestering van kinders in die omgewing om hulle beste lewe te lei en die valstrikke in die gemeenskap vry te spring.

DIE VIOOLMAKER: FYN BESNAARD deur Jacqui January
Donderdag 15 Maart 2018

Die viool is fyn besnaard, maar tog hardebaard. Dié strykinstrument word eeue lank beskou as die maatstaf waarteen alle ander instrumente gemeet word, al is daar geen oortuigende bewyse hiervoor nie. Vioolmakler Evehardus Esterhuizen vertel van die gesofistikeerde kuns van vioolmaak wat reeds eeue gelede deur die ou meesters vervolmaak is.

HANS DU PLESSIS: STORIEVERTELLER VAN DIE MOOIRIVIER deur Ina Strydom
Donderdag 8 Maart 2018

Ina Strydom kyk na dié taalkundige en skrywer se navorsing oor variasietaalkunde en skryf in 'n ander taalvariëteit, die geskiedenis as storiebron, en Afrikaans.

EDUARD GREYLING: IN BEWEGING deur Johan van Lill
Donderdag 1 Maart 2018

Eduard Greyling, die eertydse dansmaat van Phyllis Spira, het op 15 Februarie sy 70ste verjaardag gevier. Hy was in die buiteland op verskeie verhoë te sien. In Suid-Afrika is hy ’n ballet-ikoon, bekend vir sy bydrae as danser en resensent.

SPIRITUALITEIT deur Jacqui January
Donderdag 22 Februarie 2018

Sommige mense raak al hoe meer bewus van hulle spiritualiteit, en ander skram weg daarvan. Vir baie is dit deel van hulle godsdiens, en vir ander is dit ‘n leefwyse. Deelnemers vertel van hulle soeke na spiritualiteit eeu-oue geloofspraktyke en in die Christendom. Hoor van die God-kol en hoe innerlike stilte in spiritualiteit beoefen word.

ADAM KOK III SE VOETSPORE IN PHILIPPOLIS deur Johan Rademan
Donderdag 15 Februarie 2018

Adam Kok III se Griekwas het vir bykans vier dekades floreer in die Philippolis-gebied, voordat hulle uiteindelik voor ‘n paar magte moes swig - die Engelse en Duitse dendelinge, Britse oorheersing, die Trekboere, die Voortrekkers en ander vigilante-groepe wat amper soos in die Wilde Weste geleef het. Prof. Doreen Atkinson skets die agtergrond waarteen gebeure in dié tydperk afgespeel het. Kaptein Johannes Kraalshoek, ‘n Griekwa-leier in die Vrystaat, en oom Booitjie Derisen en sy vrou Katriena vul saam met amateur-historikus met ‘n regsagtergrond, sakeman Deon Beneke, die prentjie in. Kom stap saam met Johan Rademane in Adam Kok III se voerspore in Philippolis en hoor hoe die nalatenskap en leefwyse van die Griekwas vandag herdenk word in die Adam Kok III-staproete in Philippolis.

WITBOORDJIEBOKS deur Jody Hendricks
Donderdag 8 Februarie 2018

Witboortjieboks is 'n nuwe fiksheidsuitdaging wat deur duisende Suid-Afrikaners beoefen word. Dit gee Jan en San Alleman die kans om ná ‘n lang dag by die werk, van hulle frustrasies ontslae te raak. Van hulle klim selfs in die kryt en veg teen mekaar. Jody Hendricks het by ‘n paar van die boksgimnasiums in Gauteng gaan inloer om meer hieroor uit te vind.

DIANA FERRUS: VROU VAN DIE GROND deur Haidee Muller
Donderdag 1 Februarie 2018

Haidee Muller bring aan jou die verhaal van Diana Ferrus, digter en kortverhaalskrywer. In 1999 verwerf sy haar B.A. Honneurs-graad in vrouestudies, en skryf dan in vir ’n meestersgraad oor “Swart Afrikaanse vroueskrywers – die vreugde en frustrasies van die skryfproses”. In 2003 is sy ‘n finalis vir die toekenning van Suid-Afrika se Vrou van die Jaar. Haar passie vir die ontwikkeling en bemagtiging van swart vroueskrywers word uitgebeeld in die aanbieding van “Swart Afrikaanse skrywers: die skryfproses”, wat sy in 2004 by die Woordfees op Stellenbosch aanbied. In 2005 neem sy deel aan die Winternachtfees in Den Haag, en toer saam met ander digters deur die Nederlandse Antille. In dieselfde jaar besoek sy Suid- en Noord-Korea, waar sy aan die Internasionale Poësiefees vir Węreldvrede deelneem.

CITY DEEP, JOHANNESBURG deur Fritz Klaaste
Donderdag 25 Januarie 2018

Die Johannesburg Varsproduktemark in City Deep het nederig in 1893 begin, maar spog vandag met 'n omset van R5-miljard. 'n Miljoen ton se groente en vrugte word jaarliks daar verhandel, en 10 000 mense is elke dag daar om handel te dryf. Jy kan by 20 000 geregistreerde handelaars, wat 5 000 boere verteenwoordig, kies en keur tussen 341 variëteite. Die mark is ‘n werkskepper soos min, en sorg dat daar elke dag vars produkte op jou etenstafel is. Fritz Klaaste het deur hierdie besig mark geloop...