RSG

Taaldinge

In Taalnavrae word gepraat oor Jantjie Skuisdwars, ontbyt en oppas... of is dit nou pas op?

Hoe verklaar jy dit?

Hoekom voel dit dae ná ‘n baie lang vlug, of jy nog in die vliegtuig is en so effe van balans af is? Het dit iets te doen met jou ore of jou brein? Stem die biologie saam dat pedofilie nié as ‘n seksuele orientasie soos homoseksualiteit beskou kan word nie? Het die kliplewende vorme aanpassings ondergaan wat hulle tot klippe beperk? En is daar ook ander diere wat uitsluitlik tussen klippe lewe?

Ons en die onderwys

Johan van Lill praat met prof. Josef de Beer en prof. Neal Petersen van Noordwes-Univisersiteit se eenheid vir Selfgerigte Leer oor die rol wat inheemse kennis in selfgerigte leer speel. Daar word tans heelwat geargumenteer dat tradisionele houers van inheemse kennis as goeie selfgerigte leerders beskou kan word, en inheemse kennis sou ook baie goed kon inpas by die Suid-Afrikaanse kurrikulum.

Rand en sent

Omelia Hartzenberg van die Pensioenfonds vir Staatsamptenare praat oor bedrog, en wat jy kan doen as jy vermoed dat iemand bedrog pleeg. En Carla Oberholzer van Debtsafe gee wenke om die feesseisoen te oorleef, betekenisvolle geskenke te gee, en te bespaar op jou kersinkopies.

Leefwêreld van die gestremde

Fanie du Toit praat met dr. Reinette Weyers, ‘n ouer van ‘n kind wat met outisme gediagnoseer is. Sy deel die pad wat sy en haar gesin gestap het. Sy gee ook raad aan ander wat hulleself in soortgelyke omstandighede bevind.

Die avonture van Bibberbobbejaantjie

Bibber en Slungel help vir Trieks.

Laat ons sing

Luister na Carol of the Bells deur die Indigo-koor van Litoue, asook ‘n verwerking van die rolprent, Gladiator, se klankbaan.

Fiks vir die lewe

Elkeen van ons het planne vir die huwelik, sport, ons studies, of om geld te maak, maar so baie van daardie planne verdwyn in die niet, word opgeskeur of afgepraat. Wat nou gemaak? Hoe kan ek kreatief uit die ashoop nuwe vlamme blaas en ander planne maak? Is dit moontlik?

Sterre en planete

Wat sou gebeur as ‘n komeet op Tafelberg val? Dit is ‘n vraag wat ‘n luisteraar aan die Sterre en Planete-span gestuur het. Daar is ook ‘n gesprek oor die verskil tussen ‘n meteoor en ‘n komeet. Is daar ‘n korrelasie tussen sonaktiwiteit en hitte op aarde? Die span praat ook oor klein maantjies wat elke nou-en-dan om die aarde wentel.

Dis opera

Luister na ‘n paar 2019 Grammy-nominasies vir opera, waaronder George Bejamin se moderne opera, Lessons in Love and Violence, en Les Plaisirs de Versailles deur Marc-Antoine Charpentier. Verder luister ons na bekende en beminde arias en duette soos Die Perelvissers van Bizet en die Blommelied uit Carmen. Van die sangers wat gehoor sal word is Dmitri Hvorostovsky, Jonas Kaufmann en Anna Netrebko.

RSG Landbou

Johann Kotze, bestuurshoof van die Suid-Afrikaanse Varkprodusente-organisasie, praat oor die lesse wat hulle die afgelope jaar geleer het en wat tot voordeel van die bedryf gebruik word. Bonné de Bod het die jongste nuus oor die die oorlewing van ons renosterspesies. En ‘n fasiliteerder by Agriskills Transfer, Duif Joubert, vertel van die landbou-opleiding wat hulle aanbied, en waarom praktiese landbou-opleiding so belangrik is.

Regsake

As jy geld van 'n ryloper aanvaar, kom dit nie daarop neer dat jy 'n ongelisensieerde taxi teen vergoeding bedryf nie? Wie erf as iemand wat in gemeenskap van goed getroud is, sonder 'n testament sterf? Is vakbondleiers aanspreeklik vir skade wat hulle lede tydens betogings aanrig? En het jy geweet die bose Ma Baker het regtig geleef?

Middagvervolgverhaal

MAN VAN CIRENE deur F.A. Venter
Vir die radio verwerk deur Eben Cruywagen
Regie: Joanie Combrink

Episode 58: Oplaas kom Alexander en Simon in Cirene aan. Alexander probeer vir oulaas desperaat om Simon te oortuig om af te sien van sy plan, en liewer saam terug te keer na Ostia. Alhoewel Simon vriendelik in Cirene ontvang word deur sekere individue, is die boodskap duidelik dat Rome beslis nie vergeet het nie...

