EposTwitter

Aanbieders

TERUG NA AANBIEDERS

Anita Visser

  • Imtiaz Kajee
    Donderdag 22 Junie 2017

    'n Nadoodse geregtelike ondersoek na die dood van n struggle aktivis gaan heropen word. Dt volg nadat die 29-jarige, Ahmed Essop Timol, homself kwansuis 45 jaar gelede om die lewe gebring het deur op 27 Oktober 1971 uit n venster van die John Vorster polisiehoofkwartier in Johannesburg te spring. Die hoofkwartier is daarna deur struggle veterane na Timor Heights herdoop. Anita Visser praat met Imtiaz Kajee, Ahmed se susterskind en die dryfveer agter de saak se heropening.

  • Ronnie Kasrils
    Vrydag 16 Junie 2017

    Die land se jeug moet nie hul ideale van 16 Junie 1976 vergeet nie al lyk dit asof die Zuma-administrasie ver daarvan af weg beweeg het. Dt is die strekking van 'n onderhoud wat Anita Visser onlangs met die oud-minister, kommunis en struggle veteraan, Ronnie Kasrils, gevoer het.

  • Entrepeneurskap
    Vrydag 16 Junie 2017

    Volgens beskikbare statistiek is een uit elke twee mense, jonger as 25, werkloos. En dit lyk nie asof die situasie baie vinnig gaan verbeter nie. Een van die teenvoeters hiervoor is entrepreneurskap. Anita Visser en Heindrich Wyngaard praat nou hieroor met Martin van Staden van die Vryemarkstigting.

  • Professor Jannie Rossouw
    Dinsdag 6 Junie 2017

    Die Gupta-familie se maatskappy, Oakbay Resources and Energy, is sy JSE-borg kwyt. River Group is 'n JSE-borg en aangewese adviseur. Oakbay s in 'n verklaring die rede vir River Group se beindiging van hul dienste, is weens 'n hersiene evaluering van die risiko's verbonde aan di maatskappy en sy aandeelhouers. Anita Visser praat hieroor met die hoof van die Skool vir Ekonomiese- en Sakewetenskappe by die Universiteit van die Witwatersrand, prof. Jannie Rossouw.

  • Donald Trump en die Parys-ooreenkoms
    Vrydag 2 Junie 2017

    Hewige kritiek word oor 'n wye internasionale front uitgespreek oor die Amerikaanse president, Donald Trump, se aankondiging dat Amerika hom aan die Parys-ooreenkoms oor klimaatsverandering onttrek. Trump se besluit volg n verlede week se vergaderings met Europese leiers. Trump het op 'n mediakonferensie ges dit 'n swak ooreenkoms is vir Amerikaners en hy staan by sy verkiesingsbelofte om werkers eerste te stel. Anita Visser praat met Theo Bekker, 'n politieke ontleder verbonde aan die Noordwes Universiteit.

  • Nog Gupta e-posse uitgelek
    Vrydag 2 Junie 2017

    Sedert verlede naweek is die land behoorlik aan die gons oor e-posse van die Gupta-familie wat uitgelek het, en steeds stuksgewys openbaar gemaak word. Die familie word reeds beskuldig van 'n staatskaping en is berug daarvoor dat hulle hand om die blaas met president Zuma is. Dit blyk dat NOG e-posse uitgelek sal word en dat dit gaan bewys tot watter mate die Gupta-familie mag het oor die regering. Tussen 'n 100 000 en 200 000 e-posse en ander dokumente is glo in die besit van die Daily Maverick se ondersoek-eenheid SCORPIO, en amaBhungane, die sentrum vir ondersoekende joernalistiek. Ons praat nou hieroor met die veteraan-joernalis Stefaans Brummer, 'n mede-besturende vennoot by AmaBhungane.

  • APARTHEID, GUNS AND MONEY - Deel 3
    Vrydag 19 Mei 2017

    In die derde deel van 'n onderhoud met die skrywer van die boek, APARTHEID, GUNS AND MONEY, fokus Hennie Van Vuuren op die 1977 moorde van Robert en Jean-Cora Smit. Van Vuuren, direkteur van die nie-regeringsorganisasie, OPEN SECRETS, het vier jaar lank navorsing gedoen oor onwettige wapenhandel in die apartheidserea, en trek vandag al die drade saam.

  • APARTHEID, GUNS AND MONEY - Deel 2
    Donderdag 18 Mei 2017

    Gister het Monitor berig oor Hennie van Vuuren se boek, APARTHEID, GUNS AND MONEY, wat fokus op die groot getal lande, onder meer Rooi Sjina, wat met die medewete en hulp van die destydse Zare, wapens aan die Pretoria-regime verskaf het. Vandag vertel van Vuuren vir Anita Visser van die R500-miljard se spesiale weermagrekening waarvan selfs die naaste vetrouelinge van PW Botha niks geweet het nie.

  • APARTHEID, GUNS AND MONEY - Deel 1
    Woensdag 17 Mei 2017

    Tweemiljoen dokumente, honderde gesprekke op verskeie vastelande, en vier jaar se navorsing het vrug gebaar: die boek, APARTHEID, GUNS AND MONEY, geskryf deur die direkteur van die nieregeringsorganisasie, OPEN SECRETS, Hennie van Vuuren. In die boek bewys van Vuuren sonder twyfel dat die apartheidsregering alles behalwe sonder vriende was. Trouens selfs lande wat ideologies ver verwyder was van Pretoria se manier van dink, het fluks wapens aan Suid-Afrika verkoop. En moenie jou blind staar teen die oenskynlike diplomatieke bande van die tyd nie. Een voorbeeld is Taiwan, wat byvoorbeeld nie veel wapens aan die Botha-regime verkoop het nie, terwyl sy Rooi buurman dit wel gedoen het. Anita Visser het Hennie van Vuuren hieroor uitgevra.

  • Lang resessie wag op SA - Magnus Heystek
    Woensdag 26 April 2017

    Ons staan op die vooraand van 'n vyf tot tien-jaar lange resessie. S waarsku die beleggingstrateeg, Magnus Heystek, wat ook die kredietgraderingsagentskap, Moodys, vergelyk met Openbaring se ruiters. Anita Visser het hom gevra of hierdie vergelyking nie melodramaties is nie.