Nal'ibali

Die verlore beer.

RSG Landbou

Daar is slegs een okkerneutprodusent in Suid-Afrika. Die  bestuurshoof van Rotondo Walnuts, Percy Watkins, vertel hoekom dit die geval is. Hy praat ook oor hulle behoefte aan uitbreiding. Die inskrywings vir die jaarlikse Cleaver-toekennings is oop. Hierdie toekennings vereer plaaslike slaghuise en vleismarkte. Dewald Olivier, bestuurshoof van die Suid-Afrikaanse Voerkraalvereniging, verduidelik hoe dié kompetisie werk. En ‘n Brangus-boer van die Ladysmith-omgewing in KwaZulu-Natal, Martin Campher, vertel vir Hennie Maas van sy stoet.

Middagvervolgverhaal

MAN VAN CIRENE deur F.A. Venter
Vir die radio verwerk deur Eben Cruywagen
Regie: Joanie Combrink

Episode 59: Simon word begroet deur ’n volgepakte sinagoge waar daar letterlik nie plek vir ’n muis is nie. Pas nadat hy met sy rede begin het, herken iemand uit die gehoor hom. Gabriël en Groot Miga se pleidooie om Simon Niger van ’n brutale verhoor deur die goewerneur van Cirene te vrywaar, val op dowe ore.

RSG Landbou

TWK spog met ‘n bedryfswins van 30%. Die bestuurshoof van die maatskappy, André Myburg, verduidelik waaraan hulle sukses toegeskryf kan word. Dr. Ian Heyns van LNR Kleingraan op Stellenbosch, gee terugvoer oor die afgelope seisoen se koringproduksie in veral die Swartlandstreek. Abrie Venter van an Laeveld Agrochem praat oor swamsiektes by mielies, en Johnathan Toxopeus van Algar gee raad oor veehanteringstoerusting.

Middagvervolgverhaal

MAN VAN CIRENE deur F.A. Venter
Vir die radio verwerk deur Eben Cruywagen
Regie: Joanie Combrink

Episode 60 (slot): In die slotepisode van F.A. Venter se klassieke topverkoperroman, voel Simon oplaas dat hy sy lewe ten volle gewy het aan sy lewenstaak. In die laaste oomblikke van sy lewe, terwyl hy ongekende pyn en foltering verduur, beleef hy egter een van die mees verblydende oomblikke van sy lewe.

Nal'ibali

Hanna, die singende hen.

Dis Klassiek

Luister na die Simfonie no. 1 van Haydn, Bernhard Crusell se Fagotkonsert in B mol majeur en 'n Noorweegse dans van Grieg.

RSG Landbou

Die invloed wat klimaatsomstandighede op vanjaar se kanolaproduksie in die Wes-Kaap gehad het, is duidelik sigbaar. Izané Crous, ’n landboukundige by Southern Oil, vertel wat die stand van sake is. Hennie Maas praat met Chris de Wit van J&B Sitrus oor die sitrusbedryf in die Cookhouse-omgewing. En ekonoom dr. Roelof Botha praat oor die faktore wat veroorsaak dat Suid-Afrika se ekonomie so sukkel om te groei.

Middagvervolgverhaal

BRULSAND deur Charles J. Fourie
Regie: Renske Jacobs

Episode 1: Basjan ontmoet Jakob op die duine buite die dorp, en word deur ’n skerpioen gepik. Belinda is opgewonde oor die Duitsers wat by die gastehuis kom oorbly. Ansie en Jolene moet bontstaan om alles gereed te kry vir die belangrike gaste. Basjan dreig om Jakob iets aan te doen as hy nie die oordragvorms teken nie.

Radioteater

KULKIEKIES deur Deon Johnston
Regie: Christelle Webb-Joubert

Hannes is glad nie beïndruk met sy ma se alewige foto’s van hom op haar Facebookbladsy nie. Om die waarheid te sê, hy pes dit! Een aand is daar huismoles by die bure, en Hannes verfilm die hele petalje met sy selfoon en plaas dit op sy eie sosiale media. Waar trek mens die streep met foto’s en video’s van jou kinders (en jou bure) op sosiale media? Wanneer word menseregte aangetas, of jou reg op privaatheid? Dikwels kan onskuldige handelinge lei tot groot tragedies.

Met Carmin Coetzer, Brandon Eloff, Tobie Cronjé, Michelle Botha, Stefan Vermaak en Richard van der Westhuizen.

RSG Landbou

‘n Boer maak ‘n plan, en om vooruit te boer, moet daar daagliks nuwe planne gemaak word. Eloise Pretorius kyk terug na van die kreatiefste planne wat in 2019 deur boere gemaak is.

Wie is ek?

“Iemand wat hulle eie lewe wil neem, wil nie dood gaan nie. Hulle sien net nie 'n uitkoms uit hulle omstandighede nie.” Dit is die woorde van kliniese sielkundige, Louis Awerbuck. Hy praat oor die die redes vir selfdood, die tekens en beskikbare hulp.

Middagvervolgverhaal

BRULSAND deur Charles J. Fourie
Regie: Renske Jacobs

Episode 2: Basjan gee vir Christa aanwysings oor hoe sy die Duitsers moet hanteer, en vra dat sy niks sê van die oordragvorms wat Jakob nog nie geteken het nie. Fanie Louw, die verkoopsman, daag midde die Duitsers se aankoms op en is woedend dat sy gereelde kamer nie beskikbaar is by die gastehuis nie.

Nal'ibali

Perd en donkie.

Oppiradio

Sy droom al jare lank daarvan om in te skryf vir die realitetisreeks, The Voice. Toe sy uiteindelik 18 jaar oud geword het, neem sy die besluit om die stap te doen. Al vier beoordeelaars het hulle stoele vir haar omgedraai. Sy gekies om saam met Francois van Coke te werk. Tasché Burger het daardie reeks gewen, en skuur nou skouers met die toprockers in die plaaslike musiekbedryf. Sy skryf musiek saam met Hunter Kennedy, neem duette op saam met Francois van Coke, en word bestuur deur Wynand Myburg. Christelle van Tonder het met hierdie jong musikant oor haar sukses gepraat.

RSG Landbou

Eloise Pretorius besoek die Alternatiewe Voedselproduk-bekendstellingsdag by die Universiteit Stellenbosch. Marbi Schwartz en Trudie Rust verduidelik hoe nuwe prosesseringsmetodes ook insekte insluit, en vertel meer van innoverende maniere waarop daar oor voedselsoorte van die toekoms besin word.

Die avonture van Bibberbobbejaantjie

Die skool by Skuilkrans is gereed, en ons is baie opgewonde.

Dis opera

Luister na Rossini-arias van die plaaslike tenoor Levy Sekgapane, wat uitmuntend presteer op die internasionale operaverhoog. Verder luister ons na Celeste Aida van Verdi, ‘n aria uit een van Rossini se minder bekende operas, Armida, en arias van Georg Friedrich Handel. Van die sangers wat gehoor sal word is Andrea Bocelli, Placido Domingo en Giorgio Zancanaro.

RSG Landbou

Daar is baie regsaspekte oor die ontginning en bottelering van fonteinwater op ‘n plaas. Petrus van der Walt van VDT Prokureurs vertel watter wetgewing van toepassing is. Dr. Klaas-Jan Leeuw van die LNR Diereproduksie-eenheid praat met veeprodusente oor hittestres. En tydens vanjaar se Toyota Agri SA jongboer van die jaar toekenningsgeleentheid, het die 2018-wenner, JP van den Berg van Tosca in Noordwes, vertel wat hy die afgelope jaar wyser geword het.

Regsake

Kan ouers wat op grond van hulle geloof lyfstraf op hul kinders by die huis toepas, vervolg word? Wat gebeur as iemand wat onderhoud betaal, sterf en 'n trust erf sy hele boedel? Watter opsies het 'n ongetroude swanger vrou ten opsigte van die koste van haar swangerskap as die pa weier om iets by te dra totdat vaderskaptoetse gedoen is?

Middagvervolgverhaal

BRULSAND deur Charles J. Fourie
Regie: Renske Jacobs

Episode 3: Fanie Louw, stem helaas in om in die glorified Wendy-huis te woon terwyl die Duitsers sy kamer beset. Kaptein Dalene Jafta van die satelliet-polisiekantoor verwittig Jakob Maritz dat sy die skerpioen moet konfiskeer omdat hy nie ’n wettige permit het om insekte binne ’n reservaat te versamel nie.

Nal'ibali

Kalahari-konsert.

Middagvervolgverhaal

BRULSAND deur Charles J. Fourie
Regie: Renske Jacobs

Episode 4: Christa vertel vir Basjan dat Belinda die uitstappie na die duine met die Duitsers heeltemal oorgevat en moontlik verongeluk het. Dalene verneem by Belinda of sy weet hoekom Basjan op die grond langs die reservaat boor. Fanie vertel vir Christa van sy aftreeplanne, en maak haar ’n aanbod.

Middagvervolgverhaal

BRULSAND deur Charles J. Fourie
Regie: Renske Jacobs

Episode 5: Christa kla by kaptein Dalene Jafta oor Fanie en Jakob wat so lastig is. Sy dink Fanie Louw volg haar rond op straat. Ansie stel voor dat Jolene daaraan begin dink om ook ’n kêrel te kry. Christa wil by Jolene weet hoekom die duine by Witsand so brul as mens daarop stap.

Nal'ibali

Haas se kompetisie.

Middagvervolgverhaal

BRULSAND deur Charles J. Fourie
Regie: Renske Jacobs

Episode 6: Belinda wil by Basjan weet of hy besig is met mynbou-planne op die grond langs die reservaat. Christa wil die Duitse gaste verras met ’n rieldansgroep tydens die Kersete, maar Belinda het ander planne. Basjan vra vir Christa om weer met Jakob te flirt in ’n poging dat hy die oordragvorm sal teken.

Radioteater

MAN OP DIE MAAN deur Helena Mellet
Regie: Anrich Herbst

Op ‘n plaas op die Kaapse platteland boer Charl en sy dogter Carli met ‘n klomp beeste. Die ander dogter, Bella, is die eienaar van ‘n galery op Stellenbosch. Sy kom kuier vir ‘n naweek op die familieplaas. Mina, die plaashuis se huishoudster, en Bella deel ‘n geheim oor die “man op die maan” – een wat hulle met niemand deel nie, tot iets gebeur wat almal tot in hulle fondamente skok. Intussen het Carli ‘n ogie op die nuwe veearts op die dorp, en gaan kuier dalk té gereeld om “raad te kry” vir haar beestetrop. Hennie se ma dink Charl is ‘n goeie vangs, maar sal hy die beleefdheid beantwoord? Waar is Carli en Bella se ma? En wie is die man op die maan?

Die speler is Albert Maritz, Roeline Daneel, Mandri Sutherland, Lee-Ann van Rooi, Lindie Stander en Jacques Bessenger.

RSG Landbou

Wat het rockmusiekgroepe en landbou gemeen, en wat is die boodskap oor landbou in Suid-Afrikaanse musiek? Eloise Pretorius vind uit op watter innoverende maniere stories van hoop en inspirasie gedeel word.

Wie is ek?

Om ‘n kind te dissiplineer het vele implikasies, nie net vir die kind nie, maar ook vir ouers. Lise Swart kyk na die belang van straf, hoe ouers hulle lewe makliker kan maak, en hoekom dit tog nodig is om ‘n kind te straf wat die reëls verbreek.

Middagvervolgverhaal

BRULSAND deur Charles J. Fourie
Regie: Renske Jacobs

Episode 7: Fanie en Jakob bespiegel oor hoe hulle permanent van Basjan ontslae kan raak. Christa vra vir Jolene om haar te help om ’n rieldansgroep te vind vir die Kersete. Jakob is verras wanneer Christa hom uit die bloute nooi vir ‘n stap in die parkie. Fanie wil weet of sy tafel vir Kersfees bespreek is.

RSG Landbou

Rosa Kruger van die Ou Wingerd-projek gesels oor die plaaslike oeste van 2019. Sy verduidelik ook hoe haar wingerdopleidingsprogram daadwerklik besig is om die lewe van ‘n groot aantal Suid-Afrikaners te verbeter.

Die avonture van Bibberbobbejaantjie

Trieks begin ‘n kunsklas by Skuinskransskool.

Dis opera

Luister na arias en duette uit Die Barbier van Sevilla, La Boheme, Tristan und Isolde en Turandot. Om ons in die feesstemming te bring, luister ons ook na die eteriese blommeduet uit Lakme van Delibes. Van die sangers wat gehoor sal word is Maria Callas, Dame Kiri Te Kanawa, Roberto Alagna en Thomas Hampson.

Regsake

Is daar 'n wedersydse onderhoudsplig tussen 'n paartjie wat saamwoon? Wat mag jy aftrek van jou huiswerker se vergoeding? Wat is nodig om laster te bewys, en wat is die verwere daarteen? Daar bestaan geen formaliteite om Krugerrande te koop nie. Kan 'n mens dus die waarde van jou boedel verklein en boedelbelasting spaar deur Krugerrande te koop?

Middagvervolgverhaal

BRULSAND deur Charles J. Fourie
Regie: Renske Jacobs

Episode 8: Fanie kla by Belinda oor die interdik wat Christa dreig om teen hom te kry, wat hom sou verbied om binne ’n sekere afstand van haar te kom. Belinda is in ’n toestand nadat sy verneem van Christa se planne om die Duitse gaste met rieldansers in plaas van haar oempa-orkes te vermaak, en word dronk.

Middagvervolgverhaal

BRULSAND deur Charles J. Fourie
Regie: Renske Jacobs

Episode 9: Jolene en Ansie bespiegel oor hoekom Fanie altyd swart dra. Basjan probeer Belinda tot haar sinne bring ná haar uitbarsting en dreigement om van hom te skei. Die inkopie-uitstappie ontaard in ’n nagmerrie toe Belinda vir die oempa-orkes elf-uitrustings soek.